1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

جاستىق ورال عاسىر بويى پارتياعا ىنتىقتى، جاڭا داۋىرگە ۇلەس قوسۋعا بەل بۋدى

− جۇڭگو جاستار قوزعالىسىنىڭ 100 جىلدىعىنا قۇرمەت

日期:2019年05月05日
来源:新疆日报
【字体:

وسىدان 100 جىلدىڭ الدىندا −

1919 - جىلى پاريج بەيبىتشىلىك كەڭەسىندە، باتىستاعى ۇلى بريتانيا، فرانسيا، امەريكا قۇراما شتاتتارى سياقتى باتىس ازۋلى ەلدەرى دۇنيە جۇزىلىك ءبىرىنشى سوعىستا جەڭگەن ەلدەر ساناتىنداعى جۇڭگونىڭ العا قويعان تالابىن مۇلدە ەلەپ - ەسكەرمەستەن، سوعىستا جەڭىلگەن گەرمانيانىڭ شاندۇڭداعى ”ۇقىق - مۇددەسىن“ جاپونياعا وتكەرمەلەدى. جۇڭحۋا ۇلتىنىڭ ار - نامىسى راقىمسىزدىقپەن اياق استى ەتىلدى.

”سىرتتا يەلىك ۇقىققا قول جەتكىزىپ، ىشتە وتان ساتقىندارىن الاستايىق“، ”21 تارماقتى شارت كۇشىنەن قالسىن“، ”چيڭداۋىمدى قايتار“... 5 - ايدىڭ 4 - كۇنى بەيجيڭدە نەشە مىڭداعان جالىندى جاس وقۋشى قاھارلانا ءۇن قاتتى. ىلە - شالا بۇكىل ەلدىڭ ءار سالاسى ىركەس - تىركەس قولداۋ كورسەتتى، اسىرەسە، جۇمىسشى تابى كەۋدە كەرە العا شىعىپ، كۇرەستىڭ لەگىنە قوسىلدى. كوكتەمگى كۇننىڭ كۇركىرىمەن شىعىستاعى ۇيىقتاپ جاتقان ارىستان ازاپ - تاۋقىمەت ىشىندە شوشىپ وياندى.

4 - مامىر قوزعالىسى ءتۇن اسپانىن تىلگىلەگەن نايزاعايداي جۇڭگو جاڭا دەموكراتيالىق توڭكەرىسىنىڭ بەتاشارىن اشتى ءارى جۇڭگو جاستار قوزعالىسىنىڭ ايبىندى عاسىرلىق داڭقىنا جول اشتى.

■ شوقىسىندا يۋەلۋدىڭ كوزايام كەڭىپ تۇر عاجاپ − عىلمي يدەيانى تاراتتى

جاستار − ءداۋىردىڭ ەڭ سەزگىر بارومەترى، دەنە جانە پسيحيكالىق ەرەكشەلىكتەرىنە بايلانىستى، باقىلاۋعا شوگەل، ويى ۇشقىر كەلەدى، جاڭا يدەيانى ەڭ وڭاي تۋدىرادى، جاڭا يدەيانى ەڭ تەز قابىلدايدى، جاڭا يدەيانى ەڭ وڭاي تاراتادى.

100 جىلدىڭ الدىندا جۇڭحۋا ۇلتى ىشكى جاقتا بۇلىنشىلىككە، سىرتقى جاقتا شاپقىنشىلىققا تاپ بولىپ، قادام سايىن اۋىر قيىنشىلىققا ۇشىراپ، اۋىر تۇلعاسىن ءيىپ، جاستاردىڭ ايعايىنا قۇلاق تۇرمەسكە امالسىز قالدى.

”جاستار العاشقى كوكتەمگە، تاڭەرتەڭگى اتقان كۇنگە، بۇرشىك جارعان گۇلگە، جانىلعان وتكىر قانجارعا ۇقسايدى، ول ءومىردىڭ ەڭ قىمباتتى مەزگىلى. قوعام جونىنەن العاندا، جاستار دەنەدەگى جاڭا، جالىندى كلەتكا سياقتى“... 1915 - جىلى 9 - ايدا جارىققا شىققان «جاستار جۋرنالى»ندا ىستىق مەرەيگە تولى جولدار جۇرت نازارىنا تارتىلدى. جۋرنالدىڭ دۇنيەگە كەلۋىنە ارنالعان «جاستارعا ەسكەرتپە» اتتى ماقالادا چىن دۋشيۋ جاستاردىڭ ماڭىزدىلىعىن اسقاق سەزىممەن جىرلاپ، جاستاردى ”وزدەرىنىڭ جاڭا، جالىندى قاسيەتىنىڭ قۇنى مەن جاۋاپكەرشىلىگىن سانالى تۇردە جۇزەگە اسىرۋعا“ شاقىرىپ، ”اقىل - پاراساتىن ساۋلەلەندىرىپ، توزىپ، شىرىگەندەردى كۇش سالا الاستاۋعا“ ۇندەدى.

لي داجاۋ، لۋشۇن قاتارلى كىسىلەردىڭ قوسىلۋىنا وراي، تاياۋ زامانعى جۇڭگودا بۇرىن بولماعان كولەمدەگى جاڭا مادەنيەت قوزعالىسى دابىرالى ءورىس الىپ، دەموكراتيا مەن عىلىم يدەياسى بىرتىندەپ جۇرت جۇرەگىنە ۇيالاپ، جاس بۋىننىڭ وتانشىلدىق ىنتاسى مەن العا باسۋ تانىمىنا رۋحاني تىرەك ازىرلەدى.

رەسەيدەگى قازان توڭكەرىسىنىڭ زەڭبىرەك ءۇنى جۇڭگوعا ماركسيزمدى جەتكىزىپ، جۇڭگونىڭ بولاشاق تاعدىرىنا جاڭا بەت بۇرىس اكەلدى.

1920 - جىلى جىجياڭنىڭ ي - ۋىنىڭ فىنشۇيتاڭ دەگەن جەرىندەگى بالاعاندا، جاپونيادا وقىپ ەندى عانا ەلگە ورالعان ءبىر جاس ءالسىز شام جارىعىندا شەتەل تىلىندەگى شاعىن كىتاپشانى بار زەيىن - زەردەسىمەن، ءار ءسوزىن بىردەن سارالاپ حانزۋ تىلىنە اۋدارىپ وتىردى. قولىنداعى قياق كۇرىشى سياعا مالىنسا دا سەزگەن جوق، ءتىپتى، شەشەسىنە: ”نەدەگەن ءدامدى“ دەپ قويادى.

