1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

جۇرەك - قان تامىر اۋرۋلارىنىڭ وزگەرىسىن قايتكەندە ەرتەرەك بايقاۋعا بولادى؟

日期:2020年09月18日
来源:人民网
【字体:

  «ءۇشتىڭ جوعارى بولۋى» (جوعارى قان قىسىم، قانداعى ماي قۇرامىنىڭ جوعارى بولۋى، قانداعى قانىت قۇرامىنىڭ جوعارى بولۋى) كەلتىرىپ شىعارعان جۇرەك - قان تامىر اۋرۋى قارتتاردىڭ دەنساۋلىق جاعىنداعى ماڭداي الدى جەندەت. كەيبىر ناۋقاستاردىڭ اۋرۋ جاعدايى توتەنشە جاسىرىن بولادى، ەشقانداي كلينيكالىق اۋرۋ بەلگىسى بولماعان كەزدە ءتاج ارتەرياسىنىڭ تارايۋى نەمەسە جۇرەك قىزمەتىنىڭ تولىق بولماۋى جارىققا شىعادى. مۇنداي جۇرەك قان - تامىر اۋرۋلارىنىڭ وزگەرىسىن قايتكەندە ەرتەرەك بايقاۋعا بولادى؟ گۋاڭجوۋ جۇڭگوشا شيپاگەرلىك داشۋەسىنە قاراستى 1 ـ شيپاحانانىڭ ورىنباسار اعا شيپاگەرى جوۋ جيە جۇرەكتى سۋرەتكە ءتۇسىرۋ تەكسەرۋىن ۇسىنىس ەتتى.

  مىسالى، جۇرەكتىڭ رەڭدى ۋلترا دىبىس تولقىنى جۇرەك قۋىسىنىڭ ىشكى قۇرىلىمىن، جۇرەكتىڭ سوعۋىن جانە قاننىڭ اعىسىن جاندى تۇردە كورسەتەدى، باستى ارتىقشىلىعى تەز، رادياتسياسىز تەكسەرۋ، جۇرەك قارىنشاسىنىڭ ۇلكەن – كىشىلىگىنىڭ قالىپتى - قالىپسىزدىعىن، جۇرەك قىزمەتىنىڭ قالىپتى - قالىپسىزدىعىن كورسەتەدى، ءبىراق ءتاج ارتەرياسىنىڭ اۋرۋ وزگەرىسى مەن جۇرەك بۇلشىق ەتىنىڭ زاقىمدالعانىن كورسەتە المايدى.

  ءتاج ارتەرياسىن CTمەن تەكسەرۋ كەزەكتە جۇرەك قان تامىر جۇيەسىندە ەڭ كەڭ كولەمدە قولدانىلادى، بۇل جۇرەكتىڭ ىشكى قۇرىلىمىن كورسەتەدى، ءتاج ءتارىزدى ارتەريا انىق كورىنىپ، ءتاج ءتارىزدى ارتەريانىڭ اۋرۋ وزگەرىسى تىكەلەي انىقتالادى. «ءۇشتىڭ جوعارى بولۋى» بار ادامدار تەكسەرۋ ارقىلى ارتەريا قابىعىنىڭ قاتايعان - قاتايماعاندىعىن انىقتايدى، قويمالجىڭ داقتىڭ جاعدايىنا تۇجىرىم جاسايدى، داقتاردىڭ قايسىسىنىڭ ورنىقتىلىعىن، تۇراقسىزدىعىن پارىقتاپ، ءتاج ارتەرياسىنىڭ تارايۋ دارەجەسىن ولشەۋگە بولادى، جالپى تۇلعالىق باعالاۋ دياگنوز قويۋ ولشەمىنە جەتكەن – جەتپەگەندىگىن تۇراقتاندىرادى. ءبىراق تەكسەرگەندە رادياتسيا مولشەرى سالىستىرمالى جوعارى بولادى، ونىڭ ۇستىنە جۇرەك قىزمەتىن تەكسەرۋ شەكتەمەگە ۇشىرايدى، جۇرەك رەڭدى ۋلترا دىبىس تولقىنى مەن جۇرەك ماگنيت رەزونانسىنا جەتپەيدى.

  جۇرەك ماگنيتتىك رەزونانستىق تەكسەرۋدىڭ تاماشا جۇمساق تكانداردى تەكسەرۋ قابىلەتى بار، بۇل جۇرەكتىڭ ىشكى قۇرىلىمىن انىق كورسەتىپ، جۇرەك بۇلشىق ەتىنىڭ جۇمساق تكاندارىنىڭ نازىك وزگەرىسىنە تالداۋ جاساپ، كوپ رەتتەگى العاشقى مەزگىلدە «ءۇشتىڭ جوعارى بولۋى» تۋدىرعان جۇرەك بۇلشىق ەتىنىڭ زاقىمدالۋىن بايقايدى. سونىمەن بىرگە، جۇرەكتىڭ ارەكەت احۋالىن كورسەتەدى، جۇرەكتىڭ جيىرىلۋى مەن كەڭەيۋىنە ءتىپتى دە دۇرىس باعا بەرىپ، باستاپقى كەزدەگى جۇرەك قىزمەتىنىڭ تولىق بولماۋىن تەكسەرەدى، الايدا، بۇل رەتكى تەكسەرۋگە شامامەن 40 مينۋت ۋاقىت كەتەدى، ءتاج ءتارىزدى ارتەريانىڭ كەسكىندەلۋى CTعا جەتپەيدى.

  جوۋ جيە بىلاي دەپ ۇسىنىس بەردى: «ءۇشتىڭ جوعارى بولۋى» بار ادامدار جوعارىداعى تەكسەرۋ تاسىلدەرىن ەرتەرەك ۇيلەسىمدى قولدانىپ، «ءۇشتىڭ جوعارى بولۋى» كەسىرىنەن ءتاج ارتەرياسىنىڭ قاتايۋىنان نەمەسە جۇرەك بۇلشىق ەتىنىڭ زاقىمدالۋىنان ساقتانۋ كەرەك. دەر كەزىندە سايكەستى شارالار قولدانىپ اۋرۋ جاعدايىنىڭ دامۋىن تىزگىندەگەندە، جۇرەك - قان تامىر ناشارلاۋ وقيعالارىنىڭ تۋىلۋىن كەشەۋىلدەتۋگە نەمەسە ودان ساقتانۋعا بولادى.

http://kazakh.people.com.cn/306614/15824557.html