«ادامزات قوعامىنىڭ دامۋ تاريحى ءتۇرلى سىناقتار مەن قيىنشىلىقتاردى ۇزدىكسىز جەڭگەن تاريح». بىرلەسكەن مەملەكەتتەر ۇيىمىنىڭ 75 – كەزەكتى جاي تالقىسىندا، ءتوراعا شي جينپيڭ جاڭا تيپتى ايدارشا ۆيروس وكپە قابىنۋ ىندەتى ادامزات ءدوپ كەلگەن ەڭ سوڭعى حاۋىپ – قاتەر ەمەس، ءبىز، دۇنيە جۇزىلىك اناعۇرلىم كوپ سىناقتارعا، ءسوزسىز، تىزە قوسا توتەپ بەرۋگە ويداعىداي دايىندىق جاساۋىمىز كەرەك.
قازىر دۇنيە ءجۇزى عاسىردا كەزدەسپەگەن زور وزگەرىستەرگە ۇشىراۋدا، جاڭا تيپتى ايدارشا ۆيروس وكپە قابىنۋ ىندەتىنىڭ دۇنيە ءجۇزى بويىنشا كەڭىنەن تارالۋى بۇل زور وزگەرىستى جەدەلدەتۋدە، ەكونوميكانىڭ جاھاندانۋى كەرى اعىنعا ۇشىرادى، قورعانىمپازدىق، سىڭار جاقتىلىق ارتتى، دۇنيە ءجۇزى ەكونوميكاسى تۇرالاپ، حالىقارالىق ساۋدا جانە قارجىلاندىرۋ اياسى زور مولشەردە تارايدى، ادامزاتتىڭ ءوندىرىسى مەن تۇرمىسى بۇرىن بولىپ كورمەگەن سايىستار مەن سىناقتارعا ءدوپ كەلدى. سونىمەن بىرگە، ادامزات ءبىر – بىرىمەن بىتە قايناسقان جاڭا داۋىرگە قادام تاستادى، ءار ەلدىڭ مۇددەسى ءبىر – بىرىمەن تىعىز قاتىستى، تاعدىرى ءبىر - بىرىمەن تىعىز بايلانىسقان، دۇنيە جۇزىلىك حاۋىپ – قاتەرلەر مەن سايىستارعا دۇنيە ءجۇزى پارمەندى تۇردە توتەپ بەرۋىنە تۋرا كەلەدى.
ءتوراعا شي جينپيڭ مىنانى ىشكەرىلەي اتاپ كورسەتتى: بۇل رەتكى ىندەت بىزگە مىناداي وي سالدى: ءبىز ءوزارا بايلانىسقان – توعىسقان، قۋانىش پەن جۇبانىشتا بىرگە بولاتىن جەر شارى قىستاعىندا ءومىر ءسۇرىپ وتىرمىز، ءارقانداي مەملەكەت باسقا ەلدەردى قيىنشىلىققا قالدىرۋ ارقىلى پايداعا كەنەلە المايدى، باسقا ەلدەردى الاساپىران كۇيگە ءتۇسىرۋ ارقىلى ءوزىنىڭ ورنىقتىلىعىن ساقتاي المايدى، ەگەر كورشىگە زوبالاڭ سالۋ، قول قۋسىرىپ قاراپ تۇرۋ سياقتىلاردان ارىلماسا، وزگە ەلدەرگە تونگەن حاۋىپ، ەرتە مە، كەش پە، وزىنە دە تونگەن سايىسقا اينالادى؛ ەكونوميكانىڭ جاھاندانۋى رەال شىندىق ءارى تاريحي اۋقىم، دۇنيە ءجۇزى ءبىر – بىرىنەن وقشاۋلانعان كۇيگە قايتا المايدى، اتەي بولشەكتەۋ تىپتەن مۇمكىن ەمەس، ەكونوميكانىڭ جاھاندانۋى الا كەلگەن سايىستاردان قاشقالاقتاماي، ءسوزسىز، بايلىق پەن كەدەيلىك پارقى، دامۋ جاعىنداعى زور پارىق قاتارلى كەلەلى ماسەلەلەرگە بەتپە – بەت كەلۋىمىز كەرەك.
ادامزات، ءسوزسىز، وزىنە – ءوزى توڭكەرىس جاساۋدى قاجەت ەتەدى، جاسىل دامۋ ءتاسىلى مەن تۇرمىس ءتاسىلىن جەدەل قالىپتاستىرۋ، ەكولوگيالىق وركەنيەت پەن كوركەم جەر شارىن كوركەيتۋ كەرەك، كليمات وزگەرىسىنە توتەپ بەرۋدەگى «پاريج كەلىسىمى» دۇنيە جۇزىلىك جاسىل، تومەن كومىرتەكتى دامۋ تيپىنە ويىسۋداعى زور بەتالىسقا ۋاكىلدىك ەتەدى، ول جەر شارى سىندى مەكەنىمىزدى قورعاۋدا اتقارۋ قاجەت بولاتىن ەڭ تومەنگى شەكتەگى ارەكەت، ءار ەل، ءسوزسىز، شەشۋشى قادامدى باسۋى قاجەت؛ دۇنيە جۇزىلىك جونگە سالۋ جۇيەسىنە رەفورما جاساۋ، ونى كەمەلدەندىرۋ قاجەت، مەملەكەتتەر ارا الاۋىزدىقتىڭ بولۋى قالىپتى جاعداي، ونى ءماسليحاتتاسۋ ارقىلى ۇيلەسىمدى شەشىم ەتۋ كەرەك، مەملەكەتتەر ارا باسەكەلەسۋگە بولادى، الايدا، ءسوزسىز، بەلسەندى دە ءتيىمدى بولۋى، ءمورالدىق تومەنگى شەك پەن حالىقارالىق ولشەمدەردى ساقتاۋ قاجەت، ءىرى ەل ءوزىنىڭ ۇلكەندىك ونەگەسىن كورسەتكەنى ءجون، دۇنيە جۇزىلىك اناعۇرلىم مول الەۋمەتتىك ونىمدەرمەن قامداۋى، ءىرى ەلدىك جاۋاپكەرشىلىكتى ارقالاۋى، ءىرى ەلدىك مىندەتتىلىگىن ايگىلەۋى كەرەك.
http://kazakh.people.com.cn/158373/15825349.html
