توساتتان تۋىلعان جاڭا تيپتى ايدارشا ۆيروس وكپە قابىنۋ ىندەتىنە ءدوپ كەلگەن ساتتە، پارتيامىز بۇكىل ەلىمىزدەگى ءار ۇلت حالقىن ىنتىماقتاستىرىپ جانە ولارعا جەتەكشىلىك ەتىپ، ىندەتكە قارسى سۇراپىل شايقاس ورىستەتىپ، جاپالى دا تاڭعاجايىپ تاريحي زور سىناقتان سۇرىنبەي ءوتىپ، جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋ كۇرەسىنىڭ كەلەلى ستراتەگيالىق جەتىستىگىنە قول جەتكىزدى. باس شۋجي شي جينپيڭ جاڭا تيپتى ايدارشا ۆيروس وكپە قابىنۋ ىندەتىنە قارسى اتتانۋداعى مەملەكەتتىك ماداقتاۋ – سيلاۋ ماجىلىسىندە سويلەگەن ماڭىزدى سوزىندە مىنانى اتاپ كورسەتتى: «ءبىز ىندەتتەن ساقتانۋ جانە ونى تىزگىندەۋ جاعىنداعى ۇدايىلانعان شارالاردى، استە، بوساڭسىتپاۋىمىز، ىندەتكە قارسى اتتانۋ كۇرەسىنىڭ جالپى بەتتىك جەڭىسىنە كۇش سالا قول جەتكىزۋىمىز كەرەك». ىندەتكە قارسى اتتانۋ كۇرەسىنىڭ جالپى بەتتىك جەڭىسىنە قول جەتكىزۋ وڭاي – وسپاق ورىندالاتىن ءىس ەمەس، ول ءبىزدىڭ ۇزدىكسىز قۇلشىنۋىمىزدى قاجەت ەتەدى، ىندەتتەن ساقتانۋ جانە ونى تىزگىندەۋ جاعىنداعى ۇدايىلانعان شارالاردى ۇزدىكسىز مىقتى يگەرىپ، ناقتى، ەگجەي – تەگجەيلى اتقارۋىمىز كەرەك، ىندەتتەن ساقتانۋ جانە ونى تىزگىندەۋ جاعىنداعى وڭايلىقپەن قولعا كەلمەگەن ناتيجەلەردەن ايرىلىپ قالۋىمىزعا، مۇلدە، بولمايدى.
ىندەتتەن ساقتانۋ جانە ونى تىزگىندەۋ جاعىنداعى ۇدايىلانعان شارالاردى ويداعىداي قولدانۋدا، ءسوزسىز، عىلىمي رۋحتا تاباندى بولىپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ سىندى ىندەتتەن ساقتانۋ – تىزگىندەۋ تالابىن تياناقتاندىرىپ، جۇقپالى اۋرۋدىڭ قاينارىن تەجەپ، تارالۋ جولدارىن ءۇزۋ، وڭاي جۇعىمدالاتىن ادامدار شوعىرىن قورعاۋ جاعىندا تاباندى بولىپ، ناۋقاستاردى دەر كەزىندە، ءونىمدى ەمدەۋ كەرەك. سوندىقتان، دەنساۋلىق ساقتاۋ جاعىنداعى ءتالىم - تاربيەنى كۇشەيتۋ، قوعامنىڭ ءار سالاسىنداعىلاردىڭ ىندەتتەن ساقتانۋ جانە ونى تىزگىندەۋ تانىمىن جوعارىلاتۋ قاجەت. مىسالى، قىزۋى ورلەۋ قاتارلى كۇماندى اۋرۋ بەلگىلەرى بايقالعان سوڭ، قىزۋى ورلەۋدى تەكسەرەتىن امبۋلاتورياعا نەمەسە قاتىستى ەمدەۋ قۇرىلىمدارىنا