بەيجيڭ 2 - تاجىريبە باستاۋىش مەكتەبىندەگى وقۋشىلاردىڭ ءار كۇنى تاڭەرتەڭ مەكتەپكە بارا سالا ەڭ الدىمەن ىستەيتىن ءىسى — دەنە تاربيە الاڭىنا بارىپ، ءوزى ۇناتاتىن ارەكەتپەن شۇعىلدانۋ. بىرنەشە جىلدىڭ الدىندا، اتالعان مەكتەپتىڭ باستىعى لۋ يۇڭلي بۇكىل مەكتەپ بويىنشا «باستالۋ نۇكتەسىندەگى دەنە تاربيە» اتتى قيمىلدى جالپىلاستىرعان، بۇل قيمىلدىڭ ناتيجەسى ادامدى قۋانتارلىق بولعان: 2017 – جىلدان 2019 – جىلعا دەيىن، بۇكىل مەكتەپتەگى وقۋشىلاردىڭ دەنساۋلىق ساپاسىن تەكسەرۋ ناتيجەسىندە ۇزدىك بولۋ مولشەرى %10 جوعارىلاعان، جاڭادان بايقالعان كورۋ قۋاتى تومەن بولۋدى تەجەۋ جاعىنداعى ونىمدىلىگى دە كورنەكتى بولعان.
جۇرتشىلىقتىڭ بالالاردىڭ، جاستار مەن وسپىرىمدەردىڭ دەنە ساپاسى مەن دەنساۋلىعى جاعىنداعى ماسەلەلەرگە بارعان سايىن ءمان بەرۋىنە بايلانىستى، بۇگىنگى تاڭدا، وقۋ – اعارتۋ سالاسىندا «دەنساۋلىق ءبىرىنشى» دەيتىن تانىم جاڭا ءتۇيىندى سوزگە اينالۋدا، قاتىستى تاقىرىپتار ۇنەمى جۇرت نازارىن بارىنشا اۋدارادى. بالالاردىڭ، جاستار مەن وسپىرىمدەردىڭ دەنە ساپاسى مەن دەنساۋلىعى جاعىنداعى ماسەلەلەردەن قايتكەندە ساقتانۋعا جانە ونى مەڭگەرۋگە بولادى دەگەن ماسەلەگە بۇكىل قوعام بولىپ بىرگە ءادىس - امال قاراستىرۋى، ەمىن تابۋى قاجەت.
مەكتەپتەردەگى دەنە تاربيە وقىتۋى قىزمەتىن كۇشەيتىپ جانە ونى جاقسارتىپ، دەنە تاربيەنىڭ وقۋ – اعارتۋدى باعالاۋ جۇيەسىندەگى ورنىن جوعارىلاتۋ كەرەك
وسى جولعى بۇكىل ەلىمىز بويىنشا وقۋشىلاردىڭ دەنە ساپاسى مەن دەنساۋلىعى جاعىندا جۇرگىزىلگەن تەكسەرۋ – زەرتتەۋ 1985 – جىلدان بەرگى سەگىزىنشى رەتكى تەكسەرۋ – زەرتتەۋ بولىپ تابىلادى. تەكسەرۋ – زەرتتەۋ 6 – 22 جاس ارالىعىنداعى مەكتەپتەگى وقۋشىلارعا باعىتتالعان، تەكسەرىلەتىن تۇرلەر دەنە تۇرقى، فيزولوگيالىق قابىلەتتەرى، دەنە ساپاسى، دەنساۋلىق جاعدايى قاتارلى 20 نەشە ءتۇرلى كورسەتكىشتى قامتيدى. «وقۋ باسقىشى جاعىنان ايتقاندا، ورتالاۋ مەكتەپ باسقىشىنداعى وقۋشىلاردىڭ دەنساۋلىق قۋاتىنىڭ، دەنە ساپاسىنىڭ جاقسارۋى كورنەكتى بولعان»، — دەدى جۇڭگو وقۋ – اعارتۋ عىلىمىن زەرتتەۋ مەكەمەسى دەنە تاربيە، دەنساۋلىق، كوركەمونەر وقۋ – اعارتۋىن زەرتتەۋ باسقارماسىنىڭ باستىعى ۋ جيان.
http://kazakh.people.com.cn/306614/15829594.html
