پارتيانىڭ 18 - قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، حالىقتىڭ سالاماتتىعىن الدىمەن دامىتۋدى ستراتەگيالىق ورىنعا قويىپ، سالاماتتى جۇڭگو قۇرىلىسىن جاپپاي ىلگەرىلەتتى. پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى قاراپ ماقۇلداعان «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق پلانى مەن 2035 - جىلعا دەيىنگى بولاشاقتىق نىساناسىن جاساۋ جونىندەگى ۇسىنىسىندا» بىلاي دەپ باسا دارىپتەلدى: «جاڭالىق جاراتۋدىڭ ەلىمىزدىڭ وسىزامانداندىرۋ قۇرىلىسىنىڭ جالپى جاعدايىنداعى ۇيىتقىلىق ورنىنا تاباندى بولىپ، عىلىم - تەحنيكادا ءوز كۇشىنە سۇيەنىپ دامۋدى مەملەكەت دامۋىنىڭ ستراتەگيالىق تىرەگى ەتىپ، دۇنيە ءجۇزى عىلىم - تەحنيكاسىنىڭ الدىڭعى لەگىنە، ەكونوميكانىڭ نەگىزگى شايقاس مايدانىنا، مەملەكەتتىڭ كەلەلى سۇرانىسىنا، حالىقتىڭ ءومىرى مەن دەنساۋلىعىنا بەت الىپ، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، دامۋدى جاڭالىق اشۋ ارقىلى جەبەۋ ستراتەگياسىن ىشكەرىلەي اتقارىپ، مەملەكەتتىڭ جاڭالىق اشۋ جۇيەسىن كەمەلدەندىرىپ، عىلىم - تەحنيكادا قۇدىرەتتى ەل قۇرۋدى جەدەلدەتۋ كەرەك.» سالاماتتى جۇڭگو قۇرىلىسىن جاپپاي ىلگەرىلەتىپ، حالىق بۇقاراسىنىڭ كۇن سايىن ارتىپ وتىرعان سالاماتتىق قاجەتىن قاناعاتتاندىرىپ، عىلىم ـ تەحنيكادا جاڭالىق اشۋدى قوزعاۋشى قۋات جانە تىرەك ەتۋ كەرەك.
سالاماتتى جۇڭگو قۇرىلىسى حالىق تۇرمىسىنىڭ باقىتىنا سايادى، ءارى مەملەكەتتىڭ جالپى جاعدايى مەن ۇزاق بولاشاقتىق دامۋىنا، قوعامنىڭ ورنىقتىلىعىنا جانە ەكونوميكانىڭ جوعارى ساپالى دامۋىنا قاتىستى كەلەلى ستراتەگيالىق مانگە يە. اقاۋسىز عىلىم - تەحنيكا مەملەكەتتىڭ عىلىم - تەحنيكادا جاڭالىق اشۋ جۇيەسىنىڭ ماڭىزدى قۇرامداس بولىگى، سالاماتتى جۇڭگو قۇرىلىسىن جاپپاي ىلگەرىلەتۋدىڭ قوزعاۋشى كۇشى، حالىق بۇقاراسىنىڭ كۇن سايىن ارتىپ وتىرعان سالاماتتىق قاجەتىن قاناعاتتاندىرۋدىڭ ماڭىزدى تىرەگى.
سالاماتتى جۇڭگو قۇرىلىسىن جاپپاي ىلگەرىلەتۋ عىلىم ـ تەحنيكادا جاڭالىق اشۋدى تىرەك ەتۋدى قاجەت ەتەدى. باس شۋجي شي جينپيڭ: «ادامزاتتىڭ دامۋ تاريحىنا كوز جىبەرسەك، ادامزاتتىڭ اۋرۋمەن بەلدەسۋدەگى ەڭ پارمەندى قارۋى عىلىم - تەحنيكا، ادامزاتتىڭ اۋىر اپات، اۋىر دەرت - دەربەزدى جەڭۋى عىلىمي دامۋ مەن تەحنيكادا جاڭالىق جاراتۋدان ايرىلا المايدى» دەپ اتاپ كورسەتتى. عىلىم - تەحنيكانىڭ دامۋىنا سۇيەنگەندە عانا ادامزات اۋرۋمەن ايقاساتىن، اۋىر اپات پەن ۇلكەن ىندەتتى جەڭەتىن پارمەندى قارۋعا يە بولدى. جاڭا تيپتى ايدارشا ۆيرۋس وكپە قابىنۋ ىندەتى الدىندا، ءبىزدىڭ اۋرۋ جاعدايىن الدىمەن مەڭگەرۋىمىز عىلىمعا قۇرمەت ەتىپ، عىلىم - تەحنيكا قۋاتىن تولىق ساۋلەلەندىرۋدەن قول ۇزە المايدى. جالپى حالىقتىڭ دەنساۋلىعى بولماسا، جاپپاي دوڭگەلەك داۋلەتتى قوعام بولمايدى. سالاماتتى جۇڭگو قۇرىلىسىن جاپپاي ىلگەرىلەتۋ عىلىم ـ تەحنيكالىق قۋاتتى، عىلىم ـ تەحنيكالىق تىرەك بولۋدى قاجەت ەتەدى. كەلەلى ءدارى - دارمەك زەرتتەپ جاساۋدان جوعارى ساپالى وزىق ەمدەۋ جابدىقتارىن زەرتتەپ اشۋعا دەيىن، ەمدەۋ عىلىم ـ تەحنيكاسىندا جاڭالىق اشۋ جەتىستىكتەرىنىڭ كەڭ كولەمدە قولدانىلۋىندا، ەمدەۋدە «ءدارى ـ دارمەك بولۋعا»، «تاماشا جابدىق بولۋعا» جەتتىك. «ساۋساق ۇشىنداعى شيپاحانالاردان» «تولىق پەريودتى زەردەلى ەمدەۋگە» دەيىن، ينفورماتسيا تورابىندا تەحنيكالىق جاڭالىق اشۋ مەن ەمدەۋ كاسىبىن ۇشتاستىرىپ، ادامداردىڭ ەمدەلۋىنە ءتىپتى دە قولايلى بولدى. سالاماتتى جۇڭگو قۇرىلىسىن جاپپاي ىلگەرىلەتۋ عىلىم ـ تەحنيكادا جاڭالىق اشۋدىڭ پارمەندى تىرەگىنەن ايرىلا المايدى.
http://kazakh.people.com.cn/306614/15829780.html
