بيىل 5 – ايدا، دۇنيە جۇزىلىك دەنساۋلىق ساقتاۋ ۇيىمى، بىرلەسكەن مەملەكەتتەر ۇيىمىنىڭ استىق جانە اۋىل شارۋاشىلىعى ۇيىمى، دۇنيە جۇزىلىك حايۋاناتتاردىڭ دەنساۋلىعى ۇيىمى كەڭەس ءماجىلىسىن اشىپ، دۇنيە جۇزىندەگى انتيبيوتيكتەرگە دەگەن تانىمدى ارتتىرۋ اپتالىعىنىڭ قامتۋ كولەمىن كەڭەيتۋدى ماقۇلداپ، نەگىزگى ءتۇيىندى «انتيبيوتيكتەر» كولەمىنەن گورى كەڭ، اناعۇرلىم قامتىمدى كەلەتىن «ميكرو ورگانيزمدەرگە قارسى دارىلەر» جاعىنا وزگەرتتى.
دۇنيە جۇزىلىك دەنساۋلىق ساقتاۋ ۇيىمنىڭ ۇندەۋىنە بەلسەندى ءۇن قوسىپ، بۇكىل قوعامداعىلاردىڭ ميكرو ورگانيزمدەرگە قارسى دارىلەردى ۇيلەسىمدى قولدانۋ تانىمى مەن ورەسىن جوعارىلاتۋ ءۇشىن، 11 – ايدىڭ 18 – كۇنىنەن 24 – كۇنىنە دەيىن، مەملەكەتتىك دەنساۋلىق ساقتاۋ كوميتەتى مەديتسينا ىستەرىن باسقارۋ مەكەمەسى، اۋىل شارۋاشىلىعى جانە اۋىل – قىستاق مينيسترلىگىنىڭ مال شارۋاشىلىق – مال دارىگەرلىك مەكەمەسى بىرگە 2020 – جىلعى «ميكرو ورگانيزمدەرگە قارسى دارىلەر جونىندەگى تانىمدى جوعارىلاتۋ اپتالىعى» قيمىلىن ورىستەتتى، باستى تاقىرىبى: «ىنتىماقتاسا وتىرىپ، ميكرو ورگانيزمدەرگە قارسى دارىلەردى قورعايىق». بۇل رەتكى قيمىلدى دەنساۋلىق گازەتى مەكەمەسى مەن جۇڭگو مەديتسينا عىلىم اكادەمياسى جانە بەيجيڭ شيەحى ەمحاناسى مىندەتىنە الىپ وتكىزگەن.
دەنساۋلىق ساقتاۋ گازەتى مەكەمەسىنىڭ باستىعى، پارتكوم شۋجيى دىڭ حايحۋا مىنانى ءبىلدىردى: ميكرو ورگانيزمدەردىڭ دارىگە ءتوزىمدى بولۋ ماسەلەسى دۇنيە جۇزىندەگى دەنساۋلىق ساقتاۋ سالاسىنداعى كەلەلى سايىستاردىڭ ءبىرى بولىپ وتىر، بۇل ءار ەل ۇكىمەتى مەن قوعامى كەڭ كولەمدە نازار اۋدارىپ وتىرعان دۇنيە جۇزىلىك ماسەلە. بۇگىنگى تاڭدا، قوعامداعى جۇرتشىلىقتىڭ ميكرو ورگانيزمدەرگە قارسى دارىلەرگە دەگەن تانىمىن ونان ارى ارتتىرۋعا تۋرا كەلەدى، جۇرتشىلىقتىڭ دارىدەن پايدالانۋ ادەتىندە وزگەرىس جاساۋ اسا قاجەتتى، نەگىزگى ساتىلارداعى ەمدەۋ قىزمەتكەرلەرىنىڭ ءدارى قولدانۋ ورەسى مەن قابىلەتى جەتەرسىز، باكتەريالارعا قارسى دارىلەردى باسقارۋ جۇيەسىنىڭ دامۋى بىركەلكى بولماۋ قاتارلى ماسەلەلەر ءبىرشاما كورنەكتى.
جۇڭگو مەديتسينا اكادەمياسى بەيجيڭ شيەحى ەمحاناسى پارتكومىنىڭ شۋجيى ۋ پەيشيننىڭ تانىستىرۋىنشا، بيىل مەملەكەتتىك حالىق قۇرىلتايى تۇراقتى كوميتەتى «جۇڭحۋا حالىق رەسپۋبليكاسى بيولوگيالىق حاۋىپسىزدىك زاڭىن» قاراپ ماقۇلداۋدان وتكىزدى، الدا ميكرو ورگانيزمدەردىڭ دارىگە ءتوزىمدى بولۋىن بيولوگيالىق حاۋىپسىزدىك جاعىنداعى سەگىز ءىرى سالانىڭ ءبىرى رەتىندە قاراپ، ءار دارەجەلى ۇكىمەتتەردىڭ قاتىستى تاراۋلارىنا زاڭدا بەلگىلەنگەن تالاپتاردى ورتاعا قويدى، ميكرو ورگانيزمدەردىڭ دارىگە ءتوزىمدى بولۋىنا توتەپ بەرۋ ماسەلەسىنىڭ مەملەكەتتىڭ حاۋىپسىزدىك ماسەلەسىنىڭ جانە كەلەلى ستراتەگيالاردىڭ قۇرامداس بولىگىنە اينالۋىنىڭ ءمانى تەرەڭ.
http://kazakh.people.com.cn/306614/15830696.html
