كۇندەلىكتى تۇرمىستا جۇرتشىلىق دەنساۋلىققا بارعان سايىن كوڭىل بولە باستادى، شىنىعۋ مەن ارەكەتتەنۋ جۇرت قالاۋىنا اينالدى. جۇمىستان تۇسكەن سوڭ، شىنىعۋ ورىندارىنا بارىپ، راحاتتانا تەر شىعارىپ، اپتا سوڭىندا ۇزاققا جۇگىرىپ، شىدامدىلىقتى شىنىقتىرۋ، مەرەكە – دەمالىس كۇندەرى تاۋعا شىعىپ، جىراقتارعا كوز تاستاۋ ... تاماشا شىنىعۋ ادەتى تەك دەنەنى شىنىقتىرىپ قالماستان، ادامنىڭ رۋحاني الەمىن دە جاقسارتادى، كوڭىل – كۇيدى تەڭشەپ، اقىل – ويعا قۋات بەرەدى.
قوعام دامۋىنىڭ قارقىنى تەزدەۋدە، قوعام دامۋىنداعى وزگەرىستەرگە ۇيلەسۋ ءۇشىن، تاماشا كۇيدى ساقتاۋ كەرەك، سپورتپەن اينالىسۋ، دەنە شىنىقتىرۋ ۇتىمدى شارا.
«دەنە تاربيەنىڭ پايداسى دەنەگە قۋات سيلاپ، وسى ارقىلى ءبىلىمدى ارتتىرىپ، كوڭىل – كۇيدى تەڭشەپ، جىگەردى جانيدى»، دەنە شىنىقتىرۋ ادامنىڭ دەنساۋلىعىن كۇشەيتىپ قالماستان، ادامنىڭ دەنە قۋاتىن كۇشەيتىپ، ادامنىڭ جىگەرىن تاسقىنداتادى، رۋحاني الەمىن شىڭايدى.
جايشىلىقتا قىزمەت بارىسىندا، جۇرت ۇنەمى نازاردى شوعىرلاندىرىپ، بار زەيىنىمەن ىسكە كىرىسەدى. بار زەيىنىمەن قىزمەتكە كىرىسۋ فيزولوگيالىق جانە پسيحيكالىق جاقتا كوپتەگەن ەنەرگيانى سارىپ ەتەدى. ال، دەنە شىنىقتىرۋ فيزولوگيالىق جانە پسيحيكالىق جاقتاعى ەنەرگيانى ارتتىرۋدىڭ قىمباتتى ءتاسىلى. دەنە شىنىقتىرعان كەزدە، ادام بۇكىل ىنتا – پەيىلىمەن سوعان بەرىلەتىندىكتەن، بۇل ۇلكەن ميدىڭ نەرۆتەرىن ىسكە قوسىپ، دەنە مۇشەلەرىنىڭ رولىن ارتتىرادى، وسىلايشا «ءۇرتىس قىزمەت ىستەۋ ۋاقىتىن» ارتتىرىپ، قىزمەتكە نازاردى شوعىرلاندىرۋ مەن قىزمەت ونىمدىلىگىن ارتتىرۋعا پايداسىن تيگىزەدى.
دەنە شىنىقتىرۋعا تاباندى بولىپ، ونى ادەتكە اينالدىرۋ كەرەك. ناتيجەسىن كورۋگە اسىقپاۋ كەرەك. كەيبىرەۋلەر ادەتتە دەنە شىنىقتىراتىن ادەتى بولماسا دا، دوستار شەڭبەرىنە جاريالاۋ ءۇشىن، 10 كيلومەترگە جۇگىرۋگە تىرىسادى، وسىنىڭ سالدارىنان ارەكەت مولشەرى شەكتەن اسىپ كەتۋى، ءتىپتى جارالانۋى مۇمكىن. كەيبىرەۋلەر ءاۋ باستا كۇش – قۋاتتى جاتتىقتىرۋعا كىرىسىپ، ۇنەمى جاتتىعۋ مولشەرىن ارتتىرۋعا بوي ۇرادى، ناتيجەدە بۇلشىق ەتتىڭ زاقىمدالۋىنا اپارىپ سوعۋى مۇمكىن. دۇرىس شىنىعۋدىڭ جولى تارتىپپەن بىرتىندەپ ادەت قالىپتاستىرۋ، شىنىعۋدى تۇرمىس تاسىلىنە اينالدىرۋ بولىپ تابىلادى، سوندا عانا دەنە شىنىقتىرۋ، جىگەردى شىڭداۋ ماقساتىنا جەتۋگە بولادى.
http://kazakh.people.com.cn/306614/15826593.html
