10 – ايدىڭ 11 – كۇنى چيڭداۋ قالاسىندا ىندەت تۋىلعاننان كەيىن، 10 – ايدىڭ 16 – كۇنى ساعات 18گە دەيىن چيڭداۋ قالاسى 100 ميلليون 899145 دانا نۋكلەين قىشقىلىن تەكسەرىپ شىقتى، تەكسەرۋ ناتيجەسىنىڭ ءبارى بولىمسىز بولدى.
تەك جۇڭگولىقتار عانا ەمەس، تەكسەرۋ كەزىندە، چيڭداۋدا تۇراتىن ءبىر شەتەلدىك وقىتۋشى يوسيف بىلاي دەدى: «مەنىڭشە، 9 ميلليون ادامدى بىرگە تەكسەرۋ وتە كەرەمەت ءىس، بۇل ءىس مەنى قاتتى اسەرلەندىردى، ءاربىر ادامنىڭ بىرگە قۇلشىنعانىن كوردىم، بۇل ءىستى وسىنشاما تەز شەشتى، چيڭداۋدا تۇرىپ جاتقانىما قاتتى قۋاندىم.»
بۇل ءسوز ءسال – ءپال قايشىلىقتى بولعانىمەن يوسيفتىڭ شىن جۇرەكتەن القاۋ سەزىمىن بۇركەمەلەي المادى. كوپتەگەن شەتەل اقپارات قۇرالدارى نۋكلەين قىشقىلىن تەكسەرەتىن چيڭداۋ جىلدامدىعىنا «تاڭعالا» تاڭداي قاعىستى.
وسىنشاما تەز بولۋىنداعى سەبەپ، الدىمەن تۇتاس قوعامنىڭ بىرلىك - ىنتىماقتىلىعىنا بايلانىستى. ىندەتكە جولىققاندا كوپشىلىك ءوز بىلگەنىن ىستەمەيدى، ىندەتكە قارسى تۇرۋ ورنالاستىرۋىن كورسوقىرلىقپەن شەكتەمەيدى، قايتا ىندەتتىڭ تارالۋ جەلىسىن كەسىپ تاستاماقشى بولادى، ءاربىر ادام ىندەتتىڭ الدىن الۋ تالابىنا سانالى بويسۇنۋى قاجەت. بۇل قوعامدىق الەۋمەتتىك حاۋىپسىزدىكتىڭ ەڭ ۇلكەن ورتاق بولگىشى، سونداي - اق تۇتاس قوعامنىڭ ورتاق تانىمى. سوندىقتان، ءتارتىپتى نۋكلەين قىشقىلىن تەكسەرۋ بارىسىندا، كوپشىلىك ەرەكشە سايكەسىپ، شىن مانىندە «ءبىر نيەت، ءبىر تىلەكتە بولۋ» بولىپ تابىلادى.
ەكىنشى، ەمدەۋدى قامتاماسىزداندىرۋعا بەرىك زاتتىق نەگىز قالادى. دەرت - دەربەز العاش پايدا بولعان كەزدە شاندۇڭ ولكەسىنىڭ زىبو، يانتاي، ۋيفاڭ، ۋيحاي، رىجاۋ قاتارلى كوپتەگەن ايماق، قالالارى كومەك كۇشىن جىبەردى، وعان چيڭداۋ قالاسىنىڭ ءوز ەمدەۋ قىزمەتكەرلەرى قوسىلدى. 10 مىڭنان استام ەمدەۋ قىزمەتكەرى وسى رەتكى جالپى نۋكلەين قىشقىلىن تەكسەرۋ قىزمەتىنە قاتىناستى. كوپشىلىك تولىق سۇيىسپەنشىلىكپەن، شامادان تىس جۇمىس ىستەدى.
انگليانىڭ سكاي تەلەۆيزياسىنىڭ حابارىنا قاراعاندا: مىندەتتى ۋاعىندا ورىنداۋعا كەپىلدىك ەتۋ ءۇشىن، مىڭنان استام ەمدەۋ قىزمەتكەرى قالانىڭ 100دەن استام ولشەۋ تۇيىنىندە تاباندى بولىپ، تاڭعى ساعات 5تەن 30 مينۋت وتكەننەن تۇنگى ساعات 23تەن 30 مينۋت وتكەنگە دەيىن توقتاۋسىز تەكسەرۋ جۇرگىزدى.
بۇدان تىس، جوعارى تەحينكا ءتاسىلىنىڭ قولدانىلۋى دا نەداۋىر زور كومەكپەن قامدادى. مىسالى، گاز جارعاعى نۇسقاسىنىڭ «وت كوزى» تاجىريبەحاناسىنىڭ جالپى تۇلعالىق شەشۋ جوباسى، وسى رەتكى تەكسەرۋ بارىسىندا قولدانىسقا بەرىلىپ، ءار كۇنى نۋكلەين قىشقىلىن تەكسەرۋ مولشەرى 400 مىڭ ادامعا جەتەدى.
قىسقاسى، نۋكلەين قىشقىلىن تەكسەرەتىن چيڭداۋ قارقىنىنىڭ استارىندا ەشقانداي سىرلى نارسە جوق، تەرەڭ نازاريا مەن سىرلى تەحنيكا دا جوق، تەك ءونىمدى ءادىس عانا بار. بۇعان سانالى تۇردە سايكەسكەن ءبىر توپ بۇقارا قوسىلدى. وسىنداي «قاراپايىم» «1 + 1» ارقىلى ۋحاننان بەيجيڭگە، ۇرىمجىدەن چيڭداۋعا دەيىن، جۇڭگو ارت - ارتىنان تۋىلعان پارمەندى فاكتتەر ارقىلى ىندەت مەيلى قاي جەردە بوي كورسەتسە، جۇڭگونىڭ بارلىعىن تەز ارادا تۇراقتاندىرىپ، تىزگىندەۋگە شاماسى جەتەتىندىگىن دالەلدەدى.
بۇل جونىندە ا ق ش ازىق - تۇلىك، ءدارى - دارمەك باقىلاۋ - باسقارۋ مەكەمەسىنىڭ بۇرىنعى باستىعى گوتليب بىلاي دەدى: «جۇڭگو ىندەتتىڭ تاعى دا كۇرت تۋىلۋىنان ءساتتى ساقتانا الدى، ا ق ش بۇلاي ىستەي المايدى. بۇل مىندەتتى ورىنداۋعا قابىلەتىمىز جەتپەيدى، ادام كۇشى مەن زاتتىق كۇشىمىز جەتكىلىكتى بولسا دا، جۇڭگو سياقتى جاقسى ىستەي المايمىز.» ـ دەدى شىن كوڭىلمەن.
http://kazakh.people.com.cn/306614/15827120.html