ونىڭ اتى چىن ۋاڭداۋ، اۋدارىپ وتىرعان كىتاپشاسى «كوممۋنيستىك پارتيا جارناماسى». ول شامامەن ءبىر اي ۋاقىتتا اۋدارىپ بولدى دا، اۋدارما نۇسقاسىن قاعاز قالتاعا سالدى، بۇل كەز ۇركەر جەرگە تۇسكەن مەزگىل ەدى.

بارشا گۇل جايناي اشىلىپ، جاڭا ءومىر جالىن اتتى. ۇلتتى جويىلۋدان قۇتقارۋدىڭ اقيقاتى جاستار اراسىندا اۋىزدان اۋىزعا تاراپ، ”كوممۋنيزم ەلەسى“ جۇڭحۋا دالاسىن كەزە باستادى. ءبىر جاڭا كوكتەم كەلدى!

سەبەزگى جاڭبىر، مۇنار وراپ دالانى، كوك سارايدىڭ ساعىمى سۋدا قالىپ بارادى. ءبىر جىلدان كەيىن، ءبىر قىزىل قايىق جياشيڭدەگى نانحۋ كولىندە باياۋ تولقىن جاردى. قايىقتاعى قايراتى تاسقىنداعان جاستار نازارىن بۇكىل جۇڭگوعا اۋداردى.

تاياۋ 100 جىلدان بەرى، ءار ۇرپاق تاڭداۋلى جۇڭگو كومۋنيستەرى داۋىرمەن بىرگە العا باسىپ، تىڭنان جاڭالىقتار اشىپ، پارتيانىڭ جەتەكشى يدەياسىنىڭ توقتاۋسىز ءداۋىردىڭ الدىڭعى لەگىندە جۇرۋىنە مۇمكىندىك جاساپ، ونى جۇڭگو توڭكەرىسىنە، قۇرىلىسىنا، رەفورماسىنا جەتەكشىلىك ەتەتىن ءتۇبىرلى بويسۇنۋ ولشەمىنە اينالدىردى ءارى ءار ۇرپاق جاستاردى عىلمي نازاريانى ۇيرەنۋگە، العاباسار يدەيانى تاراتۋعا، ءومىر باعدارىنان جازباۋعا جەتەكتەدى.

”ءبىز جاستار ۋاكىلدەرى قايتىپ بارعان سوڭ، بۇكىل ەلدەگى قالىڭ جاستارعا − اۋىل - قىستاقتاعى، زاۆودتارداعى، قالالارداعى، ازات رايوندارداعى، گومينداڭ ۇستەمدىگىندەگى رايوندارداعى جاستارعا ءبىزدىڭ قۇرىلتايىمىزدىڭ دارىپتەمەسىن ۇگىتتەپ، ميلليونداعان جاستار قاۋىمىن بىزگە ىلەسىپ العا باسۋعا جۇمىلدىرۋىمىز جانە وعان قول جەتكىزۋىمىز كەرەك. بۇل تۇيىندە ماۋ زىدۇڭ تۋى − ءبىزدىڭ ەڭ جاقسى ۇندەۋىمىز“. 1949 - جىلى 5 - ايدا جۇڭحۋا مەملەكەتتىك جاستار 1 - قۇرىلتايى وسى دارىپتەمەنى العا قويدى.

ءومىردىڭ ءمانى، ءسىرا، نە؟ 1980 - جىلى «جۇڭگو جاستارى» جۋرنالىنداعى ”پان شياۋدىڭ سۇراۋى“نان تۋىنداعان ءومىر كوزقاراسى ماسەلەسى جونىندەگى زور تالقى ءالى ەسىمىزدە، ول سول داۋىردەگى جاستاردىڭ يدەيانى ازات ەتۋدى، تەڭ تۇرعىدان پىكىر اۋىستىرۋدى ءۇمىت ەتكەن توپتىق جۇرەك ءۇنىن بەينەلەدى ءارى كەي ادامداردىڭ كوڭىلىندەگى كۇرەس نىساناسىنداعى اداسقان ”كۇرمەۋلەر“دى شەشىپ بەردى.

پارتيا 18 - قۇرىلتايىنان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى بۇكىل پارتيانىڭ، بۇكىل ەل حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋىنىڭ ارەكەت باعدارناماسىنا اينالدى. ”سەگىزدى ايقىنداۋ“، ”ون تورتكە تاباندى بولۋ“... جاڭا يدەيانىڭ لوگيكاسى شىمىر، جۇيەسى كەڭ، مازمۇنى باي، ونى جەتە ۇيرەنۋ، جەتە ءتۇسىنۋ استە وڭاي ەمەس.

”جاستاردىڭ جاپپاي ۇيرەنۋ“ ارەكەتى دۇنيەگە كەلدى، ”باس شۋجيگە ىلەسىپ ۇيرەنۋ“ جەلىلەس قىسقا بەينەجازبالارى، ”تۋانتۋان جەتەكتەپ ۇيرەتەدى“ ۋيچات ارناۋلى ايدارى، ينتەرنەتتەگى تاقىرىپتىق وداق ساباقتارى، جاس لەكتورلار ۇيىرمەسى، جاستاردىڭ وقىتۋ - وقۋ ورىندارى... قازىرگى تاڭداعى جاستار ماركسيزمنىڭ جۇڭگوشالانۋىنىڭ ەڭ جاڭا جەتىستىكتەرىن ەڭ ”زاماناۋي“ تاسىلدەرمەن ۇيرەندى، ءتۇسىندىردى، تاراتتى.

ولاردىڭ نازارىندا جاڭا يدەيا وتە كەرەمەت.

بۋىرقانعان كوكتەمدە شياڭجياڭدى ءبىر كەز جاعالاپ، شوقىسىندا يۋەلۋدىڭ كوزايام كەڭىپ تۇر عاجاپ. «كوممۋنيستىك پارتيا جارناماسى» جاريالانعاننان بەرگى 170 جىلدان استام ۋاقىتتاعى اماليات جۇڭگودا ماركسيزمنىڭ مەملەكەت جاعدايىمەن، قوعامدىق جاعدايمەن ۇشتاستىرىلىپ، داۋىرمەن بىرگە دامىپ، العا باسىپ، حالىق بۇقاراسىمەن تاعدىرلاس بولىپ، قۇدىرەتتى تىرشىلىك قۋاتىن، جاسامپازدىق قۋاتىن، تارتىمدىلىق قۋاتىن جالىنداتقاندىعىن دالەلدەدى. جۇڭگو جاستار قوزعالىسىنىڭ 100 جىلدان بەرگى تاريحى دا ءار ۇرپاق جاستاردىڭ پارتيانىڭ عىلمي نازارياسىنىڭ جەتەكشىلىگىندە دۇنيە جۇزىنە كوز الماي نازار اۋدارىپ، يدەيانىڭ بيىك شىڭىنا ەرلىكپەن شىققانىن دالەلدەدى.

