شي جينپيڭ ورتالىق كوميتەت ساياسي بيۋروسىنىڭ 15 - رەتكى توپتىق ۇيرەنۋىندە بىلاي دەپ باسا دارىپتەدى
بۇكىل پارتياداعىلار، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتۋ كەرەك
پارتيامىز بۇكىل پارتياداعى جولداستاردان اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى تالاپ ەتۋدە بۇكىل پارتياداعى جولداستارعا مىنانى ەسكەرتەدى: پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، نەگىزگى ماقساتىنىڭ، مۇرات - سەنىمىنىڭ، كۇرەس نىساناسىنىڭ شوعىرلى بەينەسى، نەعۇرلىم ۇزاق ۋاقىت بيلىك جۇرگىزگەن سايىن، پارتيانىڭ اۋەلگى ماقساتىن، بورىشىن سولعۇرلىم ەستەن شىعارۋعا بولمايدى، وزىنە توڭكەرىس جاساۋ رۋحىنان سولعۇرلىم ايرىلۋعا بولمايدى، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتىپ، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، سان الۋان داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك.
اۋەلگى ماقسات پەن بورىشتى ەستە بەرىك ساقتاپ، پارتيانىڭ وزىنە توڭكەرىس جاساۋىن ىلگەرىلەتۋدە پارتيانىڭ ورتالىقتانعان ءبىر تۇتاس باسشىلىعىن كۇشەيتۋ مەن پارتيا ىشىندەگى ماسەلەلەردى شەشۋدىڭ بىرلىگىنە تاباندى بولۋ، تۋراشىلدىقتان تايماۋ مەن جاڭالىق اشۋدىڭ بىرلىگىنە تاباندى بولۋ، قاتاڭ باسقارۋ مەن قامقورلىق جاساۋدىڭ بىرلىگىنە تاباندى بولۋ، ۇيىمنىڭ ىلگەرىلەتۋى مەن جەكەنىڭ ىرىقتىلىعىنىڭ بىرلىگىنە تاباندى بولۋ كەرەك.
جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 6 - ايدىڭ 24 - كۇنى تۇستەن كەيىن، ”اۋەلگى ماقسات پەن بورىشتى ەستە بەرىك ساقتاپ، وزىنە توڭكەرىس جاساۋدى ىلگەرىلەتۋ“ جونىندە 15 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: پارتيامىز 100 جىلدىق ۇلكەن پارتيا رەتىندە، قايتكەندە العاباسارلىعى مەن كىرشىكسىزدىگىن ماڭگى ساقتاي الادى، قايتكەندە جاستىق ومىرشەڭدىگىن ماڭگى ساقتاي الادى، قايتكەندە حالىقتىڭ قۇپتاۋى مەن قولداۋىنا ماڭگى قول جەتكىزە الادى، قايتكەندە ۇزاق ۋاقىت بيلىك جۇرگىزۋدى جۇزەگە اسىرا الادى، بۇل ءبىز، ءسوزسىز، ويداعىداي جاۋاپ قايتاراتىن، ويداعىداي شەشەتىن ءتۇبىرلى ماسەلە. پارتيامىز بۇكىل پارتياداعى جولداستاردان اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى تالاپ ەتۋدە بۇكىل پارتياداعى جولداستارعا مىنانى ەسكەرتەدى: پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، نەگىزگى ماقساتىنىڭ، مۇرات - سەنىمىنىڭ، كۇرەس نىساناسىنىڭ شوعىرلى بەينەسى، نەعۇرلىم ۇزاق ۋاقىت بيلىك جۇرگىزگەن سايىن، پارتيانىڭ اۋەلگى ماقساتىن، بورىشىن سولعۇرلىم ەستەن شىعارۋعا بولمايدى، وزىنە توڭكەرىس جاساۋ رۋحىنان سولعۇرلىم ايرىلۋعا بولمايدى، جاڭا داۋىردە پارتيانىڭ وزىنە توڭكەرىس جاساۋىن ىشكەرىلەي ىلگەرىلەتىپ، پارتيانى باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، وزىنە توڭكەرىس جاساۋعا باتىل، داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك.
