قارتتاردىڭ زەردەلى تەحنيكادان پايدالانۋ جاعىنداعى قيىنشىلىقتارىن شەشىم ەتۋ، قارتتاردىڭ زەردەلى قوعامعا اناعۇرلىم ويداعىداي سايكەسۋىن جانە توعىسۋىن ىلگەرىلەتۋ ءۇشىن، مەملەكەتتىك كەڭەس كەڭسە مەڭگەرمەسى جۋىردا «قارتتاردىڭ زەردەلى تەحنيكادان پايدالانۋ جاعىنداعى قيىنشىلىقتارىن شىنايى شەشىم ەتۋ جونىندەگى اتقارىلاتىن جوبانى» باسىپ جاريالاپ، قارتتاردىڭ كۇندەلىكتى تۇرمىسىنا ساياتىن ءجۇرىس – تۇرىس، ەمدەلۋ، تۇتىنۋ، كوڭىل اشۋ، جۇمىس ءبىتىرۋ قاتارلى 7 ءتۇرلى ءجيى كەزدەسەتىن جۇمىس پەن قىزمەت وتەۋ جاعدايىنا نازاردى شوعىرلاندىرىپ، 20 ءتۇرلى ناقتى شارا مەن تالاپتى ورتاعا قويدى.
بۇل شارالاردىڭ ءاربىر تارماعى حالىقتىڭ تىلەگىنەن شىعىپ، جۇرت جۇرەگىن جىلىتتى. مىسالى، «دەنساۋلىق كودىن» باسقارۋدى كەمەلدەندىرىپ، قارتتاردىڭ ءجۇرىس – تۇرىسىنا قولايلى ەتۋ، جولاۋشى تاسىمالىنا قاتىستى الاڭ – بەكەتتەردەگى ادام كۇشىمەن قىزمەت وتەۋدىڭ ساپاسىن جوعارىلاتىپ، ەمدەلۋدە ءتۇرلى جولدارمەن ءنومىر الۋ قاتارلى قىزمەت وتەۋمەن قامداۋ، ءداستۇرلى فينانستىق قىزمەت وتەۋ تاسىلدەرىن ساقتاۋ، اكىمشىلىك قىزمەت وتەۋدە، ءسوزسىز، ينتەرنەتتەن تىس جۇمىس ءبىتىرۋ جولدارىن قۇرۋ، ينتەرنەتتىڭ قارتتاردىڭ پايدالانۋىنا ۇيلەسىمدى بولۋىن ىلگەرىلەتۋ قاتارلىلار قارتتاردىڭ تۇرمىسىنىڭ ءتۇرلى جاقتارىنا سايىپ، قارتتاردىڭ قولدانىلمالى زەردەلى تەحنيكادان اناعۇرلىم ويداعىداي پايدالانۋىنا، ەكونوميكا مەن قوعام دامۋىنىڭ جەتىستىكتەرىنەن اناعۇرلىم تولىق يگىلىكتەنۋىنە شارت – جاعداي جاراتىپ، كەدەرگىلەردى الاستادى.
اماليات: «جاڭا تەحنيكا» مەن «بۇرىنعى ادىستەردى» قاتار قولدانۋعا بولاتىندىعىن دالەلدەدى، بۇل ەكەۋى ءبىر – بىرىنە قايشى كەلمەيدى. جياڭسۋ ولكەسى ۋشي پپويەز بەكەتى ۋيچات قولدانبايتىن، دەنساۋلىق كودىن پايدالانا المايتىن جولاۋشىلارعا ارناۋلى قىزمەت وتەۋ ءدالىزىن اشقان؛ حىفەيدەگى ءىشىنارا قارتتار داشۋەلەرى زەردەلى قولفوننان پايدالانۋدى ۇيرەتۋ كۋرستارىن اشىپ، قارتتاردىڭ تۇرمىستاعى كەدەرگىلەردى جەڭۋىنە كومەكتەسكەن ... جۋىردان بەرى، كوپتەگەن جەرلەر قارتتاردىڭ كۇندەلىكتى تۇرمىسىندا ءجيى ۇشىرايتىن جاعدايلارعا بايلانىستىرا وتىرىپ، قىزمەت وتەۋدى ناقتىلاندىرىپ، ەگجەي – تەگجەيلىلەندىرىپ، قارتتاردىڭ ينفورماتسيالانعان دامۋ بارىسىندا اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا شارت – جاعداي ازىرلەدى.
ەلىمىزدىڭ قارتتانعان قوعامعا اياق باسۋىنا بايلانىستى، قارتتاردىڭ سيفرلانعان داۋىردە ەلەۋسىز قاراۋعا بولمايتىن اسا زور ينتەرنەت قولدانۋشىلار شوعىرىنا اينالىپ كەلە جاتقانىن كورە ءبىلۋىمىز كەرەك. قارتتاردىڭ سيفرلانعان تۇرمىسقا بەلسەندى اتسالىسۋىنا كومەكتەسۋ جان سانىنىڭ قارتتانۋى ماسەلەسىنە توتەپ بەرۋدە اتقارۋعا ءتيىستى بورىشىمىز بولىپ تابىلادى.
http://kazakh.people.com.cn/306614/15832514.html