■ جۇڭگودا تۋعانىما ماقتانامىن − وتانشىلدىقتى اسقاقتاتتى

”مەملەكەت جويىلاتىن بولدى! باۋىرلاستار ورىندارىڭنان تۇرىڭدار!“

بۇل − 100 جىلدىڭ الدىنداعى جاستار قوزعالىسىنداعى جاس وقۋشىلاردىڭ باستارىن ءباي تىككەن ۇندەۋى ءارى سول بوران - شاشىندى جىلدارداعى ءبىر وتانشىل ارداگەردىڭ جان ايعايى ەدى.

جاس وقۋشىلار ۇندەۋ تاستاعان سول ساتتەن باستاپ، 4 - مامىر قوزعالىسىنا وتانشىلدىقتىڭ تاڭباسى تەرەڭ باسىلدى، 100 جىل بويىندا وتانشىلدىق رۋحىن وزەك ەتكەن 4 - مامىر رۋحى نەشە ۇرپاق جاستاردى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا الدىڭعىلاردىڭ ءىزىن سوڭعىلار باسۋعا جىگەرلەندىرىپ كەلەدى.

− 30 - مامىر قاندى وقيعاسىنان كەيىن، مەملەكەتتىك وقۋشىلار بىرلەستىگى ”بۇكىل ەلدەگى بارلىق قاۋىم ىنتىماقتاسىپ، يمپەرياليزمدى جوعالتايىق!“ دەگەن جاۋىنگەرلىك ۇران كوتەردى.

− ۇلتتىق زور توڭكەرىس ساتسىزدىككە ۇشىراعان سوڭ، ءىرى، ورتا قالالاردا تۇرمىس كەشىرىپ جاتقان كوپتەگەن جاس وقۋشىلار، جاس جۇمىسشىلار، جاس اسكەريلەر باتىل تۇردە اۋىل - قىستاقتارعا بارىپ، توڭكەرىستىك بازا قۇرۋ جانە ونى بەكەمدەۋ كۇرەسىنە ات سالىستى.

− 18 - قىركۇيەك وقيعاسىنان كەيىن، جۇڭحۋا ۇلتى ەڭ قاتەرلى كەزگە جەتتى، شارۋالار قايلالارىن كوتەرىپ، جۇمىسشىلار بالعالارىن الىپ، سانالى ارەكەتتەرى ارقىلى جۇڭحۋا ۇلاندارىنىڭ ”مەملەكەتتىڭ گۇلدەنۋى مەن قۇرىپ - جوعالۋىندا ءاربىر قاراپايىم ادامنىڭ جاۋاپكەرشىلىگى بار“ دەگەن وتباسى، وتان سۇيىسپەنشىلىگىن ايگىلەدى.

ۇلتتىڭ تاريح پاراعىن اقتارار بولساق، داڭقتى توڭكەرىستىك سوعىس جىلدارىنان سانسىز شۇعىلالى ەسىمدەر قالعان، ءدال وسى وتاننىڭ تاڭداۋلى ۇلاندارى ىستىق قاندارى مەن ومىرلەرى ارقىلى جاڭا جۇڭگونىڭ جاڭا شىققان كۇنىن كوتەردى.

”كەزىندە ەلدى قۇرعان ەگەيلەردىڭ ەرلىگى جەر مەن كوكتە ساقتالادى“. سوعىس جىلدارىندا جاس قاھارماندار بارىن ارناپ، ۇلت ادىلەتىن قورعادى. ال بەيبىتشىلىك جىلدارىندا، وتاندى سۇيۋگە اناعۇرلىم باي ماعىنا قوسىلدى ءارى بەلگىلى تاريحي شارت - جاعدايدا تۇرلىشە ەرەكشەلىكتەر جارىققا شىقتى.

1981 - جىلى 3 - ايدىڭ 20 - كۇنى ءتۇن، راديودان جۇڭگو ەرلەر ۆولەيبول كومانداسىنىڭ جەڭىلىستى جەڭىسكە اينالدىرعان حابارى بەرىلىپ جاتتى، راديو قابىلداعىشتىڭ قاسىندا كۇتىپ تۇرعان بەيجيڭ داشۋەسىنىڭ ستۋدەنتتەرى قۋانا الاقايلاپ سەكىرىپ كەتتى.

”ىنتىماقتاسايىق، جۇڭحۋانى گۇلدەندىرەيىك!“. قىپ - قىسقا عانا 8 ءارىپ ءبىلىم قۋعان جاستاردىڭ وتانعا دەگەن شەكسىز قىزۋ سۇيىسپەنشىلىگىن ايگىلەدى، سونداي - اق ول وتانداستاردىڭ مەشەۋ بەت - بەينەنى وزگەرتۋدى اڭساعان ورتاق جۇرەك ءۇنى ەدى.

”جۇڭگو، تيتتەي بولىگى دە كەمىسە بولمايدى!“. 2018 - جىلى 11 - ايدىڭ ءبىر كەشى، بلوگتا قىزۋ ورلەۋ كوتەرىلدى. @ كوممۋنيستىك جاستار وداعى ورتالىق كوميتەتى وسى بلوگتى جاريالاعان كەزدە، قىسقا عانا بىرنەشە ساعاتتا كوپتەگەن ينتەرنەت پايدالانۋشىلار ونى كوشىرىپ جاريالاپ، تالقىلاپ، قۇپتاپ، ”تايۋان تاۋەلسىزدىگى“ ەلەمەنتتەرىنىڭ بولشەكتەۋ سوزدەرىنە پارمەندى سوققى بەرىپ، وتاننىڭ تۇتاستىعى ۇلى ءىسىن باتىل قولدادى.

”ينتەرنەتتەگى وركەنيەت ەرىكتىلەرى“ بارعان سايىن قازىرگى زامانعى جاستار قوزعالىسىنىڭ ايشىقتى ءبىر بەدەرىنە اينالدى. ەلىمىزدىڭ يەلىك ۇقىعى مەن تەرريتوريا بۇتىندىگىن بۇلدىرۋگە ۇرىنعان نەمەسە وتاندى بولشەكتەۋ قۇر قيالىنا سالىنعان قاتە ارەكەتتەر ءار رەت بەلەڭ بەرگەن سايىن، جاستار تۇگەلدەي كوكىرەك كەرە العا شىعىپ، قىلمىسقا زاڭ بويىنشا سوققى بەرىپ، باتىل ءۇن قاتىپ، ادىلەتتى جاقتادى.

