1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

دۇنيە جۇزىلىك دەنساۋلىق ساقتاۋ جينالىسى ىندەتكە توتەپ بەرۋ جانە ودان ساقتانۋعا جالعاستى نازار اۋداردى

日期:2020年11月16日
来源:人民网
【字体:

  73 - كەزەكتى دۇنيە جۇزىلىك دەنساۋلىق ساقتاۋ جينالىسىنىڭ ءۇزىلىس جينالىسى تاياۋدا شۆەتساريانىڭ جەنەۆا قالاسىندا وتكىزىلدى. جينالىس ۋاقىتى 5 كۇنگە جالعاستى، جيىن كەسكىن فورماسىندا اشىلدى. وسى رەتكى جينالىس نازاردى ىندەتكە توتەپ بەرۋگە جانە ودان ساقتانۋعا شوعىرلاندىرىپ، جاڭا تيپتى ايدارشا ۆيرۋس وكپە قابىنۋ ىندەتى جانە باسقا دا توسىن تۋىلعان الەۋمەتتىك دەنساۋلىق ساقتاۋ وقيعالارىنان ساقتانۋ جانە ونى تىزگىندەۋ، الەمدىك ۆاكسينا ارەكەت جوسپارى سياقتى الەمدىك دەنساۋلىق ساقتاۋ جاعىندا ءدوپ كەلگەن كەلەلى ماسەلەلەر جونىندە تالقى جۇرگىزدى.

  دۇنيە جۇزىلىك دەنساۋلىق ساقتاۋ جينالىسى قارار ماقۇلداپ، توسىننان تۋىلعان دەنساۋلىق ساقتاۋ وقيعاسىنىڭ الدىن الۋ جانە وعان قارسى تۇرۋدى كۇشەيتۋگە ۇندەپ، «حالىقارالىق دەنساۋلىق ساقتاۋ ەرەجەسىن» جالپى بەتتىك اتقارىپ، مۇشە ەلدەردى ەل ىشىندە قارجى قوسۋ، ۇنەمىلىك شىعىس جانە الەۋمەتتىك قارجىدان ارناۋلى قاراجات اجىراتىپ، توسىننان تۋىلعان دەنساۋلىق ساقتاۋ وقيعاسىنان ساقتانۋعا ىستەتۋگە قۋزادى، الەۋمەتتىك دەنساۋلىق ساقتاۋعا قاتىستى قۇرىلىمداردىڭ قۋاتى مەن نەگىزدىك قۇرىلعىلار قۇرىلىسى كۇشەيتىلدى.

  دۇنيە جۇزىلىك دەنساۋلىق ساقتاۋ ۇيىمىنىڭ باس القاسى تان دىساي ارناۋ سوزىندە دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتى ىندەتى جونىندە تاعى ءبىر رەت ۇندەۋ شىعاردى. تان دىساي مىنالاردى باسا دارىپتەدى: قىراعىلىقتى ۇزدىكسىز ساقتاپ، ىندەتكە قارسى تۇرۋداعى بولدىرۋ كوڭىل كۇيىنەن ساقتانۋ كەرەك. عىلىم، ارەكەت، ىنتىماق بولعاندا عانا ىندەتتى جەڭۋگە بولادى، بۇل دۇنيە جۇزىلىك دەنساۋلىق ساقتاۋ ۇيىمىنىڭ باستان – اياق ۇستانعان پوزيتسياسى.

  دۇنيە جۇزىلىك دەنساۋلىق ساقتاۋ ۇيىمىنىڭ بۇكىل جەر شارىنداعى جاڭا تيپتى ايدارشا ۆيرۋس وكپە قابىنۋ ىندەتىنىڭ جۇعىمدالۋ جاعدايىن سايكەستىرۋى جانە وعان باسشىلىق ەتۋى جونىندە، دۇنيە جۇزىلىك دەنساۋلىق ساقتاۋ ۇيىمى جاريالاعان ەڭ جاڭا ساندى مالىمەتتە كورسەتىلۋىنشە، ىندەت تۋىلعاننان بەرى، دۇنيە جۇزىلىك دەنساۋلىق ساقتاۋ ۇيىمى 600دەن استام ءتۇرلى تەحنيكالىق باعدارناما جاريالاپ، ايلىق ءتۇسىرىلىمى 9 ميلليون رەتكە جەتكەن؛ 168 مەملەكەت جانە رايونعا 285 ميلليون نەگىزگى ەمدەۋ ءونىمىن جەتكىزدى، مۇندا ماسكى، قورعانۋ كيىمى، تەكسەرۋ سىناق ءدارىسى قاتارلىلار قامتىلادى؛ 110 مەملەكەت پەن رايونعا 13 مىڭ تىنىس الۋ جابدىعىن جەتكىزدى؛ 41 تىلدە ءتۇرلى كۋرستان وتكىزۋ ساباعى بەرىلىپ، 4 ميلليون 500 مىڭنان استام ادام تىركەلدى؛ سايكەستى تۇردە ورتا، تومەن كىرىستەگى مەملەكەتتەرگە 120 ميلليون دانا تەز تەكسەرۋ سىناق ءدارىسىن بەردى، تومەن كىرىستى مەملەكەتتەرگە 4 ميلليون 500 مىڭ دەكسامەتازون بەردى؛ 186 مەملەكەت پەن رايون COVAX دۇنيە جۇزىلىك جاڭا تيپتى ايدارشا ۆيرۋس ۆاكسيناسى جوسپارىنا قاتىناستى.

  دۇنيە جۇزىلىك دەنساۋلىق ساقتاۋ ۇيىمى ءار ەلدى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋدى وراي ەتە وتىرىپ، جۇقپالى اۋرۋلاردان ساقتانۋ قۋاتى قۇرىلىسىن كۇشەيتىپ، الەۋمەتتىك دەنساۋلىق ساقتاۋ قوسىلىمىن ارتتىرۋعا ءارى قارجى جەتىسپەۋ ماسەلەسىن تۇبىرىنەن شەشۋگە ۇندەدى.

http://kazakh.people.com.cn/306614/15829888.html