رەفورما جاساپ، ەسىك اشۋ — جۇڭگو حالقى مەن جۇڭحۋا ۇلتىنىڭ دامۋ تاريحىنداعى ءبىر رەتكى ۇلى توڭكەرىس، بۇل ۇلى توڭكەرىس جۇڭگوشا سوتسياليزم ىستەرىنىڭ ۇلى سەكىرىسىن ىلگەرىلەتتى. رەفورما جاساپ، ەسىك اشقان 40 نەشە جىلدىق بارىستى ەسكە الساق، پارتيانىڭ ورتالىقتاندىرىلعان، ءبىرتۇتاس باسشىلىعىنا تاباندى بولعاندىقتان عانا، ءبىز ءبىرقىدىرۋ حاۋىپ – قاتەرلەر مەن سىناقتارعا ءساتتى توتەپ بەرە الدىق، دۇنيە جۇزىندە سيرەك كەزدەسەتىن ەكونوميكالىق دامۋ حيكىمەتىن جانە قوعامنىڭ ۇزاق ۋاقىت بويى ورنىقتى بولۋى حيكىمەتىن جاراتتىق. جاڭا داۋىردەگى رەفورما جاساپ، ەسىك اشۋدى ورنىقتى، باياندى ىلگەرىلەتۋدە، ءسوزسىز، پارتيانىڭ جالپى بەتتىك باسشىلىعىندا جالعاستى تاباندى بولۋىمىز جانە ونى كۇشەيتۋىمىز قاجەت.
جۇڭگو كوممۋنيستىك پارتياسىنىڭ باسشىلىعى — جۇڭگوشا سوتسياليزمنىڭ ەڭ ءتۇبىرلى ەرەكشەلىگى، جۇڭگوشا سوتسياليستىك ءتۇزىمنىڭ ەڭ زور ابزالدىلىعى، پارتيا — ەڭ جوعارى ساياسي باسشىلىق كۇشى. ەلىمىزدىڭ مەملەكەتتى جونگە سالۋ جۇيەسى سىندى ءىرى «چاحمات مايدانىندا»، پارتيا ورتالىق كوميتەتى ءدال ورتاعا ورنالاسقان «قولباسشى»، چاحماتتىڭ ءاربىر تاسى ءوز ارتىقشىلىعىن ساۋلەلەندىرگەندە عانا، چاحمات مايدانىنىڭ جالپى جاعدايى ايقىن بولادى. پارتيا باسشىلىعىنىڭ وزەكتى رولى جالپى جاعدايدى ءبىرتۇتاس مەڭگەرۋ، ءارقايسى جاقتاردى سايكەستىرۋ جاعىندا كورنەكتىلەنەدى. جاڭا داۋىردە رەفورما جاساپ، ەسىك اشۋ ىستەرى كوپتەگەن جاڭا مازمۇندارعا، جاڭا ەرەكشەلىكتەرگە يە بولۋدا، بارعان سايىن قيىنداساتىن، بارعان سايىن حاۋىپ – قاتەرى مولاياتىن، العا باسپاسا، كەرى شەگىنەتىن، العا باسپاسا مۇلدە بولمايتىن كەزەڭگە كەلىپ جەتتى. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيا باسشىلىعىنىڭ ۇيىتقىلىق رولىن ساۋلەلەندىرگەندە عانا، اناعۇرلىم قاتال سىىناقتارعا توتەپ بەرىپ، اناعۇرلىم ماشاقاتتى مىندەتتەردى ورىنداۋعا بولادى.
40 نەشە جىلدىق رەفورما جاساپ، ەسىك اشۋدى باستان كەشىرۋ، وتە – موتە، پارتيانىڭ 18 – قۇرىلتايى 3 – جالپى ماجىلىسىنەن بەرگى رەفورمانى جاپپاي تەرەڭدەتۋ ارقىلى، ءبىز كوپتەگەن قيىن تۇيىندەردى شەشتىك، الايدا، ءالى دە كوپتەگەن قيىن تۇيىندەر بار؛ ءبىز كوپتەگەن قيىن كەزەڭدەردەن وتتىك، الايدا، ءالى دە كوپتەگەن قيىن وتكەلدەردەن وتۋىمىزگە تۋرا كەلەدى. رەفورمانى جاپپاي تەرەڭدەتۋدىڭ قازىرگى مۇددە قارىم – قاتىناسىنا ىشكەرىلەي رەتتەۋ جۇرگىزۋگە ساياتىنى، ۇزاق مەرزىمدىك مۇددەنى، ءتۇبىرلى مۇددەنى كوزدە ۇستاي وتىرىپ، جاڭا ءتۇزىلىس مەحانيزمىن قۇرۋ جانە ونى كەمەلدەندىرۋدى قاجەت ەتەتىنى داۋسىز. دامۋ بارىسىندا كەزدەسكەن ماسەلەلەر مەن دامۋدان كەيىنگى ماسەلەلەردىڭ، جاي قايشىلىقتار مەن تۇپكى قايشىلىقتاردىڭ ارالاسىپ، قاباتتاسىپ، كۇردەلى بولاتىنى داۋسىز.
وسىنداي جاعدايدا، رەفورما جاساپ، ەسىك اشۋ الدىعا ءبىر قادام ىلگەرىلەگەن سايىن، بەلدى اناعۇرلىم بەكەم بايلاپ، اناعۇرلىم زور قۇلشىنىستار جاساۋ كەرەك. تەك رەفورمانى جاپپاي تەرەڭدەتۋدە پارتيانىڭ باسشىلىعىن كۇشەيتىپ، پارتيانىڭ جالپى جاعدايعا ءبىرتۇتاس باسشىلىق ەتۋ، ءارقايسى جاقتاردى سايكەستىرۋ رولىن ساۋلەلەندىرگەندە عانا، بۇكىل پارتياداعىلار مەن بۇكىل ەلدەگى ءار ۇلت حالقىن يدەيالىق جاقتا، ەرىك – جىگەر جاعىندا، ارەكەت جاعىندا بىرلىككە كەلتىرىپ، ءارقايسى سالالار مەن ءارقايسى جاقتارداعى كۇشتەردى ۇيىستىرىپ، رەفورما جاساپ، ەسىك اشۋدى ورنىقتى، باياندى العا باستىرۋدىڭ قۋاتتى كۇشىن بىرىكتىرۋگە بولادى.
http://kazakh.people.com.cn/158373/15823855.html