تامىرىندا اعا - بۋىنداردىڭ گەنى تۋلادى، اياق استىنان الدىڭعى بۋىنداردىڭ ءىزىن ىزدەدى، 1990 - جىلداردىڭ، 2000 - جىلداردىڭ تۇلەكتەرى وزدەرىن: ”جۇڭگو جاستارى، ءومىر ەسىگىن اشقاندا قىزىل ءتۇستى“ دەپ باعالادى.

■ ەرلىك جىگەر بۇلتتان اسىپ كوكتى تەسەر − حالىقتىڭ جالىندى قوسىنى بولدى

جاستار جالىندى كۇشكە، ارمانعا ەڭ باي جاندار، قوعامداعى ومىرشەڭدىك كۇشى، جاسامپازدىق كۇشى ەڭ مول شوعىر.

جاڭا جۇڭگو قۇرىلعان العاشقى كەزدە، بۇكىل ەلدە جوعارىدان تومەنگە دەيىن، بىرىنشىدەن كەدەي، ەكىنشىدەن اق ەدى، جەردەن جەتىسىنشە استىق الۋ، بارىنشا كوپ ادامنىڭ قارنىن تويدىرۋ ەڭ كوكەي تەستى مىندەت بولدى. بەيجيڭدەگى 5 جاس ۇيىمعا بەيجيڭ جاس ەرىكتىلەردىڭ تىڭ يگەرۋ اترەتىن ۇيىمداستىرىپ قۇرۋ ۇندەۋىن تاپسىردى، ۇندەۋ جاريالانعاننان كەيىن، قوعامدا كۇشتى اڭىس قوزعادى.

جەر - جەر ىركەس - تىركەس جاستاردىڭ تىڭ يگەرۋ اترەتىن ۇيىمداستىرىپ قۇرىپ، شەكارا وڭىرلەرگە، تەڭىز قورعانىسى ورىندارىنا اتتانىپ، اڭعار - ساي، اسقار اسۋ، كول - قايراڭدارعا ەندەپ كىرىپ، تىڭ دالانى اتا مەكەنگە بالاۋعا بەكىنىپ، جارلىق شاشتى اي مەن كۇنگە، جاڭا الەم اش دەپ ناق!

حيلۇڭجياڭ تىڭ يگەرۋ رايونىندا، اسىلىندەگى ”بەيداحۋاڭ“ الدەقاشان ”بەيداساڭ“عا اينالدى؛ جياڭشيدىڭ پوياڭ كولى جاعاسىندا، كەزىندەگى اڭعار - ساي، اسقار اسۋ، كول - قايراڭداردان بوي كوتەرگەن ءبىر كوممۋنيستىك جاستار وداعى قالاسى قازىر بەيجيڭ - جيۋلۇڭ جەلىسىندەگى مەرۋەرتكە اينالدى؛ جىجياڭنىڭ تايجوۋىندا، ”تەڭىزدەگى يەن ارال“ ”شىعىس مەرۋەرتى“نە اينالدى، وسىنىڭ ءبارى 60 نەشە جىلدان بەرى داچىن ارالىنداعى جويقىن وزگەرىستەردىڭ، سونداي - اق تىڭ يگەرۋ رۋحىنىڭ ىقشام كورىنىسى...

مەملەكەتتىڭ 1 - بەسجىلدىق جوسپارى باستالعان كەزدە پارتيانىڭ باسشىلىعى مەن جەتەكشىلىگىندە، كوممۋنيستىك جاستار وداعى ءبىرسىپىرا ۇرانداردى ورتاعا قويىپ، وداق مۇشەلەرىن، جاستاردى باستاپ، وتاننىڭ جەر - جەرىنە اتتانىپ، ءتۇيىندى قۇرىلىستارعا كومەكتەستى.

”ۇزاق جورىققا كۇش جالعايتىندار بار“. ”جاڭا ۇزاق جورىق ەكپىندىلەرى“ وتكەن عاسىردىڭ 70 - جىلدارىنىڭ سوڭىندا داۋرەندەگەن ءبىر جارقىن اتاۋ، ءبىر - بىرلەگەن داڭق كۋالىكتەر سول داۋىردەگى جاستاردىڭ اسقاق سەزىم الاۋلاعان جىلدارىن ەستەلىككە الدى.

شيامىندىق قىز چىن ميڭيۇي قازىرگى زامانعى شارۋاشىلىق قۇرعان قىرۋار ستۋدەنتتەردىڭ بىرەۋى. ول قۇرعان وتباسىلىق قىزمەت وتەۋ سەرىكتەستىگى كوپتەگەن ايەلدەردى تەگىن تاربيەلەۋ جانە جۇمىسقا تانىستىرۋ ارقىلى ولاردىڭ جۇمىستانۋىن جۇزەگە اسىردى. قازىر ءار جىلى ول سياقتى تالايلاعان جاس جۇرەكتىلىكپەن شارۋاشىلىق قۇرۋ جولىنا قادام تاستادى...

”كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ“. جاقىنعى جىلداردان بەرى حالىقارادا باسەكەنىڭ كۇن ساناپ كۇشەيۋىنە ىلەسە، ساۋدا قورعامپازدىعىنداعى تەحنيكالىق قامالعا مەڭزەس، شەشۋشى، وزەكتى تەحنيكانىڭ ادامنىڭ شەكتەمەلىلىگىنە ۇشىراۋىن بۇزۋ كوز الداعى كوكەي تەستى ماسەلە بولدى، جاستار ”كوپ بولىپ شارۋاشىلىق قۇراتىن، جالپى جۇمىلىپ جاڭالىق اشاتىن“ ۇلكەن قوسىننىڭ اتويشىلارىنا اينالدى.

”جۇڭگونىڭ كرەمنيلى اڭعارى“ اتالعان بەيجيڭ جۇڭگۋانسۇندە، 90 - جىلداردان كەيىن تۋىلعان شارۋاشىلىق قۇرۋشى تۇلەكتەر شارۋاشىلىق قۇرعان ۇلكەن قوسىننىڭ ءبىر تۋىنا اينالدى؛ گۋاڭدۇڭ، شياڭگاڭ، اۋمىن ۇلكەن شىعاناق رايونىندا، شياڭگاڭ، اۋمىن جاستار جاڭالىق اشۋ، شارۋاشىلىق قۇرۋ تۇعىرى شارۋاشىلىق قۇرعان توپتاردان 360 نەشەسىن باۋراپ، جۇمىستانعاندار 4000 ادامعا جاقىندادى؛ 2014 - جىلدان باستاپ، ءۇرتىس 5 كەزەك وتكىزىلگەن ”جاستىق ورالدا شارۋاشىلىق قۇرۋ“ اتىنداعى جۇڭگو جاستار جاڭالىق اشۋ، شارۋاشىلىق قۇرۋ جارىسى جالپى 400 مىڭعا تاياۋ شارۋاشىلىق قۇرۋشى توپتى، ءبىر ميلليون 800 مىڭنان استام شارۋاشىلىق قۇرۋشى جاستى جارىسقا قاتىناسۋعا باۋرادى.

