1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

ۇيرەنۋ تاسىلىندە جاڭالىق جاراتىپ، وقۋ – اعارتۋ بايلىق قاينارىن ورتاق پايدالانايىق

ينفورماتسيا تەحنيكاسى ارقىلى ۇيرەنگىش قوعام قۇرۋدى ىلگەرىلەتەيىك

حۋاڭ شيانكاي

日期:2020年09月17日
来源:人民网
【字体:

  باس شۋجي شي جينپيڭ مىنانى باسا دارىپتەگەن: «ينفورماتسيا تەحنيكاسىنىڭ دامۋىنا سايكەسىپ، وقۋ – اعارتۋ سالاسىنداعى وزگەرىس پەن جاڭالىق جاراتۋدى ىلگەرىلەتىپ، جەلىلەنگەن، سيفرلانعان، دارالىق ەرەكشەلىككە يە، ءومىر بويى يگىلىكتەنەتىن وقۋ – اعارتۋ جۇيەسىن قۇرىپ، ‹بارلىق ادام ۇيرەنەتىن، بارلىق جەردە ۇيرەنۋگە بولاتىن، ءسات سايىن ۇيرەنۋگە بولاتىن› ۇيرەنگىش قوعامدى كوركەيتۋ، جاڭالىق جاراتاتىن قىرۋار دارىندىلاردى تاربيەلەۋ — ادامزات ورتاق ءدوپ كەلىپ وتىرعان كەلەلى تاقىرىپ». ينفورماتسيا تەحنيكاسىنىڭ جەدەل دامۋى ادامداردىڭ ءوندىرىس – تۇرمىس تاسىلىنە تەرەڭ ىقپا جاساپ جانە ونى وزگەرتىپ قالماستان، بۇكىل حالىقتىڭ ءومىر بويى ۇيرەنۋىنە قىزمەت وتەيتىن وقۋ – اعارتۋ جۇيەسىن قۇرۋعا دا جاڭا قوزعاۋشى كۇش سيلادى. ءبىز جاڭا داۋىردە ينفورماتسيا تەحنيكاسىنان تولىق پايدالانىپ، ءاربىر ادامعا باعىتتالعان، ءاربىر ادامعا ۇيلەسەتىن، اناعۇرلىم اشىق تا يكەمدى وقۋ – اعارتۋ جۇيەسىن جەدەل دامىتىپ، ۇيرەنگىش قوعام قۇرۋىمىز كەرەك.

  ينفورماتسيا تەحنيكاسىنان پايدالانىپ، ۇيرەنۋگە بولعان قىزعىندىلىقتى جەبەۋ كەرەك. بۇرىنعىلار: «ءوسپىرىم شاقتا ۇيرەنسەڭ، ارايلاپ اتقان تاڭدايسىڭ؛ ەسەيگەندە ۇيرەنسەڭ، تال – تۇستەگى نۇردايسىڭ؛ قارتايعاندا ۇيرەنسەڭ، جارقىراپ جانعان شامدايسڭ» دەگەن ەكەن. ءومىر بويى ۇيرەنۋدىڭ تەتىگى — ۇيرەنۋگە اسا قىزعىندى بولۋ، تاماشا ۇيرەنۋ پوزيتسياسىن قالىپتاستىرۋ، ۇيرەنۋ بارىسىندا تاباندى بولۋ، ۇزاق ۋاقىت ەڭبەكتەنۋ. قازىرگى زاماندا، ادامدار ۇيرەنۋدىڭ ماڭىزدىلىعى جونىندە ايقىن تانىم ورناتتى، الايدا، كەيبىر ادامدار ۇيرەنۋگە ءالى دە قىزعىندى بولماي، ۇيرەنۋدى ءلاززاتتى ءىس ەسەپتەمەستەن، ءبىر ءتۇرلى اۋىرتپالىق ساناپ ءجۇر. مۇنداي جاعدايدىڭ تۋىلۋىنداعى باستى سەبەپتەردىڭ ءبىرى، ءداستۇرلى ۇيرەنۋ فورماسى اياسىندا، وقىتۋشى نەنى ۇيرەتسە، قالاي ۇيرەتسە، وقۋشى سونى ۇيرەنەدى، سولاي ۇيرەنەدى، وقۋشى ىرىقسىز كۇيدە بولعاندىقتان، ۋاقىت وتە كەلە ۇيرەنۋگە دەگەن بەلسەندىلىگى تومەندەۋ، ۇيرەنۋگە دەگەن قىزعىندىلىعى باسەڭدەۋ ماسەلەلەرى بايقالادى.

  ينفورماتسيا تەحنيكاسىنىڭ دامۋى وقۋ – اعارتۋ مەن ۇيرەنۋ ءادىس – امالىندا جاڭالىق جاراتىپ، ساباقحانانى وزەك ەتكەن، كىتاپتى وزەك ەتكەن، وقىتۋشىنى وزەك ەتكەن وقىتۋ فورماسىنا وزگەرىس ەنگىزۋدى ىلگەرىلەتىپ، ۇيرەنۋشىنى وزەك ەتكەن وقىتۋ – وقۋ فورماسىن قالىپتاستىرىپ، ۇيرەنۋشىنىڭ ىرىقتىلىعىن، ۇيرەنۋشىنىڭ ۇيرەنۋگە قىزعىندىلىعىن ءونىمدى جەبەي الادى. ينفورماتسيا تەحنيكاسى ۇيرەنۋشىنىڭ كاسىبى، اۋەسى، تۇرمىستىق ادەتى قاتارلىلارعا نەگىزدەلە وتىرىپ، جەكە تۇلعالاردىڭ ۇيرەنۋ قىزعىندىلىعىنا تالداۋ جاساپ، ولاردىڭ تۇرلىشە ەرەكشەلىگى مەن قاجەتتىلىكتەرىنە ساي دارالاندىرىلعان جوبا جاساپ، وقۋ – اعارتۋدىڭ دارالاندىرىلۋىن شىن مانىندە ىسكە اسىردى. ونىڭ ۇستىنە، ينفورماتسيا تەحنيكاسى قالىپتاستىرعان كوپ نەگىزدى، كوپ مەديالى وقىتۋ ءتاسىلى دە وقۋشىلاردىڭ ۇيرەنۋ قىزعىندىلىعىن جەبەۋگە پايدالى.

http://kazakh.people.com.cn/158373/15824486.html