مەملەكەتتىك دەنساۋلىق ساقتاۋ جانە سالاماتتىق كوميتەتى رەسمي تورابىنىڭ حابارلاۋىنشا، 2020 – 2021 – جىلعى جۇقپالى اۋرۋ كوپ تارالاتىن ماۋسىمدا بۇكىل ەلىمىز بويىنشا جۇقپالى تۇماۋدان ساقتانۋ – تىزگىندەۋ قىزمەتىن اناعۇرلىم ويداعىداي ىستەۋ ءۇشىن، مەملەكەتتىك كەڭەستىڭ جاڭا تيپتى ايدارشا ۆيروس وكپە قابىنۋ ىندەتىنەن بىرلەسە وتىرىپ ساقتانۋ – تىزگىندەۋ مەحانيزمىنىڭ امبەباپ گرۋپپاسى بۇكىل ەلىمىزدەگى جۇقپالى تۇماۋدان ساقتانۋ – تىزگىندەۋ قىزمەتى جوباسىن (2020 – جىلعى نۇسقاسى) (تومەندە قىسقاشا «جوبا» دەپ اتالادى) بەكىتتى.
جوبادا ورتاعا قويىلۋىنشا، جەر – جەر «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ زاڭى»، «الەۋمەتتىك دەنساۋلىق ساقتاۋ جاعىنداعى توساتتان تۋىلاتىن شۇعىل جاعدايلارعا توتەپ بەرۋ ەرەجەسى» قاتارلى زاڭ – بەلگىلەمەلەرگە ساي، پارتيا – ۇكىمەت ورىندارى جەتەكشىلىك ەتۋ، تاراۋلار سەلبەسۋ، بۇكىل قوعامدى اتتانىسقا كەلتىرۋ، بۇكىل حالىق بولىپ اتسالىسۋ سىندى قىزمەت مەحانيزمى بويىنشا، ساقتانۋدى نەگىز ەتۋ، ساقتانۋ مەن ەمدەۋدى ۇشتاستىرۋ، جۇڭگوشا – باتىسشا شيپاگەرلىكتى سايكەستىرۋ، زاڭ بويىنشا، عىلىمي تۇردە اتقارۋ، بىرلەسە ساقتانۋ – تىزگىندەۋ سىندى تاكتيكادا تاباندى بولىپ، «باقىلاۋ – ولشەۋ جانە دابىل قاعۋدى كۇشەيتىپ، ءتۇيىندى توپتاردىڭ يممۋنيتەتىن ارتتىرىپ، كوپ ءتۇرلى اۋرۋدان بىرگە ساقتانۋ، ىندەت جاعدايىن ءبىرجاقتىلى ەتۋدى جۇيەگە ءتۇسىرۋ، ەمدەۋ – قۇتقارۋدى تياناقتاندىرۋ، كەڭ كولەمدە ۇگىتتەۋ جانە اتتانىسقا كەلتىرۋ» شارالارىن اتقارۋى، جۇقپالى تۇماۋدان ساقتانۋ – تىزگىندەۋ قىزمەتىن جاپپاي ورىستەتۋ كەرەك.
سونىمەن بىرگە، جوبادا قىزمەتتى ءبىرتۇتاس جوسپارلاۋ، تاراۋلار اراسىنداعى سەلبەستىكتى تىعىز ورىستەتۋ، جۇڭگوشا – باتىسشا شيپاگەرلىكتى سايكەستىرۋدى ىلگەرىلەتۋ، ىندەتكە قاتىستى باقىلاۋ – ولشەۋ، دابىل قاعۋ، سونداي – اق، تالداۋ جاساۋ – تۇجىرىمداۋ، كۇز بەن قىس مەزگىلىندە ءتۇرلى اۋرۋلاردان بىرگە ساقتانۋ، ءتۇيىندى توپتاردى جۇقپالى تۇماۋ ۆاكسيناسىن ەكتىرۋگە شابىتتاندىرۋ، ۆاكسينا ەكتىرۋدىڭ قولايلىلىعىن ارتتىرۋ، ءتۇيىندى قۇرىلىمدار مەن توپتار شوعىرلانعان ورىنداردا ىندەتتەن ساقتانۋ – تىزگىندەۋدى كۇشەيتۋ، شوعىرلى سيپاتتاعى ىندەت جاعدايىن دەر كەزىندە ءبىرجاقتىلى ەتۋ، ەمدەۋ قىزمەتكەرلەرىنىڭ جۇقپالى تۇماۋدان ساقتانۋ – ەمدەۋ ورەسىن جوعارىلاتۋ، الدىن الا تەكسەرىپ، دياگنوزىن ايىرۋدى قاتاڭ ىستەۋ، قۇتقارۋ – ەمدەۋ قىزمەتىن كۇش سالا ويداعىداي ىستەۋ، جۇڭگوشا شيپاگەرلىك ءدارى – دارمەكتەرى ارقىلى جۇقپالى تۇماۋدان ساقتانۋ – ەمدەۋ قىزمەتىن ءبىرتۇتاس جوسپارلاپ، ويداعىداي ىستەۋ، ەمحانا ىشىندە جۇعىمدالۋدى تىزگىندەۋدى ويداعىداي ىستەۋ، حالىقارالىق اۋىس – كۇيىستى كۇشەيتىپ، ساقتانۋ – تىزگىندەۋ قىزمەتىن تياناقتاندىرۋدى مىقتى ۇستاۋ، ساقتانۋ – ەمدەۋ بۇيىمدارىمەن قامداۋدى شىنايى قامتاماسىزداندىرۋ قاتارلى 17 ءتۇرلى جاقتان بۇكىل ەلىمىزدەگى جۇقپالى تۇماۋدان ساقتانۋ – تىزگىندەۋ قىزمەتىنە اناعۇرلىم ءدال، اناعۇرلىم تىڭعىلىقتى تالاپتار ورتاعا قويىلدى.
http://kazakh.people.com.cn/155425/15825870.html
