مەملەكەتتىك ءدارى - دارمەكتى باقىلاۋ - باسقارۋ مەكەمەسى توراپ بەكەتىنىڭ حابارىنا قاراعاندا، مەملەكەتتىك ءدارى - دارمەكتى باقىلاۋ - باسقارۋ مەكەمەسى بىرنەشە كۇننىڭ الدىندا «مەملەكەتتىڭ شوعىرلى، ارنالى ساتىپ الۋ بارىسىندا ءتاج ءتارىزدى قانتامىر تىرەۋىشتىڭ ساپاسىن باقىلاۋ - باسقارۋ قىزمەتىن كۇشەيتۋ جونىندەگى ۇقتىرۋدى» (تومەندە «ۇقتىرۋ» دەلىنەدى) جاريالادى. «ۇقتىرۋدا» مىنالار ايقىن بەلگىلەندى: ءارقايسى ولكە دارەجەلى ءدارى – دارمەكتى باقىلاۋ – باسقارۋ تاراۋلارى ءتاج ءتارىزدى قانتامىر تىرەۋىش ونىمدەرىنىڭ ساپاسىن ۇلگى الىپ تەكسەرۋ قىزمەتىن كۇشەيتىپ، كۇندەلىكتى باقىلاپ – باسقارۋ بارىسىندا بايقالعان ماسەلەلەرگە نەگىزدەلىپ، ءوندىرىس، اينالىم، پايدالانۋ بۋىندارىنان ۇلگى الىپ، ءتۇيىندى نىسانداردىڭ ساپاسىن تەكسەرۋ كەرەك. تاڭدالعان كاسىپورىنداردى ۇلگى الىپ تەكسەرۋ مەن ءوندىرىس كاسىپورىندارىن ناق مايداندا تەكسەرۋدى ۇشتاستىرۋ، جىلىنا كەمىندە ءبىر رەت تەكسەرۋ كەرەك.
«ۇقتىرۋدا» بىلاي دەلىندى: تاياۋدا مەملەكەتتىك ەمدەۋ قامسىزداندىرۋ مەكەمەسى قاتىستى تاراۋلارمەن بىرگە ءتاج ءتارىزدى قانتامىر تىرەۋىشتى شوعىرلى تۇردە ساتىپ الۋ قىزمەتىن ورىستەتتى. ولكە دارەجەلى ءدارى - دارمەك باقىلاۋ - باسقارۋ تاراۋلارى وسى رەتكى شوعىرلى ساتىپ الۋ قىزمەتىنىڭ ماڭىزدىلىعىن تولىق تانۋى كەرەك، حالىقتىڭ دەنساۋلىعىن وزەك ەتۋگە باستان ـ اياق تاباندى بولىپ، ءدارى ـ دارمەك حاۋىپسىزدىگىنىڭ «تورتتە ەڭ قاتاڭ بولۋ» تالابىن جاپپاي تياناقتاندىرىپ، كاسىپورىنداردىڭ سۋبيەكتيۆتىك جاۋاپكەرشىلىگىن تياناقتاندىرۋىن ىلگەرىلەتىپ، قاراستى جەردەگى باقىلاۋ ـ باسقارۋ جاۋاپكەرشىلىگىن قاتاڭ تياناقتاندىرىپ، ءتاج ءتارىزدى قانتامىر تىرەۋىشتى شوعىرلى، ارنالى ساتىپ الۋدىڭ ساپاسىنا، حاۋىپسىزدىگىنە شىنايى كەپىلدىك ەتۋ كەرەك. قاتىستى قىزمەتتەردىڭ تالاپتارى تومەندەگىدەي:
ءبىرىنشى، كاسىپورىنداردىڭ ساپا حاۋىپسىزدىگىنىڭ سۋبيەكتيۆتىك جاۋاپكەرشىلىگىن جاپپاي تياناقتاندىرۋ. ءتاج ءتارىزدى قانتامىر تىرەۋىش وندىرەتىن كاسىپورىندار ساپا نەگىزىن بەرىك ورناتۋى كەرەك، ءوندىرىس ساپاسىن باسقارۋدى ارناعا ءتۇسىرۋ تالابى بويىنشا قاتاڭ بولىپ، ساپانى باسقارۋ جۇيەسىن كەمەلدەندىرۋ ءارى ءونىمدى اينالىمىن ساقتاۋ كەرەك، زاۆودتان شىعاتىن ونىمدەردىڭ ساپا تالابىنا ۇيلەسۋىنە كەپىلدىك ەتۋ كەرەك. تاڭدالعان كاسىپورىندار شيكىزات تەكسەرۋ مەن باسقارۋدى قاتاڭ يگەرۋى كەرەك، ءوندىرىس بۋىنىنداعى حاۋىپ - قاتەر مەن كومەسكى قاتەرلەردى مۇقيات ءبىر - بىرلەپ تەكسەرىپ، ءوندىرىس بارىسىن، ساپانى تىزگىندەۋدى جانە دايىن ونىمدەردى قويا بەرۋ بۋىندارىن باسقارۋدى شىن مانىندە كۇشەيتۋ كەرەك، ءونىمدى شارالار قولدانىپ، ءونىم ساپاسىنىڭ زورلىقتى ولشەمگە، سونداي - اق تىركەلگەن ونىمدەردىڭ تەحنيكالىق تالابىنا ۇيلەسۋىنە شىنايى كەپىلدىك ەتۋ كەرەك.
«مەملەكەتتىك ءدارى - دارمەكتى باقىلاۋ – باسقارۋ مەكەمەسى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك ەمدەۋ قامسىزداندىرۋ مەكەمەسىنىڭ سىناق ءتۇيىنىن ىشكەرىلەي ىلگەرىلەتىپ، 1 - توپتاعى ەمدەۋ اسپاپتارىنىڭ بىردەن - ءبىر بەلگىسىن ويداعىداي اتقارۋ جونىندەگى حابارلاندىرۋى» (2020 – جىل، 106 - ءنومىرلى) تالابى بويىنشا ءونىم بەلگىسىن جاقسى جاساۋ كەرەك، ءتاج ءتارىزدى قانتامىر تىرەۋىش ونىمدەرىن تەكتەۋ جۇيەسىن ورناتىپ جانە كەمەلدەندىرىپ، قاتىستى قىزمەتتەردى قايتارىپ تەكسەرۋ، ىزىنە ءتۇسۋ كەرەك.
http://kazakh.people.com.cn/306614/15829620.html