جىلدار اۋىسىپ، جاس قارتايسا دا، جاستىق ورالدىڭ جينالۋ سيگنالى ماڭگى تولاستامادى، اۋەنى اسقاق تا تۇنىق.

■ شاتتىق كەرنەپ تاسىعان، جاڭارىپ بۇكىل جەر مەن كوك − ءداۋىردىڭ جاڭا سالتىن ەرلىكپەن اشتى

100 جىلدان بەرى مەملەكەتتە زور وزگەرىس تۋىلىپ، ەكونوميكا، حالىق تۇرمىسى سياقتى سالالار بارىنشا دامىعان ءار تۇستا ءداۋىر اعىنى باستاماسى تىڭنان پايدا بولىپ، قوعامدىق سالت جاڭارىپ وتىردى... ءبىز وسى تەبىندى قوسىننىڭ اراسىنان جاستاردىڭ قاراسىن كوپتەپ بايقايمىز.

جاڭا جۇڭگو قۇرىلعان باستاپقى كەزدە، مادەنيەت ۇيرەنۋ، وقۋ - اعارتۋدى قولعا الۋ كەزەك كۇتتىرمەيتىن ءىس بولدى، جاستاردى نەگىز ەتكەن ساۋاتسىزدىقتى جويۋ اترەتتەرى، ساۋاتسىزدىقتى جويۋ كلاستارى جاڭبىردان كەيىنگى جاۋقازىنداي قاۋلادى. جارتى عاسىر بويى نەشە ۇرپاق ادامداردىڭ قۇلشىنۋىنىڭ ارقاسىندا، 2001 - جىلى جاڭا جىلدا جۇڭگو بۇكىل دۇنيە جۇزىنە جاستار مەن ورتا جاستاعىلار اراسىندا ساۋاتسىزدىقتى نەگىزىنەن جويۋ نىساناسىن جۇزەگە اسىرعاندىعىن سالتاناتپەن جاريالادى.

قازىر قولدى ۇنەمى جۋۋ، كيىمدى ۋاعىندا الماستىرۋ، اۆتوكولىككە وتىرعاندا وزگەلەرگە ورىن بەرۋ، بەلەت ساتىپ العاندا كەزەككە تۇرۋ ءبىزدىڭ سانامىزعا سىڭگەن داعدىلى ادەتكە اينالدى.

رەفورما جاساعان، ەسىك اشقان العاشقى كەزدەردە ”مادەنيەتتى بولۋ، ادەپتى بولۋ، تازالىقتى دارىپتەۋ، ءتارتىپتى بولۋ، ءمورالدى بولۋ“ جانە ”جانى سۇلۋ بولۋ، ءسوزى سىپايى بولۋ، ءىس - ارەكەتى يبالى بولۋ، جاساعان ورتاسى تازا بولۋ“دى باستى مازمۇن ەتكەن مادەنيەتتى، ادەپتى بولۋ قيمىل دارىپتەمەسىن جاستار ورتاعا قويدى، ول بەينە سالقىن سامالداي ەسىپ ءوتىپ، بۇكىل ەلگە تەز تارالدى. مازمۇنىنىڭ ۇزدىكسىز مولايۋىنا بايلانىستى، ”بەس ادەپ، ءتورت قاسيەت، ءۇشتى ءسۇيۋ“ سول ءداۋىردىڭ ادامدارىنا كوركەم ەلەس قالدىرىپ، سوتسياليستىك رۋحاني وركەنيەت قۇرىلىسىنىڭ تارتىمدى تاراۋىن جازدى.

قارلى ۇستىرتتە جۇڭگو تەمىر جول 17 - مەكەمەسىنىڭ جۇمىسشىلارى شيزاڭ حالقىنا ”باقىت اسپان جولىن“ سالىپ بەرۋمەن بىرگە، ءالسىز ەكولوگيالىق ورتانى دەن قويا ايالادى؛ زەڭگىر كوكتەگى بۇلت اراسىندا شيامىن اۆياتسيا قىزمەتكەرلەرىنىڭ كۇلكىسى ”كوك اسپانداعى ەڭ مەيىرىمدى كۇلكى“ اتالدى؛ ليڭنان ءوڭىرىنىڭ گۋاڭجوۋ قالاسىنداعى گۋاڭجوۋ مەديتسينا داشۋەسىنە قاراستى 1 - شيپاحانانىڭ اق حالاتتى پەرىشتەلەرى ءوز ومىرلەرى ارقىلى ”سارس“قا قارسى تۇرۋدىڭ جاستىق قورعانىن سوقتى...

ولاردىڭ ”وركەنيەتتى جاستار كوللەكتيۆى “دەگەن ءبىر ورتاق ەسىمى بار. بۇل وتكەن عاسىردىڭ 90 - جىلدارىندا ۇيىمداستىرىلعاننان باستاپ جاستاردىڭ جۇيەلى كاسىپتىك ولشەمىن جالىنداتىپ، كاسىپ سالاسىنىڭ جاڭا سالتىنا جەتەكشىلىك ەتتى. 20 نەشە كوكتەم - كۇز الماستى، ”وركەنيەتتى جاستار كوللەكتيۆى“ جاستار قوزعالىسىنىڭ رەفورما جاساۋ، ەسىك اشۋ مەزگىلىندە تاعى ءبىر رەت ءساتتى قولدانىلۋى، سونداي - اق جاستاردىڭ ماڭگى ءداۋىر اعىنىنىڭ الدىڭعى لەگىندە جۇرگەندىگىنىڭ ەڭ قۋاتتى تۇسىندىرمەسى.

يدەيا ارەكەتتىڭ جەتەكشىسى، بەكەم، وسكەلەڭ مۇرات - سەنىم بولعاندا عانا، سانالىلىقپەن تاماشا ءمورال ونەگەسىن كورسەتىپ، ىسىلعان قابىلەتتى شىڭداپ، قاجىرلىلىقپەن كۇرەس جاساۋدى ماقسات ەتۋگە بولادى.

