ۇيىمدىق قۇرىلىس — پارتيا قۇرىلىسىنىڭ ماڭىزدى نەگىزى، ۇيىمدىق لۋشيان پارتيانىڭ باسشىلىعىنا تاباندى بولىپ جانە ونى كەمەلدەندىرىپ، پارتيا قۇرىلىسىن كۇشەيتۋ، پارتيانىڭ ۇيىمداستىرۋ قىزمەتىن ويداعىداي ىستەۋ جاقتارىندا توتەنشە ماڭىزدى ءمان الادى. باس شۋجي شي جينپيڭ ورتالىق كوميتەتتىڭ ساياسي بيۋروسىنىڭ 21 – رەتكى كوللەكتيۆ ۇيرەنۋىن باسقارعان كەزدە، جاڭا داۋىردەگى ۇيىمدىق لۋشياندى ويداعىداي دايەكتى تياناقتاندىرۋ جونىندە «بەستى مىقتى ۇستاۋ» نەگىزگى تالابىن ورتاعا قويعان. ءبىز باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنۋىمىز جانە دايەكتىلەندىرۋىمىز، جاڭا داۋىردەگى ۇيىمدىق لۋشياندى ويداعىداي دايەكتى تياناقتاندىرىپ، پارتيانى اناعۇرلىم قۇدىرەتتى دە تەبىندى ەتىپ قۇرىپ شىعۋىمىز كەرەك.
پارتيانىڭ باسشىلىعىنا تاباندى بولىپ جانە ونى كەمەلدەندىرىپ، جۇڭگوشا سوتسياليزمگە تاباندى بولۋ جانە ونى دامىتۋ كەرەك. باس شۋجي شي جينپيڭ مىنانى اتاپ كورسەتتى: «پارتيانىڭ ۇيىمدىق لۋشيانى — پارتيانىڭ ساياسي لۋشيانىنا قىزمەت ەتەدى». «دۇرىس ساياسي لۋشيان دۇرىس ۇيىمدىق لۋشياندى بەلگىلەيدى، دۇرىس ۇيىمدىق لۋشيان دۇرىس ساياسي لۋشياننىڭ بەلگىلەنۋىنە كەپىلدىك ەتۋ ءۇشىن قىزمەت ەتەدى». پارتيانىڭ باسشىلىعىنا تاباندى بولىپ جانە ونى كەمەلدەندىرىپ، جۇڭگوشا سوتسياليزمگە تاباندى بولۋ جانە ونى دامىتۋ — جاڭا داۋىردەگى پارتيانىڭ ۇيىمدىق لۋشيانىن دايەكتى تياناقتاندىرۋدىڭ نەگىزگى تالابى، ءسوزسىز، ۇيىمدىق قۇرىلىستىڭ بۇكىل بارىسىندا، ءتۇرلى جاقتارىندا دايەكتىلەندىرۋ كەرەك. «ءتورت ءتۇرلى تانىمدى» ۇزدىكسىز كۇشەيتىپ، «ءتورت ءتۇرلى سەنىمدىلىكتە» تاباندى بولىپ، «ەكىنى قورعاۋدى» ويداعىداي ورىنداپ، بۇكىل پارتياداعىلاردىڭ سانالىلىقپەن يدەيالىق جاقتا، ساياسي جاقتا، ارەكەت جاعىندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن جوعارى دارەجەدە بىردەيلىكتى ساقتاۋىنا كەپىلدىك ەتىپ، قالىڭ پارتيالى كادرلار مەن ءتۇرلى جاقتارداعى دارىندىلاردى ءونىمدى تۇردە ۇيىمداستىرىپ، قالىڭ حالىق جۇرتشىلىعىن كەڭ كولەمدە ۇيىستىرۋ قاجەت.
پارتيانىڭ عىلىمي نازارياسىمەن بۇكىل پارتياداعىلاردى سانالىلىقپەن قارۋلاندىرۋ قاجەت. باس شۋجي شي جينپيڭ مىنانى اتاپ كورسەتكەن: «ۇيىم دەگەنىمىز ‹تۇلعا›، يدەيا دەگەنىمىز ‹رۋح›. پارتيانىڭ ۇيىمدىق قۇرىلىسىن كۇشەيتۋدە، ‹تۇلعا قالىپتاستىرۋدان› سىرت، ‹رۋح سومداۋ› تىپتەن قاجەت». ءجۇز جىلعا جۋىق ۋاقىتتان بەرى، پارتيامىزدىڭ جەڭىلىسكە ۇشىراماۋىنىڭ تۇپكىلىكتى سەبەپتەرىنىڭ ءبىرى — باستان – اياق ماركسيزمدى ارەكەت باعدارناماسى ەتىپ، باستان – اياق ماركسيزمدى جۇڭگوشالاندىرۋدىڭ ەڭ جاڭا ناتيجەلەرىمەن بۇكىل پارتياداعىلاردى قارۋلاندىرۋىندا. جاڭا داۋىردەگى پارتيانىڭ ۇيىمدىق لۋشيانىن ويداعىداي دايەكتى تياناقتاندىرۋدا پارتيانىڭ عىلىمي نازاريالارىمەن بۇكىل پارتياداعىلاردى قارۋلاندىرۋ، يدەيالىق جاقتا بىرلىكتى بولۋدى ورىنداۋ، ارەكەت جاعىندا قوزعاۋشى كۇش قاينارى ماسەلەسىن شەشىم ەتۋ كەرەك. ءبىز نازاريامەن قارۋلاندىرۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن سانامىزدى قارۋلاندىرىپ، سول ارقىلى ءامالياتقا جەتەكشىلىك ەتىپ، قىزمەتتى ىلگەرىلەتۋىمىز قاجەت، ونى بارلىق قيىنشىلىقتار مەن حاۋىپ – قاتەرلەردى جەڭىپ، تولقىن جارا العا ىلگەرىلەپ، جاڭا ءداۋىر جۇڭگوشا سوتسياليزم ۇلى ىستەرىن العا ىلگەرىلەتۋدەگى ءامالياتتىق كۇش – قۋاتقا شىنايى اينالدىرۋىمىز قاجەت.
http://kazakh.people.com.cn/158373/15824115.html
