شينحۋا اگەنتتىگىنىڭ 1 – ايدىڭ 9 – كۇنى بەيجيڭنەن بەرگەن حابارى. جۇرتشىلىقتىڭ جاڭا تيىپتى ايدارشا ۆيرۋس ۆاكسيناسىن ەكتىرۋدەگى اقى ماسەلەسىنە قاراتا، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ بەدەلدى جاۋابى: جاعدايدان حاباردار بولۋ، ەرىكتى بولۋ العى شارتىندا، تۇرعىنداردىڭ جاڭا تيپتى ايدارشا ۆيروس ۆاكسيناسىن ەكتىردەن پايدا بولعان ۆاكسينا قاراجاتى مەن ەگۋ قىزمەت وتەۋ قاراجاتىن ەمدەۋ قامسىزداندىرۋ قورى مەن قازىنا ورتاق كوتەرەدى، جەكەلەر كوتەرمەيدى.
«يممۋنيتەتتىك قالتقىنى قۇرۋ ءۇشىن ادامدار اراسىندا نەداۋىر سالىستىرمادا ۆاكسينا ەگۋ قاجەت، سوندىقتان ۆاكسينا ەگۋگە قاجەتتى قاراجات ماسەلەسىن ەرەكشە شارالار قولدانۋ ارقىلى شەشۋ قاجەت.» مەملەكەتتىك ەمدەۋ قامتاماسىزداندىرۋ مەكەمەسىنىڭ ورىنباسار باستىعى لي تاۋ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جونىندەگى اقپار جاريالاۋ ماجىلىسىندە بىلاي دەدى: قازىر ٴبىز قاتىستى تاراۋلارعا سايكەسىپ، ۆاكسينانىڭ قوسىمشا شارت - جاعدايى بازارعا سالىنعاننان كەيىن، ۆاكسينا ەگۋ قاراجاتىن قامتاماسىزداندىرۋدىڭ ەگجەي - تەگجەيلى جۇمىس جوباسىن جاساپ جاتىرمىز.
لي تاۋ بىلاي دەدى: نەگىزگى ەمدەلۋدى قامسىزداندىرۋ قورىن اينالمالى ساقتاۋ جانە قازىنا قارجىسى ارقىلى جاڭا تيىپتى ايدارشا ۆيرۋس ۆاكسيناسى مەن ونى ەگۋ قاراجاتىن ورتاق كوتەرەدى، بۇل سول مەزگىلدەگى ەمدەلۋدى قامسىزداندىرۋ قورىنىڭ كىرىس - شىعىسىنا ىقپال جاسامايدى، بۇقارانىڭ اۋرۋ كورسەتۋ، ەمدەلۋ يگىلىگىنە دە ىقپال جاسامايدى. ۇزاق بولاشاقتان الىپ قاراعاندا، جالپى حالىققا اقىسىز ۆاكسينا ەگۋدى جولعا قويۋ، يممۋنيتەتتىك قالتقىنى تەز ورناتىپ، قالىپتى ٴوندىرىس، تۇرمىس ٴتارتىبى مەن ەكونوميكانىڭ، قوعامنىڭ اقاۋسىز دامۋىن قورعاۋعا پايدالى، سول ارقىلى ەمدەۋ قامسىزداندىرۋ قورىنىڭ ۇزاق ۋاقىت باياندى اينالىمىن ونان ارى جەبەيدى.
2020 - جىلى 12 – ايدىڭ 15 - كۇنى باستالعان وسى كەزەكتى ٴتۇيىندى ادامدار توبىنا جاڭا تيىپتى ايدارشا ۆيروس ۆاكسيناسىن ەگەۋ جونىندە مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى زىڭ يشين تانىستىرىپ بىلاي دەدى: ٴبىز جەر - جەردەن نۋكلەين قىشقىلى بويىنشا «تەكسەرۋگە تيىستىلەرىن تۇگەل تەكسەرۋ» ۇلگىسى بويىنشا، ٴار دارەجەلى ۇكىمەتتەر ۇيىمداستىرىپ جانە قاراجات ورنالاستىرىپ قامتاماسىز ەتۋ ارقىلى جاڭا تيپتى ايدارشا ۆيروس ۆاكسيناسىن ەگۋدە جەكەلەر ۆاكسينانىڭ وزىندىك قۇنى مەن ەگۋ اقىسىن ۇستىنە المادى.
«جاڭا تيپتى ايدارشا ۆيرۋس ۆاكسيناسىنىڭ باعاسىن بەلگىلەۋ مەن جالپى حالىققا تەگىن ەگۋ قايشىلىقتى ەمەس.» مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى عىلىمي زەرتتەۋ، قامال الۋ گرۋپپاسى ۆاكسينا زەرتتەپ اشۋ ارناۋلى قىزمەت گرۋپپاسىنىڭ باستىعى جىڭ جۇڭۋەي بىلاي دەدى: كاسىپورىندار جاڭا ٴتيىپتى ايدارشا ۆيرۋس ۆاكسيناسىنىڭ الەۋمەتتىك ٴونىمىنىڭ سيپاتىنا نەگىزدەلىپ، وزىندىك قۇن بويىنشا باعا بەلگىلەگەندە، ۇكىمەتتىڭ قاتىستى تاراۋلارى دا سايكەستى ٴتارتىپ جانە باعا بويىنشا كاسىپورىنداردان ساتىپ الادى، جالپى حالىققا تەگىن ەگىلەدى.
زىڭ يشين بىلاي دەدى: تاياۋدا حىبەيدا بايقالعان ىندەت جاعدايى مىنانى ءبىلدىردى: ىندەتتەن ساقتانۋ جانە ونى تىزگىندەۋ جاعدايى ءالى دە كۇردەلى، مىندەت ەرەكشە اۋىر، «سىرتتان كىرۋدەن ساقتانۋ، ىشتە قايتار ورشۋدەن ساقتانۋدىڭ» قىسىمى ءالى دە اۋىر.
http://kazakh.people.com.cn/155419/15834859.html