لەي فىڭ كەدەي وتباسىنان شىققان جالىندى ازامات. ول پارتياعا ادال، ءوزىن كوللەكتيۆكە قالتقىسىز ارنادى، كىرشىكسىز سەنىمى مەن وسكەلەڭ قاسيەتى ارقىلى ”بۇكىل ىنتا - پەيىلىمەن حالىق ءۇشىن قىزمەت ىستەۋدى“ ومىرىندەگى ەستەلىكتەرىنىڭ ءار بەتىنە جازىپ قالدىردى.

”لەي فىڭنان ۇيرەنىپ، جاڭا سالت ورناتايىق“، ”جاڭ حايديدان ۇيرەنەيىك“، ”قاھارمان ءوسپىرىم لاي نيڭنەن ۇيرەنەيىك“ ... سياقتى جاستار ورتاعا قويعان يدەيا - ءمورال تاربيەسى قيمىلدارى جاستار اراسىندا ادام ءومىرىنىڭ قۇنىن جالعاپ، يدەياداعى سوقىر تۇماندى سەيىلتىپ، العا باسۋ نىساناسىن بەكەمدەدى. ”لەي فىڭ جولداستان ۇيرەنۋ“ كوپ ادامنىڭ جۇرەگىندە ۇزاققا دەيىن وشپەيتىن رۋحاني كۇش - قۋاتقا اينالدى.

ءتۇرلى اعىمداردىڭ تەكە تىرەسىنە ءدوپ كەلگەن جاستار ”كۇرەس جاساعان جاستىق كوكتەم ەڭ كورىكتى“، ”سەنىممەن سىرلاسۋ“ ، ”مەملەكەت تۋىمەن بىرگە سۋرەتكە ءتۇستىم“، ”وزەكتى قۇن كوزقاراسىنىڭ جارشىسى بولامىن“ سىندى ءبىر قىدىرۋ قيمىلداردى ىرىقتىلىقپەن باستاپ، ءوز ”ومىرىندەگى ءبىرىنشى تۇيمەنى دۇرىس تۇيمەلەۋى“ بارىسىندا ماڭايىنداعى ادامداردىڭ سوتسياليستىك وزەكتى قۇن كوزقاراسىن بەلسەنە جەتىلدىرۋىنە جانە امالياتتا ايگىلەۋىنە ىقپال ەتتى، تۇرتكى بولدى.

تەك بۇلار عانا ەمەس، قاراڭىز، ”انا وزەندى قورعاۋ ارەكەتى“ − ادامزاتتىڭ كوز جاسىنىڭ جەر شارىنداعى ەڭ سوڭعى ءبىر تامشى سۋعا اينالىپ قالۋىنان ساقتاندىردى، ”تاماق اسىرماۋ ارەكەتى“ − تاماقتانۋداعى ىسىراپشىلدىقتى تيدى، ”اپتاسىنا ءبىر كۇن كولىكسىز ءجۇرۋ“.... سياقتى بويىنا زور پاراسات جاسىرىنعان كىشكەنتاي جاڭالىقتار ءبارىمىزدىڭ وركەنيەت تانىمىمىزدى ۇزدىكسىز ءوسىرىپ، جۇڭگو قوعامىنىڭ وركەنيەت اياق الىسىن جەبەدى.

■ سەگىز مىڭ شاقىرىم قاندى جورىق جاساسام دا ءتۇن قاتا − كۇرەس جۇرگىزۋ ءداستۇرى

قانجاردىڭ ءجۇزى قايراسا شىعار، قارا ورىك گۇلىنىڭ ءيىسى مۇرىن جارار.

ءبىر عاسىردان بەرى، جۇڭگو جاستار قوزعالىسى اۋمالى - توكپەلى جاعدايدى باستان وتكىزدى، تالانتتىلار توپ - توبىمەن شىعىپ، ”كۇرەس جۇرگىزۋ“دىڭ ايشىقتى ءتۇپ بوياۋى باستالعاننان اياقتاعانعا دەيىن ەشقاشان دا وزگەرگەن جوق.

باسىندا كاپكى، ۇستىنە تون كيگەن، قولىندا تورموز ۇستاعان، كوز جانارى قىرانداي، تۇلعاسى اسقاق. قۇرىش ادام ۋاڭ جينشيدىڭ ەسكەرتكىش سارايىنا كىرگەن جەردە الدىمەن الىپ گرانيت ءمۇسىن كوزگە ءتۇسىپ، قۇلاعىڭا ”مۇناي جۇمىسشىلارىنىڭ اسقاق داۋىسى جەر - كوكتى ءدۇر سىلكىندىرەدى!“ دەگەن وتتى ءسوز ەستىلگەندەي بولادى، 1958 - جىلى ءدال وسىنداي رۋحپەن 35 جاستاعى ”قۇرىش ادام“ ۋاڭ جينشي جۇمىسشى سەرىكتەرىن باستاپ، ايىنا 5009 مەتر قازۋداي جىلدامدىقپەن مەملەكەت بويىنشا قۇدىق بۇرعىلاۋدىڭ ەڭ جوعارى رەكوردىن جاراتتى.

سول سياقتى ءداۋىر تولقىنىندا ەرلىكپەن سايىسقانداردان تاعى ۋاڭ چيمين، لي شينمين... سياقتى ”قۇرىش ادام رۋحى“ ءداۋىردىڭ بەلگىسى رەتىندە بۇگىنگە دەيىن جالعاسىپ كەلەدى.

1982 - جىلى حاڭجوۋ قالاسىنىڭ شياۋشانىندا وتكىزىلگەن 1000 ادامدىق جينالىستا ”اۋىل - قالاشىق كاسىپورىندارىندا كوتەرمەگە الۋ ءتۇزىمىن اتقارۋعا بولادى“ دەپ ورتالىقتىڭ رۋحى جەتكىزىلگەن كەزدە، مىنبە استىندا وتىرعانداردان بىرەۋ:”مەن كوتەرمەگە الامىن!“ دەپ ايعاي سالادى، ول كەزدە لۋ گۋانچيۋ 37 جاستا بولاتىن، قازىر ونىڭ قۇرعان ۋانشياڭ توبى دامىپ، جىلدىق تيجارات كىرىسى 100 ميلليارد يۋاننان اساتىن كاسىپورىنعا اينالدى.

