1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

دياگنوز قويۋ – ەمدەۋ نىساندارىن شەكتەن تىس، الباتى پايدالانۋدىڭ تۇزاعىنا ءتۇسىپ قالماڭىز

شى بىن

日期:2020年10月14日
来源:人民网
【字体:

جياڭسۋ ولكەسى حۋاي – ان قالاسىندا 22 جاستاعى جىگىت بويىنىڭ 1.80 مەترگە جەتپەگەنىنە بولا ءوزىن قوراشسىنىپ، شەتەلگە بارىپ، سۇيەكتى ءۇزىپ، بويدى ءوسىرۋ وپەراتسياسىن جاساتقان سوڭ، ەكى اياعى اۋىر دارەجەدە قابىنىپ، جۇرە الماي قالعان، ءومىر بويى مۇگەدەك بولىپ قالۋى دا مۇمكىن ەكەن، قازىر ول حۋاي – ان قالاسىندا ەمدەلۋدە. ۇعىسۋعا قاراعاندا، «سۇيەكتى ءۇزىپ، بويدى ءوسىرۋ وپەراتسياسى» ينتەرنەتتە وتە تانىمالى، وتە – موتە، جاستار مەن وسپىرىمدەر بۇل تەحنيكاعا شامادان تىس تابىنۋدا.

«بوي ءوسىرۋ وپەراتسياسىنىڭ» رەسمي اتى «دەنە مۇشەسىن ۇزارتۋ وپەراتسياسى»، بۇل ءبىر ءتۇرلى ەرەكشە تۇزەتۋ وپەراتسياسى. كەيبىر ناۋقاستار تۋما كەمىستىك، سىرتقى جاراقات، وسپە، جۇعىمدالۋ قاتارلى سەبەپتەردەن سۇيەك كەمىستىك نەمەسە دەنە مۇشەسىنىڭ بىركەلكى جەتىلمەۋى قاتارلىلارعا شالدىعۋى مۇمكىن، وسىنداي ناۋقاستار دەنە مۇشەسىن ۇزارتۋ وپەراتسياسى ارقىلى تۇزەتۋدى قاجەت ەتەدى، الايدا، بۇل تەحنيكانى قولدانۋ كولەمى قاتاڭ شەكتەلەدى. بۇرىنعى مەملەكەتتىك دەنساۋلىق ساقتاۋ مينيسترلىگى 2006 – جىلى ۇقتىرۋ شىعارىپ، دەنە مۇشەلەرىن ءوسىرۋ وپەراتسياسىن جاساۋدى قاتاڭ باسقارۋدى تالاپ ەتىپ، دەنە مۇشەلەرىن ءوسىرۋ وپەراتسياسىنىڭ سۇيەك ءبولىمىنىڭ كلينيكالىق ەمدەۋ تەحنيكاسى ەكەنىن، مەديتسينالىق اجارلاندىرۋ نىسانىنا جاتپايتىنىن، مەديتسينالىق اجارلاندىرۋ قۇرىلىمدارىنىڭ مۇنداي وپەراتسيا جاساۋىنا بولمايتىنىن ايقىن بەلگىلەگەن.

الايدا، تەك وتە از ساندى ناۋقاستارعا قولدانىلاتىن «بوي ءوسىرۋ وپەراتسياسى» ۇنەمى جاي ادامدارعا ۇيلەسەتىن ءمۇسىن تۇزەۋ نىسانى بولىپ قۇبىلىپ الادى. اجارلاندىرۋ قۇرىلىمدارى مۇنداعى ساۋدا ورايىن بايقاپ، وپەراتسيا ارقىلى بوي ءوسىرۋ نىساندارىن باعىتتامالى تۇردە ورتاعا قويىپ، وسىدان مول پايداعا كەنەلۋدە.

«بوي ءوسىرۋ وپەراتسياسىنىڭ» شەكتەن تىس، الباتى پايدالانىلۋى دەنساۋلىققا اسا زور زيان جەتكىزەدى.كەيبىر اجارلاندىرۋ قۇرىلىمدارىنىڭ وپەراتسيا جاساۋ ورەسى تومەن، زارارسىزداندىرۋ شارالارى ناشار، وپەراتسيانىڭ ۇيلەسىمدىلىگىن ىسپاتتاۋدى قاتاڭ مەڭگەرە المايدى، كۇتىمدەۋ جانە ساۋىقتىرۋ قۇرىلعىلارى دا كەمەلدەنبەگەن، وسى سەبەپتەردەن وپەراتسيا ءساتسىز بولىپ، ناۋقاستار بارىنشا بەينەت شەگىپ، ەكونوميكالىق جاقتان زيان تارتادى. حۋاي – انداعى بۇل جىگىتتىڭ كەشىرمەسىنەن تەرەڭ ساباق الۋ كەرەك، بوي ءوسىرۋ وپەراتسياسى دەگەن الدامشىلىقتىڭ تۇزاعىنا تۇسكەندەر «بوي ءوسىرۋ» ارمانىنا جەتە الماعانىمەن قويماي، ومىرلىك بوداۋ بەرۋى مۇمكىن، بۇلاي ىستەۋ شىنىندا دا ورىنسىز.

ەمدەۋ نىساندارىن ۇيلەسىمدى ورىندا پايدالانۋ ءۇشىن، ءسوزسىز، ەمدەۋ نىساندارىنىڭ ۇيلەسىمدى كولەمىن قاتاڭ بەلگىلەۋ كەرەك. «بوي ءوسىرۋ وپەراتسياسى» قاتارلى قولدانۋ كولەمى وتە شەكتى ەمدەۋ نىساندارىن اسىرا ۇگىتتەۋدىڭ حالىق جۇرتشىلىعىنىڭ دەنساۋلىعىنا زيان جەتكىزەتىنىنە نەمقۇرايدى قاراۋعا بولمايدى. مۇنداي جاعدايدى جونگە سالۋدا، جۇرتشىلىقتىڭ دەنساۋلىق ساقتاۋ جاعىنداعى ءبىلىم ورەسى مەن پارىقتاۋ قابىلەتىن جوعارىلاتىپ، ەمدەۋ نىساندارىن شىعارعان ورىنداردىڭ الدامشى ۇگىتتەرىنە اربالىپ قالماۋىنا كۇش سالۋدان سىرت، ەمدەۋ نىساندارىنىڭ ەمدەۋ قۇرىلىمدارىنا جاتپايتىن ورىنداردا الباتى پايدالانىلۋى جاعدايىنا بارىنشا نازار اۋدارۋىمىز، بەلگىلەمەلەردى كەمەلدەندىرىپ، باقىلاۋ – باسقارۋدى كۇشەيتۋىمىز، پايدالانىپ كەتۋ وڭاي بولاتىن ەمدەۋ نىساندارىن تەحنيكالىق «قاپاسقا» قاماپ، قاتاڭ باقىلاۋ – باسقارۋ اياسىنا ەنگىزىپ، حالىق جۇرتشىلىعىنىڭ دەنساۋلىعىنىڭ اقاۋسىزدىعىن اناعۇرلىم ويداعىداي قورعاۋىمىز كەرەك.

http://kazakh.people.com.cn/306614/15826586.html