بارىپ، تەكسەرىلۋ كەرەك. بۇكىل ەلىمىزدەگى ءار دارەجەلى، ءار ءتۇرلى ەمدەۋ قۇرىلىمدارىنىڭ جاڭا تيپتى ايدارشا ۆيروس وكپە قابىنۋ ىندەتىن تەكسەرۋ جانە وعان دياگنوز قويۋ قۋاتى قۇرىلىسىن ۇزدىكسىز كۇشەيتۋ، وتە – موتە، قىزۋى ورلەگەن ناۋقاستار مەن ەمحاناعا جاتقان ناۋقاستاردى باقىلاۋدى كۇشەيتۋ، جاڭا تيپتى ايدارشا ۆيروس نۋكلەين قىشقىلىن تەكسەرۋدى ورىستەتۋ، شارت – جاعدايى بار جەرلەردە كەۋدە ءبولىمىن CT اپپاراتىمەن تەكسەرۋ كەرەك. دياگنوزى جاڭادان تۇراقتاندىرىلعان جاڭا تيپتى ايدارشا ۆيروس وكپە قابىنۋ اۋرۋىنا شالدىققان ناۋقاستاردى شوعىرلى تۇردە اۋاشالاپ ەمدەۋدى قاتاڭ اتقارۋ ءارى ناۋقاسپەن تىعىز جاناسقانداردى اۋاشالاۋ جانە مەديتسينالىق باقىلاۋعا الۋ ءتۇزىمىن تياناقتاندىرۋ، تارالۋ جولدارىن ەرتە ءۇزۋ كەرەك.
ىندەتتەن ساقتانۋ جانە ونى تىزگىندەۋ جاعىنداعى ۇدايىلانعان شارالاردى ويداعىداي قولدانۋدا، الەۋمەتتىك اۋماقتاردا ساقتانۋ – تىزگىندەۋدى ۇزدىكسىز كۇشەيتۋ قاجەت. الەۋمەتتىك اۋماقتارداعى ساقتانۋ – تىزگىندەۋ — «اۋرۋدىڭ سىرتتان ەنۋىنەن، ىشكى جاقتا قايتا تارالۋىنان ساقتانۋداعى» ەڭ ماڭىزدى قورعانىس شەبى. ىرىدەرەك تەحنيكاسى مەن جاساندى زەردە تەحنيكاسىنان تولىق پايدالانىپ، الەۋمەتتىك اۋماقتاردىڭ ىندەتتەن ساقتانۋ جانە ونى تىزگىندەۋىن كۇشەيتۋ، جەلىلەندىرىلگەن، زەردەلىلەندىرىلگەن، دالمە – دالدەندىرىلگەن باسقارۋدى جان – جاقتىلى اتقارىپ، الەۋمەتتىك اۋماقتاردا توپتىق ساقتانۋ – توپتىق تىزگىندەۋدى ورىنداۋ كەرەك. كاسىپورىندار مەن ءىس ورىندارى، ورگاندار، مەكتەپتەر، ساۋدا قۇرىلىمدارى قاتارلى ورىندار ىندەتتەن ساقتانۋ – تىزگىندەۋدى ۇدايىلاندىرۋ ءتۇزىمىن تياناقتاندىرۋى كەرەك.
وتانشىلدىق تازالىق ارەكەتىن ىشكەرىلەي ورىستەتىپ، الەۋمەتتىك دەنساۋلىق ساقتاۋ قۇرىلعىلارى قۇرىلىسىن كۇشەيتۋ، بۇكىل قوعامداعىلاردىڭ وركەنيەت ورەسىن جوعارىلاتۋ، مىڭداعان، ون مىڭداعان وركەنيەتتى دە سالاۋاتتى شاعىن ورتالار ارقىلى ىندەتتەن ساقتانۋ – تىزگىندەۋ ۇدايىلاندىرىلعان الەۋمەتتىك ءىرى قورعانىس شەبىن ورناتۋ قاجەت.
http://kazakh.people.com.cn/158373/15824988.html