”جەلگە ءمىنىپ زەڭگىر كوككە سامعايمىن، شىعانداردان وتانىمنىڭ تاۋ - سۋىنا قارايمىن“. پارتيا 18 - قۇرىلتايىنان بەرى، تيانگۇڭ، ۋكۇڭ، موزى، حۇييان سياقتى ءبىرسىپىرا ەلەۋلى عىلىم - تەحنيكا جەتىستىكتەرى ارت - ارتىنان جارىققا شىقتى، وربيتاداعى جاساندى سەرىك، جۇڭگولىقتاردىڭ اتىمەن اتانعان كىشى قىدىرما جۇلدىز سياقتى كەڭىستىكتە قالعان جۇڭگوعا ءتان ىزدەر بارعان سايىن كوبەيىپ، جۇڭگونىڭ كەڭىستىك جونىندەگى ىزدەنۋ ورەسىن ۇزدىكسىز جاڭالادى....... ماقتانارلىق وسى ناتيجەلەردىڭ ارتىندا، ءبىرىنشى شەپتەگى زەرتتەۋ - جاساۋ ۇيىرمەسىندەگى جاستار كەم بولسا بولمايتىن جاندى كۇشكە اينالدى.

كوپ جىلداردان بەرى جۇڭگو جاستار 4 - مامىر مەدالى يەگەرلەرىن باعالاۋ، جۇڭگو جاستار عىلىم - تەحنيكادا جاڭالىق اشۋ قيمىلى، مەملەكەت بويىنشا العا باسۋعا، ىزگىلىككە ۇمتىلاتىن جاقسى جاستاردى كورسەتۋ قيمىلى سياقتى جاقتاردا ءبىر توپ جاس ۇلگىلەر جارىققا شىعىپ جانە جەتىلىپ، وسى توپتىڭ تولىسۋىنا ايعاق بولدى.

بۇگىنگى ينتەرنەت ءداۋىرى جاستاردى ءتىپتى دە كوپ كۇرەس جۇرگىزۋ ورىسىنە، ءتىپتى دە كوپ تابىسقا جەتۋ مۇمكىنشىلىگىنە يە ەتتى. الدىڭعى ءبىر ينتەرنەت جەلىسى داۋىرىندە، 26 جاستاعى ديڭ لەي ۋاڭيدى، 27 جاستاعى ما حۋاتىڭ تىڭشۇندى، 32 جاستاعى جاڭ چاۋياڭ سوۋحۋدى، 35 جاستاعى ما يۇن اليبابانى... قۇردى، كەلەسى ينتەرنەت جەلىسىندە ءبىز مۇنان دا كوپ كۇرەس جۇرگىزۋشىلەردىڭ توپ جارىپ شىعاتىنىنا سەنىمىمىز كامىل.

■ گۇل بىتكەن تاۋدى وراپ قۇلپىرعاندا − ۇلەس قوسۋ رۋحىن ايگىلەدى

”قوسىن قالاعا شابۋىلدايتىن بولدى، جارىلعىش ءدارى دورباسىن ارقالاۋ ورايىنا يە بولۋ ءۇشىن، مەن جاسىمدى جاسىرىپ، الدىڭعى شەپتە پارتياعا مۇشە بولىپ قابىلداندىم. اتويشى قوسىنعا كىرۋ، جارىلعىش ءدارى دورباسىن ارقالاۋ تەك كوممۋنيستەرگە عانا ءتان ’ەرەكشە ۇقىق‘بولاتىن“. مىنە بۇل ءبىر ساقا قىزىل ارميا جاۋىنگەرىنىڭ پارتياعا كىرۋدەگى العاشقى ماقساتى جونىندە ايالداعاندا ايتقان جۇرەك ءسوزى، وسى ءبىر جاي سوزدە وتانعا، حالىققا دەگەن قالتقىسىز سۇيىسپەنشىلىك قامتىلىپ جاتىر.

ناتيجەنىڭ ماعان جازىلۋى قاجەت ەمەس، ءبىراق ۇلەس قوسۋدا، ءسوز جوق، مەن بولۋىم كەرەك.

جاقىندا عانا وتكەن 2019 - جىلى 3 - ايدىڭ 31 - كۇنى − شەكسىز قاسىرەتكە باتقان ءبىر كۇن: لياڭشاندا ءورت ءسوندىرۋشى قاھارماندار مىندەت اتقارۋ بارىسىندا ەرلىكپەن قۇربان بولىپ، دۇنيە جۇزىنە ەڭ سوڭعى ”ەڭ تاماشا قارسى بەتتەۋ“ قالدىرىپ كەتتى.

بەيبىت زاماندا جاستاردى نەگىزگى تۇلعا ەتكەن ءورت ءسوندىرۋ، ورتتەن ساقتانۋ جانە قوعام حاۋىپسىزدىگى قوسىنى قۇرباندار ەڭ كوپ بولاتىن توپ، ولار جاڭا داۋىردەگى ەڭ سۇيىكتى ادامدار ەكەنىن ەسىمىزدە بەرىك ساقتايىق.

انحۇي ولكەسىنىڭ جينجايىندا ”مەن وقۋ وقيمىن“ دەگەن مولدىرەگەن بوتا كوزدەر ادامداردىڭ اۋىل - قىستاقتارداعى وقۋدان قول ۇزگەن وسپىرىمدەرگە دەگەن نازارىن اۋداردى ءارى بۇكىل ەل حالقىنىڭ ءۇمىت قۇرىلىسىنا دەگەن نازارىن اۋداردى. 2018 - جىلعا دەيىن مەملەكەت بويىنشا ءۇمىت قۇرىلىسىنا 15 ميلليارد 23 ميلليون يۋان جىلۋ اتالدى، 5 ميلليون 949 مىڭ قيىنشىلىعى بار وقۋشىعا قارجىلاي كومەك كورسەتىلدى، 20 مىڭ 110 ءۇمىت باستاۋىش مەكتەبى، 6236 ءۇمىت اسحاناسى، 31 مىڭ 109 ءۇمىت ينجەنەرياسى كىتاپحاناسى كومەكپەن سالىندى، 114 مىڭ 306 وقىتۋشى باۋلىندى.

مۇنان دا ماڭىزدىسى، ءۇمىت ينجەنەرياسى ىزگىلىك رۋحىنىڭ توزعاناقتىڭ تۇقىمى سياقتى جەلمەن بىرگە شار تاراپقا شاشىلۋىنا، قوعامنىڭ تۇكپىر - تۇكپىرىنە تامىر تارتۋىنا جەتەكشىلىك ەتتى.

