1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

ءار ءتۇيىر استىقتى ۇنەمدەۋدەن باستايىق (جاڭا تانىم)

日期:2020年09月18日
来源:人民网
【字体:

  اس – سۋ سالاسىنداعى جان تۇرشىكتىرەتىن، ادامدى اشىندىراتىن ىسىراپشىلدىعى جاعدايىنا باعىتتاي وتىرىپ، جۋىردا، باس شۋجي شي جينپيڭ ماڭىزدى نۇسقاۋ بەرىپ، ۇگىت – تاربيەنى اناعۇرلىم كۇشەيتىپ، ۇنەمشىلدىك ادەتىن شىنايى قالىپتاستىرىپ، بۇكىل قوعامدا ىسىراپشىلدىق نامىس، ۇنەمشىلدىك داڭق دەيتىن اۋقىم قالىپتاستىرۋدى باسا دارىپتەگەن.

  ۇنەمشىلدىك ادەتىن شىنايى قالىپتاستىرىپ، اس – سۋ ىسىراپشىلدىعى جاعدايىن تيۋ كەرەك. بۇل ءتىل ۇشىنداعى، داستارقان باسىنداعى شاعىن ءىس سياقتانعانىمەن، ءىس جۇزىندە، حالىق شارۋاشىلىعىمەن، مىڭداعان، ون مىڭداعان وتباسىلارمەن قاتىستى ءىرى ءىس. ەلىمىزدىڭ جان سانى مول، نەگىزگى سانى زور، ەگەر ءاربىر ادام تيتتەيدەن ىسىراپ ەتسە، ەڭ سوڭىندا بۇل جينالا كەلە قوماقتى سانعا اينالادى. سونىمەن بىرگە، اس – سۋ ىسىراپشىلدىعى تۋىنداتقان زور مولشەردەگى اس ءۇي قوقسىقتارى ەكولوگيالىق ورتانى اۋىر دارەجەدە لاستاۋعا اپارىپ سوعادى. ساناققا قاراعاندا، ەلىمىزدە ءار جىلى 35 ميلليون توننا استىق ىسىراپ بولادى ەكەن، بۇل سان ەلىمىزدىڭ جالپى استىق ءونىم مولشەرىنىڭ %6 ىنە جۋىقتايدى. قالاداعى اس – سۋ كاسىپ سالاسىندا تەك داستارقانداعى ازىق – تۇلىكتەردىڭ ىسىراپ بولۋ مولشەرى 17 ميلليون – 18 ميلليون تونناعا جەتەدى ەكەن، بۇل 30 ميلليون دا 50 ميلليون ادامنىڭ ءبىر جىلدىق ازىق – تۇلىگىمەن بارابار.

  ازىق – تۇلىكتى جان تۇرشىكتىرەرلىك دارەجەدە ىسىراپ ەتۋ ازىق – تۇلىكتەردى وندىرۋگە جۇمسالعان سۋ، ەنەرگيا، جەر جانە ءوندىرىس ماتەريالدارى قاتارلىلاردىڭ كوپ مولشەردە ءونىمسىز سارىپ ەتىلەتىنىن كورسەتەدى. ب م ۇ استىق جانە اۋىل شارۋاشىلىعى ۇيىمى جاريالاعان «ازىق – تۇلىكتى ىسىراپ ەتۋ ىزدەرى: تابيعي بايلىقتارعا بولعان ىقپال» بايانداماسىنا قاراعاندا، دۇنيە ءجۇزى بويىنشا جىلىنا ىسىراپ بولاتىن ازىق – تۇلىك مولشەرى ءبىر ميلليارد 300 ميلليون تونناعا جەتەدى، دۇنيە ءجۇزى بويىنشا ءار جىلى وندىرىلەتىن، الايدا، ىسىراپ بولاتىن ازىق – تۇلىكتەرگە جۇمسالاتىن سۋدىڭ مولشەرى ۆولگا وزەنىنىڭ جىلدىق اعىس مولشەرىنىڭ 3 ەسەسىنە بارابار ەكەن، ال، بۇل استىقتاردى ءوندىرۋ بارىسىندا شىعارىلعان جىلىجاي گازى 3 ميلليارد 300 ميلليون تونناعا جەتەدى. مۇنان سىرت، ازىق – تۇلىكتەردى ىسىراپ ەتۋ ماسەلەسى اۋىل شارۋاشىلىعى وندىرىسىنە دە قاجەتتەن تىس قىسىم ءتۇسىرىپ، ەگىستىك جەر كولەمى مەن اۋلاۋ كولەمىن ۇزدىكسىز كەڭەيتۋگە اپارىپ سوعىپ، تابيعات دۇنيەسىندەگى ورگانيزمدەردىڭ الۋان تۇرلىلىگىنە اۋىر حاۋىپ توندىرەدى.

http://kazakh.people.com.cn/158373/15824586.html