1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

جاڭا دامۋ جاعدايى دەگەننىڭ عىلىمي ءمانىن تەرەڭ ءتۇسىنۋ كەرەك

ليۋ يۋانچۇن

日期:2020年10月16日
来源:人民网
【字体:

جۋىردان بەرى، باس شۋجي شي جينپيڭ ءبىرقىدىرۋ ماڭىزدى ءسوز جاريالاپ، ەل ىشىندەگى ءىرى اينالىمدى نەگىزگى تۇلعا ەتىپ، ەل ءىشى مەن حالىقاراداعى قوس اينالىم ءبىرىن – ءبىرى ىلگەرىلەتەتىن جاڭا دامۋ جاعدايى دەگەننىڭ ءمانى مەن ەرەكشەلىگىن، جاڭا دامۋ جاعدايىن جەدەل قالىپتاستىرۋ جاعىنداعى ستراتەگيالىق ورنالاستىرۋدى، ءونىمدى جولداردى تەرەڭ باياندادى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ جانە ۇعىنۋ جاڭا دامۋ جاعدايىن جەدەل قالىپتاستىرۋ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدى تابىسپەن ورىنداۋعا كەپىلدىك ەتۋ، «14 – بەسجىلدىق» جوسپار مەزگىلىندەگى ەلىمىزدىڭ ەكونوميكاسى مەن قوعامىنىڭ دامۋىن ىلگەرىلەتۋ جاقتارىندا ەرەكشە ماڭىزدى ءمان الادى.

جاڭا دامۋ جاعدايى تۇيىقتالعان، ەل ىشىندەگى اينالىم عانا بولماستان، قايتا ەل ءىشى مەن حالىقاراداعى اشىق ۇستالاتىن قوس اينالىم. ەكونوميكالىق ءمانى جونىنەن ساراپتاۋ جۇرگىزگەندە، ەل ىشىندەگى ءىرى اينالىم — ەل ىشىندەگى قاجەتسىنۋدى شىعار ءتۇيىن جانە تياناق ەتىپ، ەل ىشىندەگى جۇمىس ءبولىسى جۇيەسىن جانە بازار جۇيەسىن تاسىمالداۋشى ەتىپ، حالىقارالىق جۇمىس ءبولىسى جانە حالىقارالىق بازاردى تولىقتاۋشى جانە قولداۋ كورسەتۋشى ەتە وتىرىپ، حالىق شارۋاشىلىعى اينالىمىنىڭ ىركىلىسسىز بولۋىن، ەل ىشىندەگى جۇمىس ءبولىسىن ۇزدىكسىز تەرەڭدەتۋدى، مەملەكەتتىڭ تەحنيكالىق ورەسىنىڭ ۇزدىكسىز العا باسۋىن ىشكى جاقتاعى قوزعاۋشى كۇش ەتكەن ەكونوميكالىق اينالىم جۇيەسى بولىپ تابىلادى. حالىقارالىق ءىرى اينالىم دەگەنىمىز حالىقارالىق جۇمىس ءبولىسى جانە حالىقارالىق بازاردى نەگىز ەتىپ، حالىقارالىق كاسىپ سالاسى تىزبەگى جانە قۇن تىزبەگىنە سۇيەنە وتىرىپ، حالىقارالىق ساۋدا، حالىقارالىق قارجىلاندىرۋ جانە حالىقارالىق فينانستى نەگىزگى فورما ەتىپ، ءارقايسى ەكونوميكالىق تۇلعالار سالىستىرمالى باسىمدىلىقتارى بويىنشا ءوزارا باسەكەگە ءتۇسىپ، ءبىر – بىرىنە سۇيەنەتىن ەكونوميكالىق اينالىم جۇيەسىن كورسەتەدى.

ەكونوميكانىڭ جاھاندانۋى جاعدايى تۇسىندا، حالىقارالىق ءىرى اينالىم، ءسوزسىز، ءارقايسى ەلدەردىڭ ەكونوميكالىق اينالىمىن ءوزارا ۇشتاستىرۋى، ءارقايسى ەلدەردىڭ ەكونوميكاسى دا ەسىكتى اشىق ۇستاۋ بارىسىندا حالىقاراداعى جانە ەل ىشىندەگى ەكى بازار، ەكى بايلىق قاينارىنان پايدالانا وتىرىپ اناعۇرلىم ويداعىداي دامۋدى ىسكە اسىرۋى كەرەك. جاڭا دامۋ جاعدايى ەل ىشىندەگى ءىرى اينالىمدى نەگىزگى تۇلعا ەتۋى سىرتقا ەسىك اشپاۋ دەگەندى بىلدىرمەيدى، حالىقارالىق ءىرى اينالىمدى ىعىستىرۋ نەمەسە ودان ۋاز كەشۋ دەگەندى دە كورسەتپەيدى، قايتا، اناعۇرلىم جوعارى ورەدە حالىقارالىق ەكونوميكانىڭ اينالىم جۇيەسىنە توعىسۋمەن بىرگە، ەلىمىزدىڭ مەملەكەت جاعدايىن شىعار ءتۇيىن ەتە وتىرىپ، ءىرى ەل ەكونوميكاسىن دامىتۋ زاڭدىلىعىنا بويسۇنىپ، حالىق شارۋاشىلىعىنىڭ اينالىمىن ىركىلىسسىزدەندىرۋ ارقىلى جاڭا دامۋ جاعدايىن قالىپتاستىرۋ، ەل ىشىندەگى جۇمىس ءبولىسى مەن تەحنيكالىق جاڭالىق جاراتۋدى دامىتۋ ارقىلى حالىقارالىق جۇمىس ءبولىسى مەن حالىقارالىق تەحنيكالىق جاڭالىق جاراتۋدىڭ دامۋىن ىلگەرىلەتۋدى كورسەتەدى.

http://kazakh.people.com.cn/158373/15826857.html