ورتالىق پارتيا تاريحى جانە حۇجاتتار زەرتتەۋ ورنىنىڭ اعا زەرتتەۋشىسى سۇن يەلي جولداس وسى ماسەلە جونىندە تۇسىنىك جاسادى ءارى پىكىر - ۇسىنىس قويدى.
شي جينپيڭ ۇيرەنۋدى باسقارعاندا ءسوز سويلەدى. ول الدىمەن مىنالاردى ءبىلدىردى: بىرنەشە كۇننەن كەيىن پارتيامىز قۇرىلعاندىعىنىڭ 98 جىلدىعى بولادى، مەن پارتيا ورتالىق كوميتەتى اتىنان بۇكىل ەلدەگى قالىڭ پارتيا مۇشەلەرىنە مەرەكەلىك سالەم جولدايمىن!
شي جينپيڭ بىلاي دەپ اتاپ كورسەتتى: ورتالىق كوميتەت ساياسي بيۋروسىنىڭ بۇل رەتكى توپتىق ۇيرەنۋدى ورنالاستىرۋداعى ماقساتى پارتيانىڭ تاريحي تاجىريبەسىن قورىتىندىلاپ، جاڭا ءداۋىردىڭ جاڭا تالابىنا ۇشتاستىرىپ، بۇكىل پارتيادا اۋەلگى ماقساتتان اينىماۋدى، بورىش ارقالاۋدى، پارىقتى تابۋدى، تياناقتاندىرۋدى يگەرۋدى ارقاۋ ەتىپ، نەگىزگى تاقىرىپتىق تاربيەنى شىنايى ويداعىداي ورىستەتۋدى ىلگەرىلەتۋ. بۇل ءارى ورتالىق كوميتەت ساياسي بيۋروسىنىڭ نەگىزگى تاقىرىپتىق تاربيەنى باستاماشىلدىقپەن ورىستەتۋدەگى ماڭىزدى ورنالاستىرۋى. ورتالىق كوميتەت ساياسي بيۋروسىنداعى جولداستار ويداعىداي ۇلگى كورسەتىپ، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ جاعىندا بۇكىل پارتياداعىلارعا ۇلگى بولۋى كەرەك.
شي جينپيڭ بىلاي دەپ باسا دارىپتەدى: پارتيامىز ماركسيزممەن قارۋلانعان ساياسي پارتيا، جۇڭگو حالقىن باقىتقا كەنەلتۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى باستان - اياق ءوزىنىڭ اۋەلگى ماقساتى مەن بورىشى ەتتى ءارى ونى پارتيانىڭ جالپى كۇرەس جۇرگىزۋى بارىسىندا باستان - اياق ايگىلەدى. پارتيا تاريحىنا قايىرىلا قارايتىن بولساق، نە ءۇشىن پارتيامىز سونشاما ءالسىز جاعدايدا بىرتىندەپ دامىپ، زورايا الدى، قان سۋداي اققان كەزدەردە بىرتە - بىرتە مۇشكىل حالدەن قايتا تىرشىلىككە يە بولا الدى، قيىندىقتان قامال الۋ بارىسىندا جەڭىستەن - جەڭىسكە قول جەتكىزە الدى، مۇنداعى ءتۇبىرلى سەبەپ مەيلى قولايلى جاعدايدا، الدە قولايسىز جاعدايدا بولسىن، پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋداي وسى اۋەلگى ماقسات پەن بورىشقا باستان - اياق تاباندى بولىپ، وسى نىسانانى بويلاي ادىلەت جولىندا ەشتەڭەدەن تايىنباي العا باسقاندىعىندا، وسى ارقىلى حالىقتىڭ شىن جۇرەكتەن قۇپتاۋى مەن باتىل قولداۋىنا قول جەتكىزە الدى. جۇڭگوشا سوتسياليزم جاڭا داۋىرگە ءوتتى، ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قاجىر - قابىلەتىمىز دە جەتەدى. ءبىزدىڭ ماداق ۇنىنە، القاۋ ۇنىنە بولا توڭكەرىس رۋحى مەن كۇرەس جىگەرىنەن ايرىلىپ، قازىرگى جاعدايعا قاناعات ەتەتىن، العا ۇمتىلۋدى ويلامايتىن، راقاتقۇمارلىققا بەرىلەتىن كۇيگە بىرتىندەپ تۇسۋىمىزگە استە بولمايدى، قايتا كەمە اعىن ورتاسىنا كەلگەندە، تولقىن اناعۇرلىم كۇشەيەتىندىگىن، ادام تاۋ ورتاسىنا بارعاندا، جولدىڭ اناعۇرلىم تىك بولا تۇسەتىندىگىن ەستە بەرىك ساقتاپ، اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى پارتيا قۇرىلىسىن كۇشەيتۋدىڭ ماڭگىلىك تاقىرىبى ەتۋىمىز، بۇكىل پارتيا مۇشەلەرىنىڭ، كادرلاردىڭ ومىرلىك تاقىرىبى ەتۋىمىز كەرەك.
شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋ، بورىشتى ەستە بەرىك ساقتاۋ وڭاي - وسپاق ءىس ەمەس، ءسوز جوق، وزىنە توڭكەرىس جاساۋداي كۇشتى رۋح بولۋ كەرەك. بيىل جاڭا جۇڭگو قۇرىلعاندىعىنىڭ 70 جىلدىعى، پارتيامىزدىڭ بۇكىل ەلگە بيلىك جۇرگىزگەنىنە دە 70 جىل بولدى. ۇزاق ۋاقىت بيلىك جۇرگىزۋ شارت - جاعدايىندا، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىنە زيان جەتكىزەتىن ءتۇرلى فاكتورلاردىڭ قاي ۋاقىتتا دا كەزدەسەتىندىگىن، اۋەلگى ماقسات پەن بورىشقا قايشى كەلەتىن، پارتيانىڭ نەگىزىن سولقىلداتاتىن ءتۇرلى حاۋىپ - قاتەردىڭ بارلىق جەردەن كەزدەسەتىندىگىن، ”ءتورت ۇلكەن سىناقتىڭ“، ”ءتورت ءتۇرلى حاۋىپ - قاتەردىڭ“ ءالى دە كۇردەلى، اۋىر بولاتىندىعىن كورە ءبىلۋ كەرەك، ەگەر ساقتانۋدى كۇشەيتپەسەك، دەر كەزىندە رەتتەپ - تۇزەتپەسەك، ۋاقىت ۇزارا كەلە ءسىڭىستى داعدى وڭايلىقپەن وزگەرمەي، كىشكەنە ماسەلەنىڭ ۇلكەن ماسەلەگە اينالاتىندىعى، كىشكەنە قۋىستىڭ ۇلكەن وپىرىلماعا اينالاتىندىعى ءشۇباسىز. پارتيانىڭ وزىنە توڭكەرىس جاساۋىنىڭ مىندەتى اۋىر، جولى ۇزاق، استە ايالداۋ، تىنىعۋ ويىندا بولۋعا بولمايدى. اۋەلگى ماقساتتى ۇمىتپاۋ، بورىشتى ەستە بەرىك ساقتاۋ بۇكىل پارتياداعىلاردىڭ ورتاق قۇلشىنىس جاساۋى ارقىلى جۇزەگە اسادى، ءاربىر پارتيا مۇشەسى، كادرلار، اسىرەسە، باسشى كادرلار، ءسوز جوق، ۇنەمى پارتيانىڭ قامىن جەيتىن كوڭىل كۇيدە بولىپ، پارتيا ءۇشىن جاۋاپكەرشىلىك ارقالاپ، پارتيانى قۇدىرەتتەندىرەتىن جىگەر - قايراتتا بولىپ، وسى رەتكى نەگىزگى تاقىرىپتىق تاربيەگە بەلسەنە، ىرىقتىلىقپەن ات سالىسۋ كەرەك.
