جاڭا تيپتى ايدارشا ۆيرۋس ۆاكسيناسىن زەرتتەۋ جاعدايى مەن ۆاكسينا ەگۋ جاعدايىن تانىستىردى (مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ءماجىلىسى)

　　12 –ايدىڭ 21 – كۇنى مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ اقپار جاريالاۋ ماجىلىسىندە، مەملەكەتتىك دەنساۋلىق ساقتاۋ – سالاماتتىق كوميتەتىنىڭ مالىمدەمەشىسى مي فىڭ بىلاي دەپ تانىستىردى: جۋىردا، ەلىمىز توڭازىتىلعان زاتتاردى يمپورت ەتۋ، كەدەندەگى تەكسەرۋ – كارەنتيندەۋ، شيكى ونىمدەر بازارى، قاتىناس – تاسىمال، ەمدەۋ جانە اۋرۋدان ساقتانۋ - تىزگىندەۋ قاتارلى قىزمەتتەرمەن شۇعىلداناتىن ءىشىنارا ءتۇيىندى توپتارعا جاڭا تيپتى ايدارشا ۆيرۋس ۆاكسيناسىن ەگۋ قىزمەتىن ورىستەتەدى.

　　ەلىمىز تەحنيكالىق 5 ءتۇرلى لەنيانى ورنالاستىرىپ، ۆاكسينانى زەرتتەۋ قىزمەتىن ءبىر ۋاقىتتا ىلگەرىلەتتى. دۇنيە جۇزىلىك دەنساۋلىق ساقتاۋ ۇيىمىنىڭ 12 – ايدىڭ 2 – كۇنىنە دەيىنگى ساناعىنا قاراعاندا، ەلىمىزدە قازىر 15 ءتۇرلى ۆاكسينا كلينيكالىق سىناق كەزەڭىنە وتكەن، مۇندا 5 ءتۇرلى ۆاكسينا Ⅲ مەرزىمدىك كلينيكالىق سىناق كەزەڭىنە قادام تاستاپ، كلينيكالىق سىناق كەزەڭىنە وتكەن ۆاكسينالار ەلىمىز ورنالاستىرعان بارلىق تەحنيكالىق لەنيالاردى قامتىعان. مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى عىلىمي زەرتتەۋدە قامال الۋ گرۋپپاسى زەرتتەۋ ارناۋلى كلاسى قىزمەت گرۋپپاسىنىڭ باستىعى، مەملەكەتتىك دەنساۋلىق ساقتاۋ – سالاماتتىق كوميتەتى ەمدەۋ – ءدارى دارمەك، دەنساۋلىق ساقتاۋ جاعىنداعى عىلىم – تەحنيكالاردى زەرتتەۋ ورتالىعىنىڭ مەڭگەرۋشىسى جىڭ جۇڭۋەي بىلاي دەدى: «دۇنيە ءجۇزى بويىنشا، Ⅲ مەرزىمدىك كلينيكالىق سىناق مەرزىمىنە وتكەن ۆاكسينالار ىشىندە ەلىمىزدىڭ ۆاكسينالارى ەڭ كوپ، ەلىمىز جاڭا تيپتى ايدارشا ۆيرۋس ۆاكسيناسىن زەرتتەۋدە دۇنيە ءجۇزىنىڭ ءبىرىنشى قاتارىندا كەلە جاتىر».

　　جىڭ جۇڭۋەي مىنانى ءبىلدىردى: جاڭا تيپتى ايدارشا ۆيرۋس ۆاكسيناسىن شۇعىل قولدانۋ بارىسىندا، ۆاكسينا ەكتىرگەن 60 مىڭنان استام ادام شەتەلدەگى حاۋىپ – قاتەرى جوعارى وڭىرلەرگە بارعان، اۋىر دارەجەدە جۇعىمدالعاندار جونىندە مالىمەت الىنعان جوق. ۆاكسينانىڭ ونىمدىلىگىنە قاتىستى ساندى دەرەكتەر جونىندە، Ⅲ مەرزىمدىك كلينيكالىق سىناقتىڭ سوڭعى تۇيىنىندەگى نەمەسە ورتا مەزگىلىندەگى ناتيجەسىنە ساراپتاۋ جۇرگىزۋدى توسۋ قاجەت. الايدا، Ⅰ مەرزىمدىك، Ⅱ مەرزىمدىك كلينيكالىق سىناق ساندى دەرەكتەرى ءبىرقىدىرۋ ءونىمدى قوسىمشا كورسەتكىشتەرمەن قامدادى، مىسالى، بەيتاراپ انتيدەنە قاتارلىلار، ەلىمىزدىڭ جاڭا تيپتى ايدارشا ۆيرۋس ۆاكسيناسىنىڭ ءبىرشاما جاقسى حاۋىپسىزدىككە جانە ونىمدىلىككە يە ەكەنىن ايگىلەدى.

　　جۇڭگو اۋرۋدان ساقتانۋ – تىزگىندەۋ ورتالىعى يممۋنيتەت جوسپارى باس مامانى ۋاڭ حۋاچيڭ ۆاكسينانى ەككەننەن كەيىن ونىڭ رول اتقارۋىنداعى يممۋنيتەتتىك زاڭدىلىقتاردى ەگجەي – تەگجەيلى تانىستىردى: جاڭا تيپتى ايدارشا ۆيرۋس ۆاكسيناسى شابۋىلداعان اۋرۋ قوزدىرعىشتاردى ەرەكشەلەپ تانىپ، يممۋنيتەتتىك ەستە ساقتاۋ قالىپتاستىرادى، وسى تەكتەس اۋرۋ قوزعىرعىشتارعا كەزدەسكەندە دەرەۋ انتيدەنە قالىپتاستىرىپ، اۋرۋ قوزدىرعىشتى جويىپ، ساقتانۋ ونىمدىلىگىنە قول جەتكىزە الادى.

http://kazakh.people.com.cn/306614/15833404.html