10 – ايدىڭ 20 – كۇنى، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن اشىپ، سىرتقى ىستەر مينيسترلىگى، عىلىم ـ تەحنيكا مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك ءدارى ـ دارمەك باقىلاۋ ـ باسقارۋ مەكەمەسى، مەملەكەتتىك ءدارى ـ دارمەك توبى، بەيجيڭ كىشيڭ جۇڭۋي بيوتەحنيكا شەكتى سەرىكتەستىگىنىڭ جاۋاپتىلارى مەن ماماندارىن ەلىمىزدىڭ جاڭا تيپتى ايدارشا ۆيرۋس ۆاكسيناسىنىڭ زەرتتەۋ ـ اشۋ اياق الىسى، حاۋىپسىزدىگى، ونىمدىلىگى، سونداي ـ اق، حالىقارالىق اۋىس ـ كۇيىس جانە سەلبەستىك سياقتى قاتىستى جاعدايلاردى تانىستىرۋعا ۇسىنىس ەتتى. عىلىمي زەرتتەۋدە قامال الۋ گرۋپپاسى ۆاكسينانى زەرتتەۋ ارناۋلى قىزمەت گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتى عىلىم - تەحنيكانى دامىتۋ ورتالىعىنىڭ مەڭگەرۋشىسى جىڭ جۇڭۋي بىلاي دەدى: بيىل جىل سوڭىندا، ەلىمىزدىڭ جاڭا تيپتى ايدارشا ۆيرۋس ۆاكسيناسىنىڭ جىلدىق ءونىم مولشەرى 610 ميلليون داناعا جەتەدى، كەلەر جىلى مەملەكەتىمىزدىڭ جاڭا تيپتى ايدارشا ۆيرۋس ۆاكسيناسىنىڭ جىلدىق ءونىم مولشەرى وسى نەگىزدە ءونىمدى تۇردە ارتادى، ەلىمىزدىڭ جانە دۇنيە جۇزىندەگى باسقا ەلدەردىڭ جۇڭگونىڭ جاڭا تيپتى ايدارشا ۆيرۋس ۆاكسيناسىنا بولعان قاجەتىن شىنايى قامتاماسىز ەتۋ كەرەك.
جىڭ جۇڭۋي بىلاي دەپ تانىستىردى: ۆاكسينا زەرتتەپ جاسالعان العاشقى مەزگىلدە ەلىمىز ءوندىرىس قۋاتى قۇرىلىسىنا باسا ءمان بەردى، قازىر قۋاتسىزداندىرىلعان ۆاكسينانىڭ ءوندىرىس قۋاتى جاعىندا، مەملەكەتتىك دەنساۋلىق ساقتاۋ، سالاماتتىق كوميتەتى قاتىستى تاراۋلارمەن بىرلەسىپ «ۆاكسينا ءوندىرۋ سەحىنىڭ بيولوگيالىق حاۋىپسىزدىك جالپىلىق تالابىن» ارناۋلى جاسادى، سونداي – اق، ماماندار ۇيىمداستىرىپ سالىنعان ۆاكسينا ءوندىرۋ سەحىنا بيولوگيالىق حاۋىپسىزدىك تەكسەرۋ جۇرگىزىپ، شارتقا ۇيلەسەتىن ءوندىرىس سەحتارىن تەكسەرىپ بەكىتتى. سونىمەن بىرگە، باسقا دا تەحنيكالىق لەنيالار بەز ۆيرۋسىنىڭ تاسىمالداۋشى ۆاكسيناسى، جۇقپالى تۇماۋ ۆيرۋسىنىڭ ۋىتىن ازايتاتىن تاسۋشى ۆاكسيناسى، نۋكلەين قىشقىلى ۆاكسيناسى، قايتا قۇرالعان بەلوك ۋاكسيناسىنىڭ ءوندىرىس قۋاتىن دا بىرگە ىلگەرىلەتتى.
قانداي ادامدار جاڭا تيپتى ايدارشا ۆيرۋس ۆاكسيناسىن الدىمەن ەكتىرەدى؟ جىڭ جۇڭۋي مىنالاردى ءبىلدىردى: الدا جاڭا تيپتى ايدارشا ۆيرۋس ۆاكسيناسىن ەكتىرەتىندەر ۇلكەن جاقتان ءۇش تۇرگە بولىنەدى: حاۋىپ ـ قاتەرى جوعارى ادامدار توبى؛ قاتەرلى ادامدار توبى؛ جاي ادامدار. حاۋىپ قاتەرى جوعارى ادامدار توبى دەپ نەگىزىنەن ءبىرىنشى شەپتەگى ەمدەۋ، اۋرۋدىڭ الدىن الۋ قىزمەتكەرلەرىنە قاراتىلادى، شەكارا قورعانىسى، شەكارا وتكەلدەرىنىڭ قىزمەتكەرلەرى، قىزمەت سەبەبىنەن قاتەرلى رايوندارعا باراتىندار نەمەسە مەملەكەت قىزمەتكەرى، سونداي – اق، قالانىڭ نەگىزگى اينالىمىنا كەپىلدىك ەتەتىن قىزمەتكەرلەر. قاتەرلى ادامدار نەگىزىنەن قارتتار، بالالار، جۇكتى ايەلدەر جانە نەگىزدىك اۋرۋعا شالدىققان ادامدار، مۇنداي ادامدار جاڭا تيپتى ايدارشا ۆيرۋس وكپە قابىنۋىنا شالدىقسا، سالماقتى اۋرۋ نەمەسە قاتەرلى اۋرۋ پايدا بولۋ سالىستىرماسى باسقا ادامداردان الدە قايدا جوعارى بولادى. مەيلى قانداي وڭىردە بولسىن، وسى ەكى ءتۇرلى ادامدار شوعىرىنىڭ ەرەكشەلىگىنە ۇيلەسسە بولعانى، الدىمەن ەكتىرۋ كولەمىنە ەنگىزۋ كەرەك.
http://kazakh.people.com.cn/306614/15827233.html
