ب م ۇ – نىڭ 75 – كەزەكتى ءماجىلىسىنىڭ جاي تالقىسىندا، ءتوراعا شي جينپيڭ ماڭىزدى ءسوز سويلەپ، «ىندەتكە ءدوپ كەلگەندە، ىنتىماقتى كۇشەيتىپ، تار جول تايعاق كەشۋدەن بىرگە ءوتۋ»، «ىندەتكە توسقاۋىلداپ سوققى بەرۋدىڭ دۇنيە جۇزىلىك شايقاسىنىڭ جەڭىسىنە باتىلدىقپەن قول جەتكىزىپ، ساياسيلاندىرۋعا، ايىپ تاعۋعا قارسى تۇرۋ» كەرەك ەكەنىن باسا دارىپتەدى. قازىرگى تاڭدا، جاڭا تيپتى ايدارشا ۆيروس وكپە قابىنۋ ىندەتىنىڭ دۇنيە ءجۇزى بويىنشا كەڭىنەن تارالۋى جانە دۇنيە ءجۇزىنىڭ عاسىردا كەزدەسپەگەن زور وزگەرىس جاعدايى ءوزارا ىقپال ەتۋدە، ءبىز دۇنيە جۇزىلىك اناعۇرلىم كوپ سىناقتارعا بەتپە – بەت كەلۋگە ويداعىداي دايىندىق جاساۋىمىز قاجەت. ءتوراعا شي جينپيڭنىڭ ماڭىزدى ءسوزى، دۇنيە جۇزىندەگى عاسىردا كەزدەسپەگەن زور وزگەرىستى جەتە تانۋ، قازىرگى تاڭداعى سىرتقى ورتانىڭ وزگەرىسى جەتكىزەتىن حاۋىپ – قاتەرلەر مەن سىناقتاردى سەرگەكتىكپەن كورە ءبىلۋ، ەلىمىز دامۋىنىڭ ءالى دە كەلەلى ستراتەگيالىق ورايلار مەزگىلى تۇسىندا ەكەندىگى سىندى عىلىمي تۇجىرىمداردى ءدال يگەرۋ، داعدارىس بارىسىندا جاڭا ورايدى جەتىلدىرىپ، وزگەرىس بارىسىندا جاڭا جاعدايدى جاراتۋ قاتارلى جاقتاردا كەلەلى نازاريالىق جانە رەال ءمان الادى.
ءبىز ءوزارا بايلانىسقان، توعىسقان، قۋانىش پەن جۇبانىشتا بىرگە بولاتىن جەر شارى قىستاعىندا ءومىر ءسۇرىپ وتىرمىز. ىندەتتىڭ تارالۋىنا ءدوپ كەلگەن ساتتە، شىن پەيىلمەن سەلبەستىك ورناتىپ، قيىن جاعدايدان بىرگە ءوتۋ كەرەك پە، الدە، باسقالاردى ءجونسىز جازعىرىپ، جاۋاپكەرشىلىكتى باسقاعا يتەرە سالۋعا ۇرىنۋ كەرەك پە دەگەن ماسەلە ادامگەرشىلىك ءمورال ماسەلەسى عانا ەمەس، ول ادامزاتتىڭ بولاشاق تاعدىرىنا ساياتىن ماسەلە. باس شۋجي شي جينپيڭ مىنانى باسا دارىپتەگەن: «ءبىز توننىڭ ىشكى باۋىنداي بايلانىسقان تاعدىرلاس ورتاق تۇلعا تانىمىن ورناتۋىمىز كەرەك». ءار ەل تەك تار ورىستىلىكتەن جانە نولدىك قوسىندى ويىنى وي جەلىسىنەن اتتاپ شىعىپ، سەلبەستىك ورناتۋ، ورتاق يگىلىكتەنۋ تانىمىن ورناتىپ، يدەيالوگيالىق جاقتاعى تالاس – تارتىستى توقتاتىپ، وركەنيەتتەر قاقتىعىسى تۇزاعىنان اتتاپ ءوتىپ، ءار كىمنىڭ ءوزى تاڭداعان دامۋ جولى مەن فورماسىن ءوزارا قۇرمەتتەگەندە عانا، دۇنيە ءجۇزى اناعۇرلىم ارلەنىپ، ادامزات وركەنيەتى اناعۇرلىم قۇلپىرادى.
ەكونوميكانىڭ جاھاندانۋى وبيەكتيۆ رەالدىق ءارى تاريح اعىنى، دۇنيە ءجۇزى توماعا – تۇيىق، وقشاۋلانعان كۇيگە قايتا المايدى، ادام قولىمەن جىكتەلۋى دە مۇمكىن ەمەس. بۇگىنگى تاڭدا، ەكونوميكانىڭ جاھاندانۋى تەرەڭدىگى، كەڭدىگى جانە ىقپالى جاعىنان تاريحتاعى ءارقانداي داۋىردەگىدەن دە اسىپ ءتۇسىپ، تاۋار مەن قارجىنىڭ اينالىمىن، عىلىم – تەحنيكا مەن وركەنيەتتىڭ العا باسۋىن، ءار ەل حالقىنىڭ بارىس – كەلىسىن ىلگەرىلەتتى، دۇنيە ءجۇزى ەكونوميكاسىنىڭ كوركەيىپ – گۇلدەنۋى مەن دامۋىن ىلگەرىلەتتى. سونىمەن بىرگە، مىنانى كورە ءبىلۋىمىز كەرەك: ەكونوميكانىڭ جاھاندانۋى ۇردىسىندە جەتەرسىزدىك ساقتالىپ وتىر، دۇنيە ءجۇزى دامۋىنىڭ تەڭگەرىمسىزدىگى، ءار ەلدىڭ ىشكى جاقتاعى دامۋىنىڭ تەپە – تەڭسىزدىگى جانە دۇنيە جۇزىلىك جونگە سالۋداعى قىزىل سيفرى قاتارلى ماسەلەلەردى شەشۋى قيىن.
http://kazakh.people.com.cn/158373/15826716.html
