جاڭا دامۋ ۇستانىمىن ىشكەرىلەي تۇسىنەيىك

5 – ايدىڭ 16 – كۇنى باسپادان شىققان «ىزدەنۋ» جۋرنالى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا دامۋ ۇستانىمىن ىشكەرىلەي تۇسىنەيىك» دەگەن ماڭىزدى ماقالاسىن جاريالادى.

ماقالادا بىلاي دەپ اتاپ كورسەتىلدى: جاڭالىق جاراتۋ ارقىلى دامۋعا دەم بەرۋ ستراتەگياسىن كۇش سالا اتقارۋ كەرەك. جاڭالىق جاراتۋدى مىقتى يگەرسەك، ەكونوميكا مەن قوعام دامۋىنىڭ جالپى جاعدايىنا ساياتىن «مۇرىندىقتى» مىقتى يگەرگەن بولامىز. جاڭالىق جاراتۋ دەگەنىمىز دامۋدى يگەرۋ، جاڭالىق جاراتۋدى كوزدەۋدىڭ ءوزى − بولاشاقتى كوزدەۋ. ءبىز دامۋدىڭ ءتۇيىنىن جاڭالىق جاراتۋعا قويۋىمىز، جاڭالىق جاراتۋ ارقىلى دامۋدىڭ جاڭا قوزعاۋشى كۇشىن جەتىلدىرىپ، اناعۇرلىم كوپ ابزالدىقتى ساۋلەلەندىرەتىن جەتەكشىلىك سيپاتىنداعى دامۋدى سومداۋىمىز، وزگەلەرمەن باسەكەلەسىپ، وزىپ شىعۋعا قۇلشىنۋىمىز كەرەك.

ماقالادا بىلاي دەپ اتاپ كورسەتىلدى: دامۋدىڭ تۇلعالىق سايكەسىمدىلىگىن نىعايتۋعا كۇش سالۋ كەرەك. سايكەسىمدىلىك − ءارى دامۋ ءتاسىلى، ءارى دامۋ نىساناسى، سونىمەن بىرگە دامۋدىڭ ولشەمى، ەكى جاعىن بىردەي ەسكەرۋ پايىمى مەن ماڭىزدى ءتۇيىن پايىمىنىڭ بىرلىگى، دامۋدىڭ بىركەلكىلىگى مەن بىركەلكىسىزدىگىنىڭ بىرلىگى، دامۋداعى ولقىلىق پەن كومەسكى كۇشتىڭ بىرلىگى. ءبىز ديالەكتيكانى قولدانۋدى ۇيرەنۋىمىز، ءىشىنارالىق پەن جالپى جاعدايدىڭ، كوز الداعى مەن بولاشاقتىڭ، ماڭىزدى ءتۇيىن مەن ماڭىزسىز ءتۇيىننىڭ قاتىناسىن ويداعىداي شەشۋىمىز، وڭىرلەردىڭ سايكەستى دامۋىن، قالا مەن اۋىلدىڭ سايكەستى دامۋىن، زاتتىق وركەنيەت پەن رۋحاني وركەنيەتتىڭ سايكەستى دامۋىن كۇش سالا ىلگەرىلەتۋىمىز، ەكونوميكالىق قۇرىلىس پەن مەملەكەت قورعانىسى قۇرىلىسىنىڭ توعىسپالى دامۋىن ىلگەرىلەتۋىمىز كەرەك.

ماقالادا بىلاي دەپ اتاپ كورسەتىلدى: ادام مەن تابيعاتتىڭ جاراسىمدى قاتار ءومىر ءسۇرۋىن كۇش سالا ىلگەرىلەتۋ كەرەك. ەكولوگيالىق ورتانىڭ ورنىن ەشتەڭە باسا المايدى، پايدالانۋدا ساناسىزدىق تانىتساق، ورنى تولماس وكىنىش ارقالايمىز. جالپى جاعدايلىق كوزقاراس، ۇزاق بولاشاقتىق كوزقاراس، ۇزاق بولاشاقتىق كوزقاراس، جالپى تۇلعالىق كوزقاراس ورناتۋىمىز، بايلىقتى ۇنەمدەۋ جانە ورتانى قورعاۋ سىندى نەگىزگى مەملەكەت ساياساتىندا تاباندى بولۋىمىز، ەكولوگيالىق ورتانى كوز قاراشىعىمىزداي قورعاۋىمىز، جاسىل دامۋ ءتاسىلى مەن تۇرمىس ءتاسىلىنىڭ قالىپتاسۋىن ىلگەرىلەتۋىمىز، حالىقتىڭ اۋقاتتانۋىن، مەملەكەتتىڭ قۇدىرەتتەنۋىن، جۇڭگونىڭ كوركەمدىگىن سايكەستى ىلگەرىلەتۋىمىز كەرەك.