1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

العا! ەلىمىزدە 5 ءتۇرلى جاڭا تيپتى ايدارشا ۆيرۋس ۆاكسيناسى Ⅲ كەزەڭدەگى كلينيكالىق تاجىريبەگە ەنگىزىلدى

日期:2020年12月17日
来源:人民网
【字体:

  شينحۋا اگەنتتىگىنىڭ 12 – ايدىڭ 16 – كۇنى بەيجيڭنەن بەرگەن حابارى. « ەلىمىزدە قازىر 5 ءتۇرلى جاڭا تيپتى ايدارشا ۆيرۋس ۆاكسيناسى Ⅲ كەزەڭدەگى كلينيكالىق تاجىريبەگە ەنگىزىلدى، سانى جاعىنان الەمدە الدىڭعى ورىندا تۇر.» مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ عىلىمي زەرتتەۋدە قامال الۋ گرۋپپاسىنىڭ ۆاكسيناسىن زەرتتەپ اشۋ ارناۋلى توبى ماماندار گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتى ءدارى – دارمەك، دەنساۋلىق ساقتاۋ عىلىم – تەحينكاسىن دامىتۋدى زەرتتەۋ ورتالىعىنىڭ مەڭگەرۋشىسى جىڭ جۇڭۋەي بىرنەشە كۇننىڭ الدىندا شينحۋا اگەنتتىگىنىڭ ءتىلشىسىنىڭ ارناۋلى سۇحباتىن قابىلداعاندا بىلاي دەدى: «ۆاكسينانى زەرتتەپ اشۋ ۇمتىلۋ كەزەڭىنە ٶتتى، ءبىز قازىر الەم بويىنشا ءبىرىنشى قاتاردا تۇرمىز، ءبىراق ءبىرىنشى بولۋ ءۇشىن جانتالاسپايمىز.»

  جىڭ جۇڭۋەي بىلاي دەدى: ءبىر ۆاكسينانى باعالاۋدا ٵر ءتۇرلى اممەباپ كورسەتكىشكە قاراۋ قاجەت، مۇنىڭ ىشىندە حاۋىپسىزدىگى، ونىمدىلىگى، قول جەتىمدىلىگى، جاۋاپكەرشىلىگى ەڭ ماڭىزدى. «ءبىز كەڭ كولەمدى وندىرۋگە دايىندالىپ جاتىرمىز.»

  ۇعىسۋعا قاراعاندا، ىندەت تۋىلعاننان بەرى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ عىلىمي زەرتتەۋدە قامال الۋ گرۋپپاسىنىڭ ۆاكسيناسىن زەرتتەپ اشۋ ارناۋلى توبىنىڭ ماماندار گرۋپپاسى قاتىستى جاقتارمەن بىرلىكتە سوعىستىق كۇي بويىنشا ۆاكسينانىڭ ٵرقايسى جاقتارداعى قىزمەتىن ىلگەرىلەتتى، عىلىمي زەرتتەۋ قىزمەتكەرلەرى ۋاقىتپەن جارىسىپ، قامال الۋعا قۇلشىندى. قازىر 5 ءتۇرلى تەحينكا جولى 15 ءتۇرلى ۆاكسينانى كلينيكالىق تاجىريبەگە ەنگىزدى.

  قاتىستى جاقتار عىلىمي، قاتاڭ تۇردە جاڭا تيپتى ايدارشا ۆيرۋس ۆاكسيناسىن Ⅲ كەزەڭدەگى كلينيكالىق تاجىريبەگە ەنگىزۋدى ىلگەرىلەتۋدە، قاتاڭ زاڭ – ەرەجەلەر مەن حالىقارا مويىندايتىن تەحنيكالىق ولشەم ارقىلى باعالاۋ – بەكىتۋ قىزمەتتەرىنە دايىندالىپ، ىندەت ۆاكسيناسىنىڭ حاۋىپسىز، ٶنىمدى بولۋىنا، ٵرقايسى جاقتاردىڭ سارالاۋىنا توتەپ بەرۋىنە، تاريحتىڭ سىنىنا توتەپ بەرۋىنە كەپىلدىك ەتتى.

  Ⅲ كەزەڭدەگى كلينيكالىق تاجىريبەگە ەنگىزىلگەن ۆاكسينا مەملەكەتتىك ءدارى – دارمەك توبى جۇڭگو بيولوگياسىنىڭ 2 ءتۇرلى جويعىش ۆاكسيناسى، بەيجيڭ كىشيڭ جۇڭۋەي سەرىكتەستىگىنىڭ ءبىر جويعىش ۆاكسيناسى، اسكەري ىستەر مەديتسينا زەرتتەۋ اكادەمياسى مەن كاڭشينو سەرىكتەستىگى بىرلەسىپ زەرتتەپ جاساعان بەز ۆيرۋس تاسىمالداۋشى دەنە ۆاكسيناسى، جۇڭگو عىلىم – تەحنيكا اكادەمياسى مەن جىفەي بيولوگيا سەرىكتەستىگى بىرلەسىپ زەرتتەپ جاساعان قايتا قۇراستىرىلعان بەلوك ىندەت ۆاكسيناسى.

  جاڭا تيپتى ايدارشا ۆيرۋس وكپە قابىنۋ ىندەتى ەلىمىزدە ٶنىمدى تىزگىندەلگەندىكتەن، ەل ءىشى الدە قاشان Ⅲ كەزەڭدەگى كلينيكالىق تاجىريبە شارت – جاعدايىن ازىرلەي الماي قالدى، سوندىقتان Ⅲ كەزەڭدەگى كلينيكالىق تاجىريبە نەگىزىنەن شەتەلدە جۇرگىزىلەتىندىكتەن، ءىشىنارا قيندىقتار مەن سايىستارعا ءدوپ كەلىپ وتىر.

  مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ وسىنىڭ الدىندا جاريالاعان حابارىنا قاراعاندا، ەلىمىز جاڭا تيپتى ايدارشا ۆيرۋس وكپە قابىنۋ ۆاكسيناسىن شۇعىل قولدانۋدى 6 – ايدان باستاعان.

http://kazakh.people.com.cn/306614/15833042.html