جاستىڭ ۇلعايۋىنا بايلانىستى، قارتتاردىڭ ارەكەتى باياۋلاپ، دەنەسىن تەڭگەرىمدى ۇستاۋ قۋاتى تومەندەيدى، بۇل جىعىلىپ قالۋ حاۋپىن ارتتىرادى. قارتتار تۇرمىس ورتاسىنا وزگەرىس ەنگىزۋى ءارى بىرنەشە ءتۇيىندى كەزدە «ءبىر ورىندا وتىرۋدى» ادەتكە اينالدىرعانى جون، وسى ارقىلى جىعىلىپ قالۋدان ساقتانىپ، ءوزىنىڭ حاۋىپسىزدىگىنە كەپىلدىك ەتە الادى.
كيىم الماستىرعان كەزدە وتىرىپ الماستىرعانى ءجون. قارتتاردىڭ دەنەنى تەڭگەرىمدى ۇستاۋ قۋاتى تومەندەپ، بۇلشىق ەتتەرى بوساڭسىپ، بۋىن قىزمەتى السىرەپ، يكەمسىزدەنىپ، ارەكەتى باياۋلايتىندىقتان، تۇرەگەلىپ تۇرىپ كيىم نەمەسە اياق كيىم كيگەندە، دەنە مۇشەلەرىن ءونىمدى سايكەستىرە الماي، وڭاي جىعىلىپ قالۋى مۇمكىن. قارتتار كيىم الماستىرعان كەزدە كيىم ىشكابى مەن اياق كيىم ىشكابىنىڭ الدىنا بيىكتىگى ۇيلەسىمدى ءارى ورنىقتى ورىندىق قويىپ، كيىم الماستىرعان كەزدە ورىندىققا وتىرىپ، دەنەنىڭ سالماعىن بەلگە نەمەسە دەنە تۇلعاسىنا تۇسىرگەنى، وسى ارقىلى دەنەنى تەڭگەرىمدى ۇستاي الماي جىعىلىپ قالۋدان ساقتانعانى ابزال.
وتىرىپ دارەت العانى ءجون. قارتتاردىڭ ءبىرتالايىندا جوعارى قان قىسىمى، جۇرەك اۋرۋى قاتارلى سوزىلمالى اۋرۋلار بولادى، وعان قوسا كوبىنشە ءىش قاتۋ جاعدايى بايقالادى، جۇرەلەپ وتىرۋ ۋاقىتى ۇزارعان سايىن، ۇلكەن ميعا قىسقا ۋاقىت ىشىندە قان جەتىسپەۋ جاعدايى تۋىلىپ، كوز الدى قاراۋىتىپ، جىعىلىپ قالۋ حاۋپىن ارتتىرۋى مۇمكىن. سوندىقتان، قارتتار تۇراتىن ۇيدە جۇرەلەپ وتىراتىن دارەتحانانى وتىراتىن دارەت شەلەگىنە اۋىستىرۋ ارقىلى قارتتاردىڭ وتىرۋ فورماسىنىڭ وزگەرۋىنە بايلانىستى قان قىسىمىنىڭ كىلت تومەندەۋ حاۋپىنە ۇشىراۋىن باسەڭدەتۋمەن بىرگە، ولاردىڭ دەنە قۋاتىنىڭ سارىپ بولۋ مولشەرىن دە ازايتۋعا، قارتتاردىڭ دارەتكە وتىرۋ بارىسىندا جىعىلىپ قالۋ ىقتيمالدىعىن ازايتۋعا بولادى. مۇنان سىرت، ۇيدەگى دارەتحانانىڭ جانىنا سۇيەنىش ورنالاستىرىپ، قول جۋۋ بولمەسىنىڭ ەدەنىن تۇتقىر ەدەنگە الماستىرىپ، قارتتار تايعانامايتىن اياق كيىم كيگەنى ابزال.
جۋىنعان كەزدە وتىرىپ جۋىنعانى ءجون. جۋىناتىن ورىن، كوبىندە، تۇيىقتالعان ورتا بولىپ، اۋا الماسپايتىندىقتان، وتتەگىنىڭ مولشەرى ءبىرشاما از بولادى. سونىمەن بىرگە، ەگەر سۋدىڭ تەمپەراتۋراسى وتە جوعارى بولسا، تەرىنىڭ بەتكى قاباتىنداعى قان تامىرلار كەڭەيىپ، جۇرەك پەن ميعا قان جەتىسپەۋ جاعدايىنا ۇشىراتۋى مۇمكىن. بۇل فاكتورلار قارتتاردىڭ باسى اينالىپ، جىعىلىپ قالۋىن كەلتىرىپ شىعارۋى ىقتيمال. سوندىقتان، قارتتار جۋىنعان كەزدە تايعانامايتىن، ورنىقتى ورىندىققا وتىرىپ جۋىنسا، دەنە قۋاتىنىڭ سارىپ بولۋىن ازايتۋمەن بىرگە، جەردىڭ تايعاناق بولۋى سەبەپتى ابايسىزدان جىعىلىپ قالۋدان ساقتانۋعا بولادى. مونشاعا اۋا الماستىرعىش پەن تايعاناۋدان ساقتاناتىن توسەنىش سالعان ءجون.‘
http://kazakh.people.com.cn/306614/15829055.html
