1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

حالىقتى بارىنەن جوعارى قويۋ، ادام ءومىرىن بارىنەن جوعارى قويۋ كەرەك

جۇڭ نانشان

日期:2020年09月17日
来源:人民网
【字体:

  حالىقتىڭ حاۋىپسىزدىگى — مەملەكەت حاۋىپسىزدىگىنىڭ ىرگە تاسى، ادامزاتتىڭ دەنساۋلىعى — قوعامدىق وركەنيەتتىڭ العا باسۋىنىڭ نەگىزى. توساتتان تۋىلعان جاڭا تيپتى ايدارشا ۆيروس وكپە قابىنۋ ىندەتىنە ءدوپ كەلگەن ساتتە، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ءبىرتۇتاس جوسپارلاپ، باتىل شەشىم جاساپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن ءبىرىنشى ورىنعا قويدى، بۇكىل پارتياداعىلار مەن بۇكىل ارمياداعىلار، بۇكىل ەلىمىزدەگى ءار ۇلت حالقى، جوعارىداعىلار مەن تومەندەگىلەر ءبىر نيەتتە بولىپ، بارىنشا كۇش سالىپ، جاڭا تيپتى ايدارشا ۆيروس وكپە قابىنۋ ىندەتىمەن بولعان كۇرەستىڭ كەلەلى ستراتەگيالىق ناتيجەلەرىنە قول جەتكىزىپ، ادامزاتتىڭ ىندەتپەن كۇرەسۋ تاريحىنداعى تاعى ءبىر ەرلىككە تولى ۇلى باستامانى جاراتتى. قازىر ەلىمىزدە قالىپتى ءوندىرىس پەن تۇرمىس ءتارتىبى نەگىزىنەن قالپىنا كەلدى ءارى ىندەتتەن ساقتانۋ – تىزگىندەۋدى ۇدايىلاندىرۋ ورىندالدى. بۇل تاڭعاجايىپ وقيعا دەپ ايتۋعا تاتيدى.

  جۇڭگو حالقىنىڭ جاڭا تيپتى ايدارشا ۆيروس وكپە قابىنۋ ىندەتىمەن بولعان جاپالى كۇرەسىنە قايتالاي كوز جىبەرسەك، ادامدى اسەرلەندىرەتىن ناقتى ىستەر حالىقتى بارىنەن جوعارى قويۋ سىندى قۇن كوزقاراسىن تۇسىندىرەدى، جاندى فاكتىلەر ادام ءومىرىن بارىنەن جوعارى قويۋ سىندى بورىش پەن جاۋاپكەرشىلىكتى ايگىلەيدى. باس شۋجي شي جينپيڭ مىنانى باسا دارىپتەگەن: «حالىقتى بارىنەن جوعارى قويۋ، ءومىردى بارىنەن جوعارى قويۋ، حالىقتىڭ ءومىرىنىڭ حاۋىپسىزىگى مەن دەنساۋلىعىنىڭ اقاۋسىزدىعىن قورعاۋ ءۇشىن ءارقانداي بوداۋ بەرۋدەن تايىنباۋ كەرەك». مەيلى، ومىرگە كەلگەنىنە تەك 30 نەشە ساعات بولعان نارەستە بولسىن، الدە، 100 جاستان اسقان كاريا بولسىن، ءبىز بارلىعىن كۇش سالا قۇتقاردىق؛ ۇزدىك قىزمەتكەرلەر، شۇعىل قاجەتتى بايلىق قاينارى، وزىق اسپاپتار، ءبىز وسىلاردىڭ بارلىعىمەن قامتاماسىزداندىردىق؛ بارلىق ەمدەۋ قاراجاتىن تۇگەلدەي مەملەكەت مىندەتىنە الدى، بارلىق ەمدەۋ جوبالارى تۇگەلدەي قولدانىلدى ...

  ءاربىر ادامنىڭ ءومىرىن قۇتقارۋ ءۇشىن بار كۇشتى جۇمساۋ ءبىزدىڭ ىندەتكە قارسى كۇرەستەگى جالپىلىق تانىمىمىز بولدى، حالىقتى بارىنەن جوعارى قويۋ، ادام ءومىرىن بارىنەن جوعارى قويۋ — جۇڭگونىڭ ىندەتكە قارسى كۇرەستەگى ەڭ ايقىن بەلگىسى. قالىڭ ەمدەۋ قىزمەتكەرلەرى جونىنەن ايتقاندا، وزدەرىنىڭ قىزمەتى «سالاماتتىققا ساياتىن، ادام ءومىرى اماناتتالعان» قىزمەت. بۇل جاۋاپكەرشىلىك ەمدەۋ قىزمەتكەرلەرىن الەۋمەتتىك دەنساۋلىق ساقتاۋ جاعىنداعى توساتتان تۋىلعان داعدارىسقا توتەپ بەرۋدە تايسالماي العا باسۋعا جەتەلەيتىن قوزعاۋشى قۋات بولىپ قانا قالماستان، ەمدەۋ قىزمەتكەرلەرىنىڭ ادامزات پەن ىندەتتىڭ كۇرەسىنىڭ ەڭ سوڭعى قورعانىس شەبى ەكەنىن، ونىڭ قورعاۋىنداعى ادام ءومىرىنىڭ ماڭىزدىلىعىن ءسات سايىن ەسكەرتىپ وتىرادى. بۇل رەتكى ىندەتكە توتەپ بەرۋ كۇرەسى بىزگە مىنانى اناعۇرلىم ايقىن كورسەتتى: مەيلى، شۇعىل سيپاتتاعى جۇقپالى اۋرۋ بولسىن، الدە، كوپ تۋىلاتىن، ۇنەمى تۋىلاتىن، زيانى زور ءتۇرلى سوزىلمالى اۋرۋلار بولسىن، بۇكىل ەل حالقىنىڭ دەنساۋلىعىنىڭ اقاۋسىزدىعى مەن ءومىرىنىڭ حاۋىپسىزدىگىن قورعاۋ ءبىزدىڭ الەۋمەتتىك دەنساۋلىق ساقتاۋ جانە ەمدەۋ شەبىندەگى قىزمەتكەرلەردىڭ ماڭگىلىك باستى مىندەتى.

http://kazakh.people.com.cn/158373/15824354.html