سۇڭ في، تۇڭعىش كەزەكتى مەملەكەتتىك ءمورال ۇلگىسى جانە ”جاڭا جۇڭگو قۇرىلعاننان بەرگى جۇڭگونى اسەرلەندىرگەن 100 تۇلعا“عا تاڭدالعان جاس ءانشى. 1994 - جىلدان 2005 - جىلعا دەيىنگى 10 نەشە جىلدا ءۇرتىس قۇنى 3 ميلليون يۋاننان اساتىن اقشالاي، زاتتاي جىلۋ اتاپ، 183 كەدەي بالاعا قارجىلاي كومەكتەسىپ، 37 جەتىم بالانى اسىراپ الدى، ال ءوزى باستان - اياق جۇپىنى تۇرمىس كەشىردى، ءتىپتى، راك اۋرۋىن ەمدەتەتىن اقشاسىن دا ساناپ وتىرىپ جىلۋ رەتىندە اتادى. اۋرۋ ونىڭ جانىن راقىمسىزدىقپەن جالماعاننان كەيىن، كوپتەگەن ادام ونىڭ تاعى ءبىر سالاۋاتىنىڭ جاس ەرىكتى ەكەندىگىن سوندا ءبىراق ءبىلدى.

بەيجيڭ وليمپيادا سپورت جارىسىنداعى ”قۇس ۇياسى ەرىكتىلەرى“، گۋاڭجوۋ ازيا سپورت جارىسىنداعى ”لۇيياڭياڭ“، نانجيڭ جاستار وليمپيادا سپورت جارىسىنداعى ”كىشكەنە كوك ليمون“، G20 باسشىلار ماجىلىسىندەگى ”كىشكەنە كوك شامگۇل“، دۇنيە جۇزىلىك ينتەرنەت جينالىسىنداعى ”كىشكەنە شىنار“... ءار جولعى كولەمدى جارىستاردا جاس ەرىكتىلەر ىقىلاستى، كاسىپتىك قىزمەت وتەۋمەن جانە جاستىقتىڭ جايناعان كۇلكىسىمەن ەڭ جارقىن كورىنىسكە اينالدى.

ستۋدەنتتەردىڭ باتىس بولىككە ەرىكتى قىزمەت وتەۋ جوسپارىنىڭ جالپىلىق اتقارىلۋ كولەمى 18 مىڭ 300 ادامعا جەتىپ، جوعارى مەكتەپتەردەن وقۋ تاۋىسقان 290 مىڭ وقۋشى ورتا، باتىس بولىكتىڭ نەگىزگى ساتىسىنا بارىپ ەرىكتى قىزمەت وتەدى، مۇنىڭ ىشىندە مەرزىمى تولىپ باتىس بولىكتىڭ نەگىزگى ساتىسىنا تامىر تارتقان جاس ەرىكتىلەر 20 مىڭ ادامنان استى. ”جىلى قىس ارەكەتى“، ”الۋان مازمۇندى دەمالىس كەزى“ قيمىلى، شەتەلگە قىزمەت وتەۋ جوسپارى، ”مۇگەدەكتەرگە كومەكتەسۋ كۇن شۋاعى ارەكەتى“ سياقتى نىساندار دابىرالى ءجۇرىلىپ، ەرىكتىلىك رۋحى ءار كاسىپ، ءار سالاداعى جاستار اراسىندا جاپىراق جايىپ ماۋەلەدى.

جاستار جۇڭگو توڭكەرىسىنىڭ، ايتسا - ايتقانداي، لاۋلاعان ۇشقىنى، جۇڭگو عيماراتىنىڭ تات باسپاس بولات شەگەسى، جۇڭگو حيكاياسىنىڭ جاستىق كوكتەم تۇسىندىرمەسى!

جاستار كوركەيسە، مەملەكەت كوركەيەدى؛ جاستار قۇدىرەتتەنسە، مەملەكەت قۇدىرەتتەنەدى. جاڭا تاراۋعا شاقىردى، باس شۋجي شي جينپيڭنىڭ جاڭا داۋىردەگى تاپسىرماسى قۇلاق تۇبىندە ۇزاق جاڭعىرىپ تۇردى: ”جاڭا داۋىردەگى جۇڭگو جاستارى باتىلدىقپەن ءداۋىردىڭ الدىڭعى لەگىندە جۇرەتىن ەكپىندىلەر، ءورىس اشۋشىلار، ۇلەس قوسۋشىلار بولىپ، جاپا - ماشاقات پەن كەدەرگىلەرگە ەش تايسالماستان قارسى ءجۇرىپ، تولقىن جارۋ بارىسىندا ءورىس اشا العا ىلگەرىلەپ، توسقاۋىل - بوگەتتەردى جارىپ ءوتۋ بارىسىندا بايتاق كەڭىستىك اشىپ، قامال الىپ، قيىنشىلىقتى جەڭۋ بارىسىندا ناتيجە جاراتىپ، جاستىق كوكتەمدەرىمەن جانە قان - تەرلەرىمەن دۇنيە ءجۇزىن جالت قاراتاتىن جاڭا كەرەمەتتەر جاساۋ كەرەك!“

وتكەن 100 جىلدا ءبىز ۇلت تاۋەلسىزدىگىن، حالىق ازاتتىعىن جانە مەملەكەتتىڭ بايىپ، قۇدىرەتتەنۋىن، حالىقتىڭ باقىتىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي نىق قاداممەن ىلگەرىلەپ بارامىز...

جاڭا داۋىردە ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن، جاڭا جۇڭگو قۇرىلعاندىعىنىڭ 100 جىلدىعىن قارسى الامىز... 2035 - جىلى سوتسياليستىك وسىزاماندانۋدى نەگىزىنەن جۇزەگە اسىرامىز؛ وسى عاسىردىڭ ورتا شەنىندە باي، قۇدىرەتتى، دەموكراتيالى، وركەنيەتتى، جاراسىمدى، كوركەم سوتسياليستىك وسىزاماندانعان قۇدىرەتتى ەل قۇرامىز... مىنە وسىلاردىڭ بارلىعى جاڭا داۋىردەگى جاستاردىڭ قولىندا شىندىققا اينالادى.

جاستىق ورال عاسىر بويى پارتياعا شىقتى، جاڭا داۋىرگە ۇلەس قوسۋعا بەل بۋدى. بۇگىن ءبىز ءارقانداي تاريحي كەزەڭمەن سالىستىرعاندا، جۇڭگو ارمانىن جۇزەگە اسىرۋعا اناعۇرلىم جاقىنداي تۇستىك، وسى ارماندى جۇزەگە اسىرۋعا سەنىمىمىز كامىل، قابىلەت - قۋاتىمىز دا جەتەدى. بۇگىن ءارقانداي تاريحي كەزەڭمەن سالىستىرعاندا، سەنىمىمىز اناعۇرلىم نىعايىپ، جىگەرىمىز اناعۇرلىم اسقاق بولا ءتۇستى!