جۋىردا، كوپ جەرلەردە قورشاعان ورتادان، زاتتاردىڭ بەتىنەن جاڭا تيپتى ايدارشا ۆيرۋستى تەكسەرۋ ناتيجەسى بولىمدى بولىپ شىققان، جۇڭ نانشان اكادەميك ايتقان «قورشاعان ورتادان ادامعا جۋعۋ» ماسەلەسىنەن ساقتانۋ ءۇشىن، قورشاعان ورتانى زارارسىزداندىرۋدان سىرت، قولدى ءجيى جۋۋدى ەستە بەرىك ساقتاۋ كەرەك. كوپتەگەن ادامدار قولدى زارارسىزداندىرۋ سۇيىقتىعىن الا جۇرەدى، قاجەت بولعان جاعدايدا، ءارقانداي ۋاقىتتا قولدى زارارسىزداندىرىپ وتىرادى. الايدا، ءمان بەرۋگە تاتيتىنى، تازا سۋ مەن سابىن ارقىلى قول جۋۋدىڭ ورنىن زارارسىزداندىرۋ سۇيىقتىعىمەن قول جۋۋ باسا المايدى، قولدى تازا سۋمەن جۋۋ — قولعا جابىسقان ۆيرۋس سىندى ميكرو ورگانيزمدەردى تازارتۋدىڭ ەڭ تاماشا ءتاسىلى. سپيرت قۇرامى بار قولدى زارارسىزداندىرۋ سۇيىقتىعى بىزگە بەلگىلى بولعان باسىم كوپ سانداعى اۋرۋ قاينارىندىق ميكرو ورگانيزمدەردى جويا العانىمەن، قولدى تازارتا المايدى، ونىڭ ۇستىنە، مۇشكىل ۇرشىقشا باكتەرياسى، جاسىرىن سپورا، نورو ۆيرۋسى، ءىشىنارا ىشەك جولى ۆيرۋسى قاتارلىلارعا ءونىمسىز، سوندىقتان، قولدى جۋۋ توتەنشە ماڭىزدى.
كەي جاعدايلاردا، قولدى سابىنداپ، تازا سۋمەن جۋۋدان جاقسى امال جوق: 1. اس دايىنداۋدان بۇرىن، اس دايىنداۋ بارىسىندا جانە ودان كەيىن؛ 2. تاماق جەۋدىڭ الدى – ارتىندا؛ 3. قۇسقان، ءىشى وتكەن ناۋقاستى كۇتىمدەۋدىڭ الدى – ارتىندا؛ 4. جارانى ەمدەۋدىڭ الدى – ارتىندا؛ 5. دارەتكە وتىرۋدىڭ الدى – ارتىندا؛ 6. نارەستەنىڭ جايالىعىن اۋىستىرعان سوڭ جانە دارەتكە وتىرعان بالانىڭ دارەتىن جۋعاننان كەيىن؛ 7. حايۋاناتتارعا، حايۋاناتتاردىڭ جەم – شوبىنە نەمەسە حايۋاناتتاردىڭ نەسەبىنە، دايراعىنا قول تيگەن جاعدايدا؛ 8. ەرمەك حايۋاننىڭ تاماعىن ءبىرجاقتىلى ەتكەن سوڭ؛ 9. قوقسىق نەمەسە حيميالىق ونىمدەرگە قول تيگىزگەن سوڭ؛ 10. قول كورنەكتى تۇردە بىلعانعاندا نەمەسە ماي بولعان كەزدە؛ 11. كلوستريدي تاياقشا باكتەرياسى، نورو ۆيرۋسى، جاسىرىن سپورا، ءىشىنارا ىشكە جولى ۆيرۋسى قاتارلى پارىقتاۋعا قيىن ۆيرۋستارمەن جۇعىمدالعان ناۋقاستارمەن ۇشىراسقان سوڭ قول جۋۋ كەرەك. ەگەر ماڭايدان سابىن جانە سۋ تابىلماسا، الدىمەن سپيرت قۇرامى كەمىندە %60 تەن اساتىن قول جۋۋ سۇيىقتىعىمەن قول جۋۋ ءارى دەر كەزىندە سابىن مەن تازا سۋ تاۋىپ قول جۋۋ كەرەك.
ەمحانا جانە ەمدەۋ – كۇتىمدەۋ ورنىنداعى دوس – جاران، تۋىس – تۋعاندارعا امانداسا بارعان جاعدايدا، سابىن مەن سۋدىڭ ورنىنا قول جۋۋ سۇيىقتىعىمەن قول جۋۋعا بولادى. الايدا، مىناعان كوڭىل ءبولۋ قاجەت: ەرەسەك ادام قول جۋۋ سۇيىقتىعىنان كەمىندە 3 گرام ىستەتۋى كەرەك، ەسەپتەۋگە قاراعاندا، قول جۋۋ سۇيىقتى قۇمىراسىنىڭ ناسوسىن ەكى رەت باسقان كەزدە، ىلمە فورماداعى قول جۋۋ سۇيىقتىعىنىڭ كنوپكاسىن ەكى رەت باسقان كەزدە وسى مولشەردەگى سۇيىقتىقتى الۋعا بولادى. (بەيجيڭ قالاسى شيەحى ەمحاناسى جۇقپالى ىشكى اۋرۋلار ءبولىمىنىڭ ورىنباسار مەڭگەرۋشىسى، مەڭگەرۋشى شيپاگەر ما شياۋجۇن)
http://kazakh.people.com.cn/15836303.html
