دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ما شياۋۋي 10 – ايدىڭ 24 – كۇنى وتكىزىلگەن 2020 ـ جىلعى جۇڭگودا سيرەك كەزدەسەتىن اۋرۋلار جينالىسىندا بىلاي دەدى: قاتىستى قۇرىلىمداردىڭ ساندى مالىمەتىنە نەگىزدەلگەندە، ەلىمىزدە سيرەك كەزدەسەتىن اۋرۋلارمەن اۋرعان ناۋقاستار سانى شامامەن 20 ميلليون. سيرەك كەزدەسەتىن اۋرۋدان ساقتانۋ جانە ونى ەمدەۋ قىزمەتىن ويداعىداي ىستەۋ جالپى حالىقتىڭ دەنساۋلىق ورەسىن جوعارىلاتۋدا، اقاۋسىز جۇڭگو قۇرۋدا كەلەلى ماڭىز الادى.
ما شياۋۋي بىلاي دەدى: مەملەكەتتىك دەنساۋلىق ساقتاۋ، سالاماتتىق كوميتەتى قاتىستى تاراۋلارمەن بىرگە تۇڭعىش توپتاعى سيرەك كەزدەسەتىن اۋرۋلار تىزىمدىگىن باسىپ تاراتىپ، ەلىمىزدە سيرەك كەزدەسەتىن اۋرۋلار ۇعىمى مەن اۋرۋ تۇرلەرى كولەمىن ايقىندادى، باسقارۋ كاتەگورياسىن بەلگىلەدى؛ مەملەكەت بويىنشا سيرەك كەزدەسەتىن اۋرۋلاردى ەمدەۋ سەلبەستىك تورابىن قۇرىپ، سەلبەستىك تورابىنداعى سيرەك كەزدەسەتىن اۋرۋلاردى قوس باعىتتا اۋىستىرىپ ەمدەۋ، الىستان بىرلەسىپ دياگنوز قويۋ ءتۇزىمىن ورناتتى؛ سيرەك كەزدەسەتىن اۋرۋلاردى تىكە مالىمدەۋ، سيرەك كەزدەسەتىن اۋرۋلاردى ەمدەۋ باعدارناماسىن جاريالاۋ جانە جالعاستى تاربيەلەۋ قىزمەتىن قانات جايدىرىپ، ەلىمىزدە سيرەك كەزدەسەتىن اۋرۋلاردى ەمدەۋ قابىلەتىن جوعارىلاتۋدى جان - جاقتىلى ساياساتتىق شارالارمەن قامتاماسىزداندىردى.
ول بىلاي دەدى: سيرەك كەزدەسەتىن اۋرۋدان ساقتانۋ جانە ونى ەمدەۋ قىزمەتىن جاقسى ىستەۋ ەمدەۋ رەفورماسىنىڭ ىشكەرىلەي دامۋىن ىلگەرىلەتۋدىڭ قاجەتتى تالابى. سيرەك كەزدەسەتىن اۋرۋدان ساقتانۋ جانە ونى ەمدەۋ جاعىندا، ەلىمىزدە دياگنوز قويۋ قابىلەتى جەتەرسىز بولۋ، بايلىق ءبولىسى بىركەلكى بولماۋ، ءدارى ـ دارمەك كەمشىل بولۋ، ءىشىنارا جەرلەردە وڭاي تابىلمايتىن دارىلەردىڭ باعاسى ءبىرشاما جوعارى بولۋ، ءدارى ـ دارمەكتى زەرتتەپ اشۋ، جاڭالىق اشۋ قابىلەتى تومەن بولۋ سياقتى ماسەلەلەر ءالى دە ورىن تەۋىپ وتىر، وسى ماسەلەلەردى شەشۋ ءۇشىن مەملەكەتتىڭ وڭىرلىك ەمدەۋ ورتالىعى قۇرىلىسىن ىلگەرىلەتۋ، دارەجەگە ءبولىپ ەمدەۋدى ىلگەرىلەتۋ، ءدارى ـ دارمەكپەن قامداۋدى قامتاماسىز ەتۋ ءتۇزىمىن كەمەلدەندىرۋ، ەمدەۋدى قامتاماسىزداندىرۋ ءتۇزىمى رەفورماسىن تەرەڭدەتۋ قاجەت، وسىنىڭ ءبارى ەمدەۋ رەفورماسىنىڭ دامۋىن ىلگەرىلەتۋدىڭ بەتالىسى.
ما شياۋۋي بىلاي دەپ اتاپ كورسەتتى: سيرەك كەزدەسەتىن اۋرۋدىڭ اۋرۋ سەبەبى كۇردەلى، سيرەك كەزدەسەتىن اۋرۋدىڭ اۋرۋ سەبەبىنە زەرتتەۋ جۇرگىزۋ، دارىگە قاتىستى زەرتتەۋ جۇرگىزۋ ەلىمىزدىڭ مەديتسينالىق نەگىزى مەن كلينيكالىق ۇشتاسۋىن ىلگەرىلەتىپ، عىلىمي زەرتتەۋدە قامال الۋدىڭ ماڭىزدى ورايى.
http://kazakh.people.com.cn/306614/15827684.html
