جالپى حالىقتىق دەنە شىنىقتىرۋ كەڭ ءورىس اشتى

چىڭ يۇيتيان

[جاعداي]

جاڭا تيپتى ايدارشا ۆيروس وكپە قابىنۋ ىندەتىنەن ساقتانۋ – تىزگىندەۋ مەزگىلىندە، ينتەرنەت ارقىلى دەنە شىنىقتىرۋ، ۇيدە ارەكەتتەنۋ قاتارلى جاڭا فورمالار ۇزدىكسىز جارىققا شىعىپ، دەنە تاربيە جاعىنداعى تۇتىنۋ بازارىنىڭ جاڭا ارتۋ تۇيىنىنە اينالدى. ساندى دەرەكتەرگە قاراعاندا، بيىل 1 – ايدان 5 – ايعا دەيىن، دەنە تاربيە جاعىنداعى اسپاپتاردىڭ بولشەك ساتىلۋى سايكەستى مەزگىلدەگىدەن %152 ارتقان، مۇندا دەنە شىنىقتىرۋ اسپاپتارى، جۇگىرۋ ماشيناسى قاتارلى ۇيدە ارەكەتتەنۋ اسپاپتارىنىڭ ساتىلىم مولشەرى كورنەكتى ارتقان، جەكە – جەكە سايكەستى مەزگىلدەگىدەن %280.6 جانە %179 ارتقان. سپورتتىق تۇتىنۋعا، دەنساۋلىق سالاسىنا قارجى قوسۋ قالىڭ تۇتىنۋشىلاردىڭ ساپالى تۇرمىسقا ۇمتىلۋ، جان – جاقتىلى دامۋدى ورىنداۋ تىلەگىنىڭ قۋاتتى قوزعاۋشىسىنا اينالدى.

[باعا]

تىرشىلىكتىڭ ءمانى — قوزعالىستا، دەنساۋلىقتىڭ ساۋ – سالەمەت بولۋى تاماشا تۇرمىستىڭ ماڭىزدى نەگىزى. زەرتتەۋ ناتيجەسىنە قاراعاندا، ارەكەت جاساۋ مەن شىنىعۋ جاعىندا ءبىر يۋان قارجى قوسسا، ەمدەلۋ جاعىندا 7 – 8 يۋان شىعىمدى ازايتۋعا بولادى ەكەن. كوشە – كوشەلەردەگى الاڭ ءبيىن بيلەۋ،جەدەل جۇرۋدەن سىرت، كاسىپتىك جاقتاعى شىڭعا ورمەلەۋ، سايىسكەرلىك قاتارلىلارعا دەيىن، ادامدار تەر توگۋ بارىسىندا ءلاززاتقا بولەنىپ، دەنە قۋاتىن كۇشەيتۋمەن بىرگە، مىنەز – قۇلقىن دا كەمەلدەندىرىپ، ەرىك – جىگەرىن شىڭدايدى.

ازىقتانۋ جاعدايى جاقسارعان سايىن، سپورت تا تارتىمدى بولا تۇسەدى. كارتۋچكا ءبىتىرۋ باعاسى قىمبات، ۋاقىت شەكتەمەسى جوعارى بولعان ءداستۇرلى دەنە شىنىقتىرۋ ورىندارىمەن سالىستىرعاندا، بۇكىل حالىقتىق دەنە شىنىقتىرۋ قىزۋ ورلەۋى اناعۇرلىم مول مۇمكىندىكتەردى تۋىنداتۋدا. فورمالىق جاقتا، ۇيدە شىنىعۋ، شىنىعۋ بارىسىن تىكەلەي تاراتۋ قاتارلى تاسىلدەر ادامداردىڭ سىرتقا شىقپاي – اق عىلىمي شىنىعۋدى ورىنداۋىنا مۇمكىندىك بەردى؛ ورىن تاڭداۋ جاعىندا، ورتاق پايدالاناتىن دەنە شىنىقتىرۋ اياسى، الەۋمەتتىك دەنە شىنىقتىرۋ ورىندارى، يوگا سارايى قاتارلى جاڭا تيپتەگى دەنە شىنىقتىرۋ ورىندارى ادامداردى وزگەشە تالعاممەن قامدادى؛ مازمۇن جاعىندا، ءتۇرلى دەنە شىنىقتىرۋ گيمناستيكالارى، دەنە شىنىقتىرۋ جاعىنداعى تاۋەكەلشىلدىك ويىندارى، سپورتتىق جوقتامالارعا قاتىناسۋ قاتارلى قىزىقتى كەشىرمەلى مازمۇندار ادامدارعا تىڭ تىنىستى مازمۇنداردى سيلادى ... ينتەرنەت پەن كۇندەلىكتى تۇرمىستى ءبىر تۇلعالاندىرعان، سپورت پەن دەمالىستى بىردەي قامتىعان جالپى حالىقتىق دەنە شىنىقتىرۋدىڭ جاندى سۋرەت شيىرشىقتاماسى بىرتىندەپ جايىلىپ كەلەدى.

سپورتتىق دەنە شىنىقتىرۋ تەك تۇرمىسقا اناعۇرلىم مول ءنار سيلايتىن، قوعامعا اناعۇرلىم مول جالىن بەرەتىن ءبىر ءتۇرلى اقاۋسىز تۇرمىس ءتاسىلى عانا بولىپ قالماستان، وندا دەنە تاربيە كاسىپ سالاسىن دامىتۋ، تۇتىنۋ قۇرىلىمىنىڭ دارەجەسىن جوعارىلاتۋدى ىلگەرىلەتۋ سىندى زور ەكونوميكالىق كومەسكى قۋات قامتىلادى. جۋىرداعى جىلداردان بەرى، ءتۇرلى جالپىلىق سپورتتىق دەنە شىنىقتىرۋ نىساندارىنىڭ جالپىلاستىرىلۋى سپورتتىق كيىم – كەشەك، دەنە شىنىقتىرۋ اسپابى قاتارلى «ناقتى تيپتەگى» تۇتىنۋدىڭ ءوتىمدى بولۋىنا جول اشىپ قالماستان، دەنە تابيەلىك كۋرس، دەنە تاربيە جارىس تۇرلەرىنە قىزمەت وتەۋ، دەنە تاربيە سارايى ساۋداسىن جۇرگىزۋ قاتارلى «قاتىناسۋ تيپىندەگى» تۇتىنۋدىڭ دامۋىن دا جەبەدى. سونىمەن بىرگە، سپورتتىق دەنە شىنىقتىرۋدىڭ دامۋ ورايى كەنجەلەۋ وڭىرلەرگە قاراي قانات جايىپ، سپورتتىق قورەكتىك ونىمدەردى جاساۋ، سپورتتىق الەۋمەتتىك قارىم – قاتىناس تەكشەلەرى، تاعىلاتىن زەردەلى قۇرىلعىلار قاتارلى جاڭا گۇلدەنگەن سالالارداعى جاڭالىق جاراتۋ مەن كاسىپ كوزىن اشۋ دەنە تاربيە كاسىپ سالاسىنىڭ باي قيالداۋ قۋاتىنىڭ ءورىسىن كەڭەيتتى.

http://kazakh.people.com.cn/306614/15827388.html