كوپتەگەن قارتتار ينتەرنەتكە شىعا المايدى، زەردەلى قولفون قولدانا المايدى، زەردەلىلەندىرىلگەن قىزمەت وتەۋ الا كەلگەن قولايلىلىقتاردان يگىلىكتەنۋگە شاراسىز. مەملەكەتتىك كەڭەس كەڭسەسى جۋىردا باسىپ تاراتقان «قارتتاردىڭ زەردەلى تەحنيكادان پايدالانۋى جاعىنداعى قيىنشىلىقتارىن شىنايى شەشىم ەتۋ جونىندەگى اتقارىلاتىن پىكىردە» مىنالار ورتاعا قويىلعان: كۇندەلىكتى تۇرمىس بارىسىندا، ءسوزسىز، قارتتار قانىق بىلەتىن ءداستۇرلى قىزمەت وتەۋ تاسىلدەرى ساقتالۋى، زەردەلى تەحنيكادان پايدالانۋ بارىسىندا قيىنشىلىققا ۇشىراعان قارتتاردىڭ نەگىزدىك تالاپتارىن تولىق قامسىزداندىرۋ كەرەك.
11 – ايدىڭ 26 – كۇنى وتكىزىلگەن مەملەكەتتىك كەڭەستىڭ ساياسات جونىندەگى كەزەكتى حابارلاندىرۋ ماجىلىسىندە، مەملەكەتتىك دامىتۋ – رەفورمالاۋ كوميتەتىنىڭ باس حاتشىسى جاۋ چىنشيننىڭ تانىستىرۋىنشا، ءداستۇرلى قىزمەت وتەۋ تاسىلدەرىن ساقتاۋدىڭ ءتۇرلى فورمالارى بار. ءبىرىنشى ءتۇر، ءداستۇرلى قاعاز جۇزىندەگى ىسپات، مىسالى، ەكى ولشەمدى كودتى جايمالاي المايتىن نەمەسە جايمالاۋعا قولايسىز بولعان قارتتارعا، الەۋمەتتىك اۋماق، ەمحانا ونىڭ ءجۇرىس – تۇرىسىنا قاعاز جۇزىندە ىسپات بەرۋىنە بولادى. ەكىنشى ءتۇر، قارتتارعا ارنالعان قىزمەت وتەۋ ءدالىزىن اشۋ، نەگىزىنەن دەنساۋلىق كودىن كورسەتۋدى تالاپ ەتپەيتىن ءدالىزدى كورسەتەدى، سونىمەن بىرگە، ءتۇرلى تۇرمىستىق قىزمەت وتەۋلەر بارىسىندا قارتتارعا ارنالعان جاسىل ءدالىز ورنالاستىرۋدى كورسەتەدى. ءۇشىنشى ءتۇر، ارنايى قىزمەتكەر ورنالاستىرۋ، تەرەزەلىك قىزمەت وتەۋ، تەلەفون جەلىسى ارقىلى قىزمەت وتەۋ، جول باستاۋشى قىزمەتكەر ورنالاستىرۋ ارقىلى قارتتارعا اناعۇرلىم ويداعىداي كومەكتەسۋگە بولادى.
مەملەكەتتىك كەڭەس كەڭسە مەڭگەرمەسى ەلەكتروندىق اكىمشىلىك ىستەر كەڭسەسىنىڭ مەڭگەرۋشىسى لۋ شياڭدۇڭ بىلاي دەپ تانىستىردى: جوبادا ءداستۇرلى قىزمەت وتەۋ تاسىلدەرى مەن زەردەلى قىزمەت وتەۋ تاسىلدەرىن جاڭالىق اشا تەڭ اتقارۋعا تاباندى بولىپ، قارتتاردىڭ ءجۇرىس – تۇرىسى، ەمدەلۋى قاتارلى ءجيى ۇشىراساتىن ىستەر مەن قىزمەت وتەۋ جاعدايلارىن توڭىرەكتەي وتىرىپ، 7 ءتۇرلى جاقتاعى 20 نەشە ءتۇرلى ناقتى شارا ورتاعا قويىلعان.
كەيبىر قارتتاردىڭ ينتەرنەتتەن پايدالانا الماۋى ماسەلەسى جونىندە، جوبادا مىنالار ورتاعا قويىلعان: «جەر – جەردىڭ ‹دەنساۋلىق كودىن› ءجۇرىس – تۇرىس بارىسىنداعى بىردەن – ءبىر ىسپات ەتۋىنە بولمايدى». مەملەكەتتىك دەنساۋلىق ساقتاۋ – سالاماتتىق كوميتەتى قارتتار دەنساۋلىعى مەڭگەرمەسىنىڭ باستىعى ۋاڭ حايدۇڭ مىنانى ءبىلدىردى: «دەنساۋلىق كودىنىڭ» ينفورماتسيانى توپتاستىرۋ جانە ءوزارا بايلانىستىرۋ - تانۋ يقۋاتى جالعاستى ىلگەرىلەتىلەدى، قارتتار قاتارلى توپتارعا كۇشىنە يە ازاماتتىق كۋالىگى ارقىلى تىزىمگە الۋ، قاعاز جۇزىندەگى ىسپات ارقىلى وتكىزۋ، «حابارلاسۋ ساپار كارتۋچكاسىن» كورسەتۋ قاتارلى كومەكشى تاسىلدەر ارقىلى ىسپاتتاۋ شارالارى اتقارىلىپ، شارت – جاعدايى پىسىپ – جەتىلگەن جەرلەردە جانە ورىنداردا زەردەلى قولفون قولدانبايتىن قارتتارعا «دەنساۋلىق كودى قولدانىلمايتىن ءدالىز» ورنالاستىرىلادى.
http://kazakh.people.com.cn/306614/15831093.html
