مەملەكەت مەرەكەسى، ورتا كۇز مەرەكەسى تاياپ قالدى، كوپتەگەن ورىندا مەرەكەلىك يگىلىك تاراتۋ ءداستۇرى بار. مەرەكە - مەيرامدا يگىلىك تاراتۋدىڭ نەگىزى نە؟ جەر - جەردە قانداي جاڭا ولشەمدەر بار؟ يگىلىك تاراتۋدا نەلەرگە كوڭىل ءبولۋ كەرەك؟
2014 – جىلى جۇڭحۋا مەملەكەتتىك باس جۇمىسشى ۇيىمى كەڭسەسى «نەگىزگى ساتى جۇمىسشى ۇيىمىنىڭ قاراجات كىرىس - شىعىسىن باسقارۋدى كۇشەيتۋ جونىندەگى ۇقتىرۋدى» باسىپ تاراتىپ، قانداي يگىلىكتەردى تاراتۋعا بولاتىنىن، قايتكەندە جۇمىسشى - قىزمەتكەرلەردىڭ بەلگىلەمە بويىنشا قالىپتى يگىلىك مامىلەسىنەن كەنەلۋىنە كەپىلدىك ەتۋگە بولاتىنىن ايقىن بەلگىلەدى.
وسى نەگىزدە 2017 - جىلى مەملەكەتتىك باس جۇمىسشى ۇيىمى كەڭسەسى تاعى دا «نەگىزگى ساتى جۇمىسشى ۇيىمىنىڭ قاراجات كىرىس - شىعىسىن باسقارۋ ادىسىنە وزگەرىس ەنگىزىپ جانە جاريالاپ، نەگىزگى ساتى جۇمىسشى ۇيىمىنىڭ مەرەكە - مەيرامدا بارلىق مۇشەلەرگە مەرەكەلىك حال سۇراۋ بۇيىمدارىن تاراتۋىنا بولاتىنىن ايقىندادى. «ادىستە» مىنالار اتاپ كورسەتىلدى: باستى مەرەكە - مەيرام مەملەكەت بەلگىلەگەن، زاڭدا بەلگىلەنگەن مەرەكە - مەيرامدى (جاڭا جىل، كوكتەم مەرەكەسى، كوك شىبىق مەرەكەسى، ەڭبەكشىلەر مەرەكەسى، قياق كۇرىش مەرەكەسى، ورتا كۇز مەرەكەسى جانە مەملەكەت مەرەكەسى قامتىلادى) جانە اۆتونوميالى رايوننان جوعارى حالىق ۇكىمەتىنىڭ بەكىتۋىمەن تۇراقتاندىرىلعان از ۇلتتاردىڭ مەرەكەسىن كورسەتەدى. مەرەكەلىك حال سۇراۋ بۇيىمدارى پرينسيپتىك جاقتان جۇڭگونىڭ ءداستۇرلى مەرەكە ادەتىنە ۇيلەسەتىن بۇيىمدار جانە قاجەتتى تۇرمىستىق بۇيىمدار، ت. ب. بولۋى كەرەك، نەگىزگى ساتى جۇمىسشى ۇيىمدارىنىڭ ءىس جۇزىندىك جاعدايمەن ۇشتاستىرىپ، قولايلى، يكەمدى تاراتۋ ءتاسىلىن قولدانۋىنا بولادى.
اتقارۋ احۋالىنان قاراعاندا، نەگىزگى ساتى ورىندارىنىڭ كوبى بەلگىلەمە بويىنشا جۇمىسشى - قىزمەتكەرلەرگە لايىقتى يگىلىك بەرەدى. بيىل بۇكىل ەل بويىنشا كوپتەگەن جەر تاراتۋ ولشەمىن جوعارىلاتتى. ماسەلەن، شاڭحاي قالالىق باس جۇمىسشى ۇيىمى ءارقايسى نەگىزگى ساتى جۇمىسشى ۇيىمىنىڭ مەرەكە - مەيرامدا حال سۇراۋ بۇيىمىن تاراتۋ ولشەمى نەگىزىندە، ءبىر رەتتىك مەرەكەلىك حال سۇراۋ سوماسىن كوبەيتتى، بۇل شاڭحاي قالاسىنىڭ شىعىس، باتىس بولەكتەردىڭ كەدەيلەردى سۇيەمەلدەۋ سەلبەستىگى ونىمدەرىن جانە سالالار بويىنشا كومەك بەرەتىن رايونداردىڭ كەدەيلەردى سۇيەمەلدەۋ بۇيىمدارىن ساتىپ الۋعا جۇمسالادى، ولشەم ادام باسىنا 500 يۋاننان اسىرىلمايدى.
ءىس جۇزىندە ءبىرسىپىرا جەر بىلتىر – اق ىسكە كىرىستى. ماسەلەن، بەيجيڭنىڭ مەرەكەلىك حال سۇراۋ بۇيىمدارىنىڭ ولشەمى تۇتاس جىلدىق شىعىس جالپى سوماسى سول جىلعى سول دارەجەلى جۇمىسشى ۇيىمىنىڭ قاراجات مەجە ەسەپ شىعىسىنىڭ %30 ىنەن جوعارى بولماۋدان سول جىلعى سول دارەجەلى جۇمىسشى ۇيىمىنىڭ قاراجات مەجە ەسەپ كىرىسىنىڭ %50 ى بولۋعا رەتتەلدى؛ شانشي ولكەلىك باس جۇمىسشى ۇيىمى نەگىزگى ساتى جۇمىسشى ۇيىمىنىڭ مەرەكەلىك حال سۇراۋ بۇيىمىن تاراتۋ ولشەمىنىڭ جوعارى شەگىن 700 يۋانعا جوعارىلاتۋدى ايقىندادى، ءاربىر مۇشەنىڭ جىلدىق جالپى سوماسى 2 مىڭ 200 يۋاننان اسىپ كەتپەۋى كەرەك.
جۇمىسشى - قىزمەتشىلەردىڭ مەرەكەلىك يگىلىگىن تاراتقاندا دا قارجى قاينارىنىڭ ۇيلەسىمدىلىگىنە نازار اۋدارۋ كەرەك، ۇكىمەت اقشاسىن نەمەسە قىزمەت قاراجاتىن الباتى جۇمساۋعا بولمايدى، سونداي - اق ەسەپ سىرتىنان ەسەپ اشۋعا، شاعىن كاسسا قۇرۋعا بولمايدى. سونىمەن بىرگە، تاراتۋ فورماسىن يگەرۋ كەرەك، جوعارى دارەجەدەگى ءسان - سالتانات تاۋارلارى، زات ساتىپ الۋ كارتوچكالارى، اقشا بەلەتى سياقتىلاردى تاراتۋعا بولمايدى. مۇنان سىرت، ۇنەمشىلدىككە دە نازار اۋدارۋ، استا - توك ىسىراپشىلدىققا سالىنباۋ كەرەك.
http://kazakh.people.com.cn/306614/15825615.html
