12 – ايدىڭ 2 – كۇنى، «قانداۋىر ۋاقىتتى كەرى ساناۋىنىڭ» 2020 – جىلعى مالىمەتىن جاريالاۋ ءماجىلىسى بەيجيڭدە وتكىزىلدى. بۇل رەتكى جاريالاۋ ماجىلىسىنە «قانداۋىر ۋاقىتتى كەرى ساناۋى» ۇجىمى جەتەكشىلىك ەتكەن، «قانداۋىر ۋاقىتتى كەرى ساناۋى» ازيا ورتالىعى وتكىزگەن، چيڭحۋا داشۋەسىنىڭ جەر جۇيەسى تۋرالى عىلىم فاكۋلتەتى سايكەسىپ وتكىزگەن، ماجىلىستە ەكى مالىمەت — «2020 – جىلعى قانداۋىر ۋاقىتتى كەرى ساناۋى دۇنيە جۇزىلىك مالىمەتى» جانە تۇڭعىش رەتكى «قانداۋىر ۋاقىتتى كەرى ساناۋى جۇڭگو مالىمەتى» جاريالاندى.
جۋىرداعى ون جىلدان بەرى، دۇنيە ءجۇزى كليماتىندا جىلىنۋ بەتالىسى جارىققا شىقتى، بۇل ادامداردىڭ دەنساۋلىعىنا اسا زور ىقپال جاسادى. وسىنداي جاعدايدا، 2015 – جىلدان بەرى، دۇنيە جۇزىندەگى 30 نەشە عىلىمي قۇرىلىمداعى 120 نەشە مامان بىرگە ورىنداعان «قانداۋىر ۋاقىتتى كەرى ساناۋى مالىمەتى» جۇرت نازارىن كەڭ كولەمدە اۋداردى.
وسى رەت جاريالانعان «قانداۋىر ۋاقىتتى كەرى ساناۋى جۇڭگو جونىندەگى مالىمەتىن» ەل ءىشى – سىرتىنداعى 19 ماڭداي الدى عىلىمي قۇرىلىمداعى 70 نەشە مامان بىرگە جازىپ شىققان، ولار 30 عا جۋىق كورسەتكىشتە تۋىلعان وزگەرىستەردىڭ ىزىنە ءتۇسۋ ارقىلى، كليمات وزگەرىسىنىڭ جۇڭگونىڭ ءارقايسى ولكەلەرىندەگى ادامداردىڭ دەنساۋلىعىنا جاساعان ىقپالىن اشىپ كورسەتتى. سونىمەن بىرگە، باياندامادا جۇڭگونىڭ كليمات وزگەرىسىن باسەڭدەتۋ ءۇشىن اتقارعان ارەكەتتەرىنەن، سونداي – اق، بۇل ارەكەتتەردىڭ جۇرتتىڭ دەنساۋلىعىنا جەتكىزگەن پايداسىنان ۇلگى كەلتىرىلدى.
مالىمدەمەدە مىنالار ايقىندالعان: جۇڭگونىڭ ءارقايسى ولكەلەرى كليمات وزگەرىسى سەبەبىنەن تۋىنداعان دەنساۋلىق جاعىنداعى تۇرلىشە ماسەلەلەردىڭ ىقپالىنا تۇرلىشە دەڭگەيدە ۇشىراعان. جۇڭگو دۇنيە جۇزىندەگى باسقا مەملەكەتتەرمەن بىرگە دەر كەزىندە ارەكەت قولدانىپ، كليمات وزگەرىسىنە توتەپ بەرۋى كەرەك، ۇيتپەگەندە، دۇنيە ءجۇزىنىڭ جىلىنۋى مەديتسينا جۇيەسىنە اۋىر سوققى بولىپ تيەدى ءارى جۇرتشىلىقتىڭ دەنساۋلىعىنا زيان جەتكىزەتىن بولادى.
زەرتتەۋ ارقىلى بايقاۋعا قاراعاندا، ۇكىمەت باسشىلارىنىڭ جانە بۇكىل قوعامنىڭ بىرگە ارەكەتتەنۋىنىڭ ارقاسىندا، جۇڭگو كليميات وزگەرىسىنە توتەپ بەرۋ جاعىندا ءبىرقىدىرۋ ناتيجەلەرگە قول جەتكىزىپ، كليمات وزگەرىسىنە بەلسەندى توتەپ بەرۋ ارقىلى جۇڭگوداعى جۇرتشىلىقتىڭ دەنساۋلىق ورەسىن كورنەكتى جاقسارتۋعا بولاتىنىن دالەلدەدى.
http://kazakh.people.com.cn/155425/15832084.html