شي جينپيڭ بىلاي دەپ اتاپ كورسەتتى: ماركسيزم − ءبىزدىڭ وبيەكتيۆ دۇنيە مەن سۋبيەكتيۆ دۇنيەنى وزگەرتۋىمىزگە جەتەكشىلىك ەتەتىن وتكىر يدەيالىق قارۋ. پارتيامىز ماركسيزمنىڭ جۇڭگوشالانۋىن ىلگەرىلەتۋ بارىسىندا، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، جاڭا ءداۋىر جۇڭگوشا سوتسياليزم يدەياسىن ىلگەرىندى - كەيىندى قالىپتاستىرىپ، قوعامدىق توڭكەرىستى جانە وزىنە توڭكەرىس جاساۋدى ىلگەرىلەتۋگە قۇدىرەتتى يدەيالىق قارۋ ازىرلەدى. پارتيامىز ماركسيزمدىك پارتيا قۇرۋ ءىلىمىن جالعاستىرىپ جانە ونى دامىتىپ، پارتيانىڭ وزىنە توڭكەرىس جاساۋ جونىندەگى باي يدەيالىق تابىسىن قالىپتاستىردى، مىسالى، مۇرات - سەنىمدى بەكەمدەۋ، پارتيالىق جەتىلىمدى كۇشەيتۋ، پارتيانى قاتاڭ باسقارۋ، پارتيانى قاتاڭ جونگە سالۋ، پارتيانىڭ ىشكى ساياسي تۇرمىسىن قاتايتۋ، ۇنەمىلىك تاربيە مەن شوعىرلى تاربيەنى ءوزارا ۇشتاستىرۋعا تاباندى بولۋ، سىن جانە ءوز - وزىنە سىن ورىستەتۋگە باتىل بولۋ، پارتيا ىشىندە باقىلاۋدى كۇشەيتۋ، حالىقتىڭ باقىلاۋىن قابىلداۋ، ۇزدىكسىز تۇردە پارتيانىڭ يدەياسىن كىرشىكسىزدەندىرۋ، پارتيا ۇيىمىن كىرشىكسىزدەندىرۋ، پارتيا ستيلىن كىرشىكسىزدەندىرۋ، پارتيانىڭ تۇلعاسىن كىرشىكسىزدەندىرۋ، ت. ب. وسىلاردىڭ بارلىعى پارتيانىڭ وزىنە توڭكەرىس جاساۋىن ىلگەرىلەتۋدەگى ماڭىزدى تاجىريبە، وسى رەتكى نەگىزگى تاقىرىپتىق تاربيە بارىسىندا تولىق قولدانۋ ءارى ۇزدىكسىز دامىتۋ كەرەك.
شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدىڭ، بورىشتى ەستە بەرىك ساقتاۋدىڭ تەتىگى ماسەلەگە دۇرىس قاراۋ سانالىلىعى مەن پىشاقتىڭ ءجۇزىن وزىنە قاراتۋ باتىلدىعى بولۋىندا. ماسەلەنى باعدار ەتۋدەن جازباي، ماسەلەنى ناقتاپ شىنايى شەشۋ كەرەك. بۇل رەتكى نەگىزگى تاقىرىپتىق تاربيە 8 جاقتاعى كورنەكتى ماسەلەنى الىپ شىقتى، بارلىعى پارتيانىڭ نەگىزىن سولقىلداتۋى، پارتيا ىستەرىنە كەدەرگى جاساۋى مۇمكىن ماسەلەلەر، ءسوز جوق، وزىنە تۇبەگەيلى توڭكەرىس جاساۋ رۋحىمەن كۇش سالا شەشۋ كەرەك. پارتيا ىشىندەگى كەيبىر كورنەكتى ماسەلەلەردى حالىق بۇقاراسى ءار دايىم وتە انىق كورە الادى. پارتيا مۇشەلەرىنىڭ، كادرلاردىڭ اۋەلگى ماقساتىنىڭ وزگەرگەن - وزگەرمەگەندىگىنە، بورىشىن ەستە بەرىك ساقتاعان - ساقتاماعاندىعىنا بۇقارا باعا بەرەدى، اماليات سىننان وتكىزەدى. ءبىزدىڭ ەسىكتى جاۋىپ الىپ وزىمىزگە توڭكەرىس جاساۋىمىزعا بولمايدى، قايتا حالىق بۇقاراسىنىڭ پىكىرىن كوبىرەك تىڭداۋىمىز، حالىق بۇقاراسىنىڭ باقىلاۋىن سانالىلىقپەن قابىلداۋىمىز كەرەك.
شي جينپيڭ بىلاي دەپ اتاپ كورسەتتى: ءوزىن كىرشىكسىزدەندىرۋگە، ءوزىن كەمەلدەندىرۋگە، ءوزىن جاڭارتۋعا، ءوز دەڭگەيىن جوعارىلاتۋعا تاباندى بولىپ، پارتيا قوسىنىن ۇزدىكسىز كىرشىكسىزدەندىرىپ، پارتيانىڭ تۇلعاسىنىڭ اقاۋسىزدىعىنا كەپىلدىك ەتۋ؛ ولقىلىقتاردى تولىقتاۋعا، ءالسىز بۋىنداردى كۇشەيتۋگە، نەگىزدى بەكەمدەۋگە تاباندى بولىپ، تۋ باستان ساقتانىپ، قىلپى بىلىنە وڭاپ، توبەسى كورىنە سوققى بەرىپ، ءتۇزىم ساڭلاۋىن بەكىتىپ، باقىلاۋ مەحانيزمىن اقاۋسىزداندىرۋ؛ نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى جانە ءار جاقتا جاڭالىق اشۋدى باتىل ىلگەرىلەتىپ، كونەنى الاستاپ، جاڭانى ورناتۋ ارقىلى بولاشاقتى ۇزدىكسىز اشۋ؛ سانالى تۇردە كىتاپتان ۇيرەنۋ، امالياتتان ۇيرەنۋ، حالىق بۇقاراسىنان ۇيرەنۋ، پارتيالىق شىڭدالۋ مەن ساياسي ىسىلۋدى كۇشەيتىپ، ساياسي دەڭگەيدى، يدەيالىق دەڭگەيدى، ءمورالدىق دەڭگەيدى ۇزدىكسىز ءوسىرىپ، بيلىك جۇرگىزۋ قابىلەتىن جاپپاي كۇشەيتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇرۋ كەرەك.
