[قۇبىلىس]
جۋىرداعى جىلداردان بەرى، ەلىمىزدىڭ دەنساۋلىق ساقتاۋ ونىمدەرى سالاسى ورنىقتى دامىدى، جاستار دەنساۋلىق ساقتاۋ – كۇتىنۋ جاعىنداعى تۇتىنۋعا ءمان بەرە باستادى. مالىمەتكە قاراعاندا، جاستاردىڭ دەنساۋلىق ساقتاۋ تانىمىنىڭ ۇزدىكسىز كۇشەۋىنە بايلانىستى، وتباسىندا قولدانىلاتىن ەمدەۋ اسپاپتارىن ينتەرنەت ارقىلى ساتىپ الاتىن الارماندار توبىندا «90 – جىلدان كەيىنگى تۇلەكتەر» مەن «95 – جىلدان كەيىنگى تۇلەكتەر» سانى بارعان سايىن كوبەيدى. 2019 – جىلى ءتورتىنشى توقساندا، بەلگىلى ەلەكتروندى ساۋدا تەكشەسىندە الاقاتتىڭ ساتىلىم مولشەرى %355 ارتقان، ساتىپ الۋشىلاردىڭ بەلگىلى بولەگىن «90 – جىلدان كەيىنگىلەر» قۇراعان. «كۇتىنۋ» — كوپتەگەن جاستاردىڭ تۇرمىس تاسىلىنە اينالدى.
[باعا]
جىلۋ ساقتاۋ ستاكانىندا الاقات ءبورتتىرۋ، دەنساۋلىق تەكسەرتۋ كارتۋچكالارىن ساتىپ الۋعا ىنتا تانىتۋ، ەسەكجەلىم، قارا كۇنجىت قاتارلى زاتتاردى ساتىپ الۋ ... جاستاردىڭ تۇتىنۋعا ءمان بەرە باستاۋى جاس ۇرپاقتاردىڭ ءوز دەنساۋلىعىنا كوڭىل بولە باستاعاندىعىن كورسەتىپ، تۇتىنۋ كوزقاراسىنداعى وزگەرىس پەن تۇتىنۋ دارەجەسىنىڭ جوعارىلاعانىن ايگىلەيدى.
ءداستۇرلى تانىم بويىنشا، اۋىرىپ – سىرقاماسا بولعانى، دەنساۋلىعى جاقسى ەسەپتەلەتىن ەدى. تۇرمىس ورەسىنىڭ جوعارىلاۋىنا بايلانىستى، دەنساۋلىق تانىمى فيزولوگيالىق – پسيحيكالىق اقاۋسىزدىق پەن تۇرمىس تاسىلىندەگى اقاۋسىزدىق قاتارلى ءتۇرلى جاقتارعا ساياتىن بولدى، دەنساۋلىقتى قورعاۋ ءىسى كيىم – كەشەك، تۇراق، ىشپەك – جەمەك، ءجۇرىس – تۇرىس قاتارلىلاردىڭ تۇتاس بارىسىنا دەيىن كەڭەيدى. جاس شاقتا تەك قۇلشىنۋدى ءبىلىپ، دەنساۋلىققا ءمان بەرمەيتىن، قارتايعاندا عانا كۇتىنۋدى ويلايتىن يدەيا بىرتىندەپ قالىپ بارادى، ادامدار كۇتىنۋگە بارعان سايىن ەرتە باستان ءمان بەرەتىن بولۋدا، جاپالى قىزمەت ىستەۋ مەن دەنساۋلىعىن كۇتىمدەۋگە بىردەي ءمان بەرۋگە كۇش سالۋدا.
جاس تۇتىنۋشىلاردىڭ دەنساۋلىققا ءمان بەرۋى دەنساۋلىق ساقتاۋ بۇيىمدارى مەن ەمدەۋ اسپاپتارى قاتارلىلاردى ءوندىرۋ مەن ساتۋعا دەم بەردى، وتكەن 3 جىل ىشىندە، دەنساۋلىق ساقتاۋ – كۇتىنۋ ىستەرى ەل ىشىندەگى تۇتىنۋ قاتارىندا الدىڭعى ورىندا تۇرىپ، دەنساۋلىق ساقتاۋ ونىمدەرى بازارىنىڭ رولىنىڭ جىكتەلۋى اناعۇرلىم الۋان تۇرلىلەندى. ءسۇت سارسۋى بەلوگى قاتارلى سپورتتىق قورەكتىك ونىمدەردەن تارتىپ، امين قىشقىلى، تارماق تىزبەكتى امين قىشقىلى قاتارلى تاعامدىق تولىقتامالارعا دەيىن، يممۋنيتەت قۋاتىن جوعارىلاتىپ، ادام دەنەسىنە قاجەتتى ميكرو مولشەردەگى ەلەمەنتتەردى تولىقتاۋ ءۇشىن ىشەتىن ءتۇرلى ونىمدەردەن تارتىپ، اسقازان – ىشەك اقاۋسىزدىعىنا پايدالى باكتەريالارعا دەيىن، دەنساۋلىق ساقتاۋ ونىمدەرى جاس تۇتىنۋشىلاردىڭ قارسى الۋىنا بولەندى. كۇتىنۋ تانىمى ءورىسىنىڭ ۇزدىكسىز كەڭەيۋىنە بايلانىستى، دارالىققا بەت تۇزەگەن دەنساۋلىق ساقتاۋ جاعىنداعى قىزمەت وتەۋ تۇرلەرى مەن ساپالى دەنساۋلىق ساقتاۋ ونىمدەرى دەنساۋلىق ساقتاۋ كاسىپ سالاسىنىڭ جاڭا قىزۋ تۇيىىنىنە اينالىپ، ينتەرنەت ارقىلى دياگنوز قويۋ قاتارلى جاڭا تيپتەگى دياگنوز قويۋ – ەمدەۋ فورماسى دا جۇرتقا بارعان سايىن تانىس بولا باستادى. جاستاردىڭ كۇتىنۋگە بارعان سايىن ءمان بەرۋى تۇتىنۋ بازارىن دامىتۋمەن بىرگە، دەنساۋلىق ساقتاۋ جاعىنداعى قىزمەت وتەۋ تۇرلەرىنىڭ تۇرپاتىن جاڭالاۋ، دارەجەسىن جوعارىلاتۋدى دا جەدەلدەتتى.
http://kazakh.people.com.cn/306614/15827659.html
