قازىرگى كەزدە جانە بۇدان بىلايعى ءبىر مەزگىلدە، شينجياڭ قىزمەتىن ويداعىداي ىستەۋ ءۇشىن جاڭا داۋىردەگى شينجياڭدى جونگە سالۋ باعىت – ساياساتتارىن كەمەلدى، دۇرىس دايەكتىلەندىرىپ، شينجياڭ قىزمەتىندەگى باستى نىسانانى مىقتى ۇستاپ، جونگە سالۋ جۇيەسىن جانە جونگە سالۋ قۋاتىن وسىزامانداندىرۋدى ىلگەرىلەتۋ ارقىلى شينجياڭدى زاڭمەن جونگە سالۋ، شينجياڭدى ىنتىماقتاستىرا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋگە كەپىلدىك ەتىپ، ۇزاق بولاشاقتىق شارالاردى كوبىرەك ويلاستىرىپ، نەگىزدى بەكەمدەۋ شارالارىن كوبىرەك اتقارىپ، ىنتىماقتى دا جاراسىمدى، گۇلدەنگەن، اۋقاتتى، وركەنيەتتى، العا باسقان، تىنىش ءومىر، شات – شادىمان تىرشىلىك كەشىرگەن ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
9 – ايدىڭ 25 – كۇنىنەن 26 – كۇنىنە دەيىن، ورتالىقتىڭ شينجياڭ قىزمەتى جونىندەگى 3 – رەتكى اڭگىمە ءماجىلىسى بەيجيڭدە اشىلدى، باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەدى. باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 – رەتكى اڭگىمە ماجىلىسىنەن بەرى، شينجياڭ قىزمەتىندە قول جەتكىزگەن ناتيجەلەردى جان – جاقتىلى قورىتىندىلاپ، قازىرگى تاڭداعى شينجياڭ قىزمەتىندە ءدوپ كەلىپ وتىرعان جاعداي مەن مىندەتتەرگە ىشكەرىلەي تالداۋ جاساپ، پارتيانىڭ جاڭا داۋىردەگى شينجياڭدى جونگە سالۋ باعىت – ساياساتتارىن ىشكەرىلەي باياندادى، شينجياڭ قىزمەتىن ويداعىداي ىستەۋ جونىندە كەلەلى ورنالاستىرۋ جاسادى. باس شۋجي شي جينپيڭنىڭ ماڭىزدى ءسوزى ۇلى مۇراتتى، يدەياسى تەرەڭ، مازمۇنى باي، ساياسي سيپاتى، يدەيالىق سيپاتى، نازاريالىق سيپاتى وتە كۇشتى بولىپ، بۇل جاڭا داۋىردەگى شينجياڭ قىزمەتىنە جەتەكشىلىك ەتۋدەگى باعدارنامالىق قۇجات.
2014 – جىلى ورتالىقتىڭ شينجياڭ قىزمەتى جونىندەگى 2 – رەتكى اڭگىمە ءماجىلىسى اشىلعاننان بەرى، ءتۇرلى جاقتاردىڭ جاپالى قۇلشىنىس جاساۋىنىڭ ارقاسىندا، شينجياڭ قىزمەتىندە كەلەلى ناتيجەلەرگە قول جەتكىزىلدى، ەكونوميكانىڭ دامۋى ۇزدىكسىز جاقساردى، حالىقتىڭ تۇرمىسى كورنەكتى جاقساردى، كەدەيلىكتەن ارىلتۋدان قامال الۋدا شەشۋشى سيپاتتى ناتيجەلەرگە قول جەتكىزىلدى، ورتالىقتىڭ قولداۋ كورسەتۋى مەن بۇكىل ەلىمىزدىڭ شينجياڭعا باعىتتامالى كومەكتەسۋ تەبىنى ۇزدىكسىز ارتتى، شينجياڭداعى ءار ۇلت جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى، قوعامى ورنىقتى، حالقى الاڭسىز تىرشىلىك ەتكەن جاقسى جاعداي جارىققا شىعىپ، باياندى تىنىشتىققا قادام تاستاۋعا بەرىك نەگىز قالاندى. بۇل ناتيجەلەرگە پارتيانىڭ پارمەندى باسشىلىعىندا، بۇكىل پارتياداعىلار مەن بۇكىل ەل حالقىنىڭ بىرگە كۇرەس جۇرگىزۋىنىڭ ارقاسىندا، سونداي – اق، شينجياڭداعى 25 ميلليون ءار ۇلت پەرزەنتتەرىنىڭ اقىل – پاراساتى مەن تەر توگۋىنىڭ ارقاسىندا قول جەتكىزىلدى.
پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋ زاڭدىلىقتارىنا بولعان تانىم مەن ۇستانىمدى تەرەڭدەتىپ، پارتيانىڭ جاڭا داۋىردەگى شينجياڭدى جونگە سالۋ باعىت – ساياساتتارىن قالىپتاستىرىپ، شينجياڭ قىزمەتىنە ستراتەگيالىق جاقتان قاراۋ مەن جوسپارلاۋعا تاباندى بولدى، قوعامنىڭ ورنىقتىلى مەن باياندى تىنىشتىعىن شينجياڭ قىزمەتىنىڭ باستى نىساناسى ەتۋگە تاباندى بولدى، جۇرت تىلەگىن توعىستىرۋدى نەگىز ەتۋگە تاباندى بولدى، جۇڭحۋا ۇلتىنىڭ ورتاق تۇلعالىق تانىمىن سومداۋعا تاباندى بولدى، ەلىمىزدىڭ ءدىندى جۇڭگولاستىرۋ باعدارىندا تاباندى بولدى، سوتسياليستىك وزەكتى قۇن كوزقاراسىن ساۋلەلەندىرۋگە جانە جەتىلدىرۋگە تاباندى بولدى، حالىق تۇرمىسىنا بارىنشا كوڭىل ءبولىپ، جوعارى ساپالى دامۋدى ىلگەرىلەتۋدە تاباندى بولدى، پارتيانىڭ شينجياڭ قىزمەتىنە جەتەكشىلىك ەتۋىنە تاباندى بولدى. ءاماليات مىنانى ايگىلەدى: جاڭا داۋىردەگى پارتيانىڭ شينجياڭدى جونگە سالۋ باعىت – ساياساتتارى بۇكىلدەي دۇرىس، ءسوزسىز، ۇزاق ۋاقىت بويى تاباندى بولۋ كەرەك. بۇكىل پارتياداعىلار پارتيانىڭ جاڭا داۋىردەگى شينجياڭدى جونگە سالۋ باعىت – ساياساتتارىن ساياسي مىندەت رەتىندە قاراپ، كەمەلدى دە دۇرىس دايەكتىلەندىرۋ جاعىندا كۇش جۇمساۋى، شينجياڭ قىزمەتىنىڭ باستان – اياق دۇرىس ساياسي باعىتتى ساقتاۋىنا كەپىلدىك ەتۋى كەرەك.
http://kazakh.people.com.cn/158373/15825619.html
