دامۋ — شينجياڭنىڭ باياندى تىنىشتىعىنىڭ باستى نەگىزى. ورتالىقتىڭ شينجياڭ قىزمەتى جونىندەگى 3 – رەتكى اڭگىمە ماجىلىسىندە، باس شۋجي شي جينپيڭ شينجياڭنىڭ ەكونوميكاسىنىڭ دامۋى، قوعام دامۋى جانە حالىق تۇرمىسىن جاقسارتۋ جاقتارىندا بۇرىن – سوڭدى بولماعان ناتيجەلەرگە قول جەتكىزىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتكەنىنە جوعارى باعا بەرىپ، حالىق تۇرمىسىمەن تىعىز سايكەستىرە وتىرىپ، جوعارى ساپالى دامۋدى ىلگەرىلەتۋ كەرەك ەكەنىن باسا دارىپتەدى.
پارتيا 18 – قۇرىلتايىنان بەرى، باس شۋجي شي جينپيڭ ەكونوميكانى دامىتۋ جانە حالىق تۇرمىسىن جاقسارتۋدى شينجياڭنىڭ ورنىقتىلىعى مەنى حاۋىپسىزدىگى سىندى ستراتەگيالىق جوعارى ورەگە كوتەرىپ، «شينجياڭنىڭ سەكىرمەلى دامۋىن ورىنداۋدى بۇلتجىتپاستان اتقارۋمەن بىرگە، ءسوزسىز، حالىق تۇرمىسىن جاقسارتۋدى تىعىز توڭىرەكتەي وتىرىپ، حالىق تىلەگى ارقىلى ەكونوميكانىڭ دامۋىن ىلگەرىلەتۋ كەرەك» ەكەنىن باسا دارىپتەدى، «دامۋ، حالىق تۇرمىسىنا تيىمدىلىك جەتكىزۋ ارقىلى جۇرتشىلىقتىڭ ىستەيتىندەي جۇمىسى بولۋىنا، اقشا تابا الۋىنا، ءۇمىتتى بولۋىنا وراي جاراتىپ، پارتيانىڭ ءار ۇلت جۇرتشىلىعىن ۇيىستىرۋ قۋاتىن ۇزدىكسىز كۇشەيتىپ، وتاندى ءسۇيۋ، شينجياڭدى ءسۇيۋ جاعىنداعى وڭ ەنەرگيانى ۇزدىكسىز ارتتىرۋ قاجەت» دەپ اتاپ كورسەتتى، «ءار ۇلت جۇرتشىلىعىنىڭ الاڭسىز تىرشىلىك ەتۋىن تىعىز توڭىرەكتەي وتىرىپ، ءوندىرىس پەن تۇرمىس شارت – جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەۋ، ءار ۇلت جۇرتشىلىعىنىڭ بارىنشا نازار اۋدارىپ وتىرعان ماسەلەلەرىن كوبىرەك شەشىپ، ءار ۇلت جۇرتشىلىعىنىڭ پارتيانىڭ قامقورلىعى مەن وتاننىڭ ۇلى شاڭىراعىنىڭ مەيىرىمىن شىنايى سەزىنۋىنە وراي جاراتۋ كەرەك» ەكەنىن تالاپ ەتتى.
باس شۋجي شي جينپيڭنىڭ ءبىرقىدىرۋ ماڭىزدى سوزدەرى مەن ماڭىزدى نۇسقاۋلارى «كىم ءۇشىن ىستەۋ، كىمگە سۇيەنۋ» كەرەك ەكەندىگى سىندى تۇجىرىمدى تاقىرىپتى ىشكەرىلەي ءتۇسىندىرىپ، شينجياڭنىڭ ەكونوميكا – قوعام دامۋى جانە حالىق تۇرمىسىن جاقسارتۋ قىزمەتىن ويداعىداي ىستەۋ ءۇشىن قۇلشىناتىن باعدار نۇسقادى.
زاڭعار تيانشان، ايبىندى كۇنلۇن شينجياڭنىڭ تاريحتاعى ۇلى وزگەرىستەرىنە كۋا. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، تيانشاننىڭ تۇستىگى مەن تەرىستىگىنەن كوكتەم لەبى ەسىپ، تىرشىلىك تىنىسى شالقىپ، بۇرىنعى بەت – بەينەسى جاڭارعان دامۋ حيكىمەتتەرى جازىلدى. ورتالىقتىڭ شينجياڭ قىزمەتى جونىندەگى 2 – رەتكى اڭگىمە ماجىلىسىنەن بەرى، شينجياڭدا ءوندىرىستىڭ جالپى ءونىم قۇن 919 ميلليارد 590 ميلليون يۋاننان ءبىر تريلليون 359 ميلليارد 710 ميلليون يۋانعا ارتتى، تۇرعىنداردىڭ كىسى باسىنا تيەتىن مەڭگەرۋىندەگى كىرىسىنىڭ جىلدىق ورتاشا ارتۋ مولشەرى %9.1 ارتتى، كەدەيلىكتىڭ تۋىلۋ مولشەرى %19.4تەن %1.2كە تومەندەدى، ورتالىق قازىنانىڭ شينجياڭ ۇيعۇر اۆتونوميالى رايونى مەن شينجياڭ ءوندىرىس – قۇرىلىس بيڭتۋانىنا جوتكەپ تولەگەن قاراجاتى 263 ميلليارد 690 ميلليون يۋاننان 422 ميلليارد 480 ميلليون يۋانعا ارتتى،
(بەلگى: وسى ارادان جوعارىداعى ابزاتسقا قوسىلادى) شينجياڭعا باعىتتامالى كومەكتەسەتىن 19 ولكە، توتە قاراستى قالانىڭ شينجياڭعا كومەكتەسۋگە قوسقان قاراجاتى (بيڭتۋاندى قامتيدى) 96 ميلليارد 400 ميلليون يۋان بولىپ، شينجياڭعا كومەكتەسۋ نىساندارىنان 10 مىڭنان استام نىسان اتقارىلدى، شينجياڭعا كومەكتەسەتىن ولكە، توتە قاراستى قالالاردىڭ كاسىپورىندارىنىڭ تۇسىرگەن قاراجاتى ءبىر تريلليون 684 ميلليارد يۋان بولدى، ورتالىققا قاراستى كاسىپورىنداردىڭ قوسقان قارجىسى 700 ميلليارد يۋان بولدى. بۇل سان – سيفرلار شينجياڭنىڭ جاڭا داۋىردەگى نىق قاداممەن دامىعاندىعىن ايگىلەپ، ءار ۇلت جۇرتشىلىعىنىڭ كوركەيىپ – گۇلدەنۋگە، دامۋعا بىرگە تالپىنعان، تاماشا تۇرمىستان بىرگە يگىلىكتەنەتىن جاڭا ءومىرىن كورسەتتى.
http://kazakh.people.com.cn/158373/15825868.html
