جۋىردان بەرى، الەۋمەتتىك ورىندارداعى ەلەكتروندى ەكراندار مەن جارنامالاردا «ۇنەمشىلدىك»، «تاماق اسىرماۋ» قاتارلى سوزدەر كوپ كەزدەسۋدە، جارتى تاقسى قۋىرماش، ءبىر ادامدىق تاماق، «تاماقتى اسىرماۋ» ايىرباستامالى سيلىعى قاتارلى جاڭا تيپتەگى اس – سۋ فورمالارى كوپتەگەن اسحانالاردان ورىن الدى. باس شۋجي شي جينپيڭ اس – سۋ ىسىراپشىلىعىنا تيىم سالۋ جونىندە ماڭىزدى نۇسقاۋ بەرگەننەن بەرى، بۇكىل قوعامداعىلار بەلسەندى ءۇن قوسىپ، ۇقىپتى دا ۇنەمشىل بولۋدى ارەكەتتە تياناقتاندىرۋدا.
ۇقىپتى دا ۇنەمشىل بولۋ، لايىقتى، ۇنەمشىل، ۇيلەسىمدى بولۋدى دارىپتەيتىن تۇرمىس ءتاسىلى مەن دامۋ تاسىلىندە بايلىق قاينارىن قاستەرلەۋ، ورتانى قورعاۋ سىندى قۇن باعدارى قامتىلادى، قاجىرلىلىقپەن كۇرەس جۇرگىزۋدى داڭق ساناۋ، اسقاقتاۋشىلىق پەن اۋلەكىلىكتى نامىس ساناۋ سىندى ءمورالدىق قاسيەتتى ءوز ىشىنە الىپ، باياندى دامۋعا ءمان بەرۋدى، ۇرپاقتار الدىنداعى جاۋاپكەرشىلىگىن اتقارۋدى ايگىلەيدى، ول — قوعامدىق وركەنيەتتىڭ كورنەكتى بەلگىسى. «قۇجاتتار كىتابىندا»: «مەملەكەتكە قاجىرلىلىقپەن ۇلەس قوسىپ، وتباسىندا ۇنەمشىل بولۋ» ورتاعا قويىلعاننان تارتىپ، جۋگى لياڭ «ۇستامدىلىق ءوزىن تاربيەلەۋگە پايدالى، ۇنەمشىلدىك ءمورالدى جەتىلدىرۋگە پايدالى» دەگەنگە دەيىن، ونان سوڭ، «جۋزىنىڭ وتباسى ءتالىمى» كىتابىندا «اس جەگەندە ءار ءتۇيىردىڭ وڭايلىقپەن قولعا كەلمەيتىنىن ۇمىتپا» دەپ كەڭەس بەرىلگەنىنە دەيىن، ەرتەدەگى اقىليا سوزدەردىڭ بارىندە ۇنەمشىلدىكتى دارىپتەپ، ىسىراپشىلدىقتان اۋلاق بولۋ سىندى جۇڭحۋا ۇلتىنىڭ ءداستۇرلى تاماشا ءمورالى ايگىلەنگەن.
پارتيامىز جۇڭحۋا ۇلتىنىڭ وسى ءداستۇرلى تاماشا ءمورالىنا مۇراگەرلىك ەتىپ جانە ونى ساۋلەلەندىرىپ، قاجىرلىلىقپەن كۇرەس جۇرگىزۋ، ۇقىپتىلىقپەن شارۋاشىلىق قۇرۋ سىندى تاماشا ءداستۇردى قالىپتاستىردى. 1936 – جىلى، ا ق ش جازۋشىسى ەدگار سىنوۋ يان – انعا كەلىپ، پارتيامىزدىڭ باسشىلارىنىڭ جۇپىنى جەر ۇيلەردە تۇرىپ، توپىراق سۇپىنىڭ ۇستىندە جاتاتىنىن، قولعا تۇسىرگەن پاراشوتتاردان تىگىلگەن شولاق جەڭدى مايكىلەردى كيەتىنىن كورگەن. ول جۇڭگو كوممۋنيستەرىنىڭ توتەنشە قاراپايىم تۇرمىسىنان ءبىر ءتۇرلى ۇلى كۇشتى بايقاعان ءارى ونى «مەملەكەتتى كوركەيتۋ شۇعىلاسى» دەپ اتاعان. ءجۇز جىلعا جۋىق ۋاقىتتان بەرى، جۇڭگو كوممۋنيستەرى ەڭبەكشىل دە قاراپايىم بولۋ رۋحىن ۇرپاقتان – ۇرپاققا جالعاستىرىپ، مىزعىماس جىگەرلەرىن جانىپ، جۇڭگو حالقىن باستاپ، مەملەكەت پەن ۇلتتىڭ دامۋىنداعى ايبىندى تاريحي داستاندى جازدى. پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى «سەگىز ءتۇرلى بەلگىلەمەنى» ورتاعا قويىپ، ءوزى ونەگە بولىپ، باستاماشىلدىقپەن ۇلگى كورسەتىپ، ۇقىپتى دا ۇنەمشىل بولۋ سىندى تاماشا ستيلدى ساۋلەلەندىرىپ، ىسىراپشىلدىق ستيلىن كۇش سالا الاستاپ، ستيلى پاك، ۇنەمشىلدىكتى ۇستاناتىن قوعامدىق اۋقىمدى قالىپتاستىردى.
http://kazakh.people.com.cn/158373/15824872.html