شي جينپيڭ بىلاي دەپ باسا دارىپتەدى: اۋەلگى ماقسات پەن بورىشتى ەستە بەرىك ساقتاپ، پارتيانىڭ وزىنە توڭكەرىس جاساۋىن ىلگەرىلەتۋدە پارتيانىڭ ورتالىقتانعان ءبىر تۇتاس باسشىلىعىن كۇشەيتۋ مەن پارتيا ىشىندەگى ماسەلەلەردى شەشۋدىڭ بىرلىگىنە تاباندى بولۋ كەرەك، قالىڭ پارتيا مۇشەلەرى، كادرلار، اسىرەسە، باسشى كادرلار پارتيانىڭ باسشىلىعىن السىرەتەتىن، پارتيانىڭ بيلىك جۇرگىزۋ نەگىزىن سولقىلداتاتىن، پارتيانىڭ ساياسي ءتارتىبى مەن ساياسي قاعيداسىنا قايشى كەلەتىن بارلىق ارەكەتتەرمەن باتىل كۇرەس جۇرگىزىپ، پارتيانىڭ ىشىندە ورىن تەپكەن كورنەكتى ماسەلەلەردى باتىل تۇزەتۋ كەرەك. تۋراشىلدىقتان تايماۋ مەن جاڭالىق اشۋدىڭ ءوزارا بىرلىگىنە تاباندى بولىپ، پارتيانىڭ سيپاتىنا، نەگىزگى ماقساتىنا، مۇرات - سەنىمىنە، اۋەلگى ماقساتىنا، بورىشىنا اۋىتقىماي تاباندى بولۋ، سونىمەن بىرگە، جاڭا ۇستانىم، وي جەلىسى، ءادىس، ءتاسىل ارقىلى پارتيانىڭ ىشىندە ورىن تەپكەن ءتۇرلى قايشىلىقتار مەن ماسەلەلەردى ويداعىداي شەشۋ كەرەك. قاتاڭ باسقارۋ مەن قامقورلىق جاساۋدىڭ ءوزارا بىرلىگىنە تاباندى بولىپ، باقىلاۋ - باسقارۋ مەحانيزمىن كەمەلدەندىرىپ، كەيبىرەۋلەردىڭ بەتالدى ىستەيتىن ارەكەتىن اۋىزدىقتاپ، قالىڭ پارتيا مۇشەلەرىنىڭ، كادرلاردىڭ جاۋاپكەرشىلىك ارقالاۋ، ءىس تىندىرۋ، جۇمىس ىستەپ، شارۋاشىلىق قۇرۋ ارەكەتىنە جول قويىپ، قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، جاڭا داۋىردە ەڭبەك سىڭىرەتىن، جاڭا ناتيجەلەرگە ۇمتىلاتىن قويۋ راي جانە جالىندى بەينە قالىپتاستىرۋ كەرەك. ۇيىمنىڭ ىلگەرىلەتۋى مەن جەكەنىڭ ىرىقتىلىعىنىڭ ءوزارا بىرلىگىنە تاباندى بولۋ كەرەك، ءارى ءار دارەجەلى پارتيا ۇيىمدارىنىڭ قاتاڭ تالاپ قويۋىنا، قاتاڭ تاربيەلەۋىنە، قاتاڭ باسقارۋىنا، قاتاڭ باقىلاۋىنا سۇيەنۋ، ءارى قالىڭ پارتيا مۇشەلەرىنىڭ، كادرلاردىڭ سانالىلىعىنا سۇيەنىپ، وزىنە ىرىقتىلىقپەن ءۇڭىلىپ، ونە - بويىنداعى ساياسي شاڭ - توزاڭدى تازالاپ، ساياسي يممۋنيتەتتىك قۋاتتى ۇزدىكسىز كۇشەيتۋ كەرەك.
شي جينپيڭ بىلاي دەپ باسا دارىپتەدى: اۋەلگى ماقساتتى ۇمىتپاۋدىڭ، بورىشتى ەستە بەرىك ساقتاۋدىڭ تەتىگى پارتيانىڭ ءار دارەجەلى باسشى كادرلارىندا، اسىرەسە، جوعارى دارەجەلى باسشى كادرلارىندا. باسشى كادرلار جوعارى ارقىلى تومەنگە ۇلگى كورسەتىپ، باستاماشىلدىقپەن جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، باستاماشىلدىقپەن ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ، باستاماشىلدىقپەن اۋەلگى ماقساتتى ۇمىتپاۋ، بورىشتى ەستە بەرىك ساقتاۋ، باستاماشىلدىقپەن سىن جانە ءوز - وزىنە سىن قارۋىن قولدانۋ، باستاماشىلدىقپەن اقيقاتقا تاباندى بولۋ، قاتەلىكتى تۇزەتۋ كەرەك.
