1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

جابىعۋ اۋرۋى دەنساۋلىق تەكسەرۋگە ەنگىزىلە مە؟ قانشا تەز بولسا سونشا جاقسى!

日期:2020年09月18日
来源:人民网
【字体:

  جۇڭگودا جابىعۋ اۋرۋىنىڭ جۇرت نازارىنا ءىلىنۋى دە مولشەرمەن تاياۋداعى ون نەشە جىلدان بەرگى ءىس. بۇرىن ادامدار بۇل تۇردەگى اۋرۋدى تۇسىنە بەرمەيتىن، مۇنى كوڭىلسىز بولۋ دەپ قارايتىن. كەيىن كەلە دارىگەرلىك ءبىلىمنىڭ جالپىلاسۋىنا بايلانىستى، جابىعۋ اۋرۋى ءبىر ءتۇرلى رۋحاني اۋرۋ رەتىندە بىرتىندەپ جۇرت نازارىن اۋدارا باستادى. ءبىراق بۇعان ءالى دە كوپتەگەن ادامدار ءمان بەرمەيدى، جابىعۋ اۋرۋىنا شالدىقسا وقاسى جوق دەپ قارادى.

  ءىس جۇزىندە، جابىعۋ اۋرۋى ءوزىن - ءوزى ولتىرۋگە اپارىپ سوعاتىندىقتان، وعان استە نەمقۇرايدى قاراۋعا بولمايدى. ماماندار بىلاي دەگەن: ەگەر اۋىر دارەجەدەگى جابىرقاۋ ناۋقاسىنا شالدىققان ادامنان ەگەر ءسىزدى ماشينا سوعىپ كەتسە قايتەمىز دەپ سۇراساڭىز ولار «وندا نە تۇر» دەپ جاۋاپ قايتارادى، ءتىپتى وتە جاقسى بولاتىن ەدى دەپ سەزىنەدى. قۇرىلىمدىق تەكسەرۋدە اۋىر دارەجەدەگى جابىعۋ اۋرۋىنا شالدىققانداردىڭ ءوزىن ءولتىرۋ ىقتيمالدىعى ادەتتەگى ادامداردان 20 ەسە جوعارى بولاتىندىعىن ايتقان.

  سوندىقتان جابىعۋ اۋرۋى استە ەلەۋسىز قارايتىن كىشى - گىرىم اۋرۋ ەمەس. الايدا، بۇكىل قوعام كوڭىل ءبولىپ، كوڭىل كۇي جاقتان جەتەكشىلىك ەتۋ مەن ەمدەۋدى كۇشەيتسە، كوڭىل كۇيدى تەڭشەۋگە باسا ءمان بەرىپ، بەلسەنە ساقتانسا، باسىم كوپ ساندى ادامدار جابىعۋ اۋرۋىنان اۋلاق بولا الادى. ال، توتەپ بەرۋ جانە ەمدەۋ ءۇشىن، ءبىر العى شارت، اتاپ ايتقاندا، ەرتە ەكشەپ تەكسەرۋ قىزمەتىن ويداعىداي ىستەۋ كەرەك.

  جۋىردا عانا مەملەكەتتىك دەنساۋلىق ساقتاۋ، سالاماتتىق كوميتەتى «جابىعۋ اۋرۋىنان ساقتانۋ جانە ونى ەمدەۋگە ەرەكشە قىزمەت كورسەتۋ قىزمەت جوباسىن» باسىپ تاراتىپ، سىناق ءتۇيىنى ءوڭىرىنىڭ 2022 ـ جىلعا دەيىنگى قىزمەت نىساناسىن بەلگىلەدى: بۇقارانىڭ جابىعۋ اۋرۋىنان ساقتانۋ جانە ونى ەمدەۋ بىلىمدەرىن ءبىلۋ مولشەرىن %80كە جەتكىزۋ، جابىعۋ اۋرۋىنا دياگنوز مولشەرىن %50 جوعارىلاتۋ، ەمدەۋ مولشەرىن %30 جوعارىلاتۋ، رۋحاني اۋرۋ ماماندىعى جوق شيپاحانالاردىڭ جابىعۋ اۋرۋىن پارىقتاۋ مولشەرىن %50 جوعارىلاتۋ سياقتىلاردى قامتيدى.

  جوبادا ايقىندالعان ءتۇيىندى مىندەتتەردىڭ ءبىر ءتۇرى جۇرت نازارىن اۋداردى، ياعني ءار ءتۇرلى دەنساۋلىق تەكسەرۋ ورتالىقتارى دەنساۋلىق تەكسەرۋ نىساندارىنا كوڭىل كۇيىن باعالاۋ مازمۇنىن ەنگىزۋمەن بىرگە، نەگىزگى ساتى ەمدەۋ، دەنساۋلىق ساقتاۋ قۇرىلىمدارى ءىس جۇزىندىك قىزمەتپەن ۇشتاستىرىپ، ءتۇيىندى قاۋىمنىڭ پسيحيكالىق اقاۋسىزدىعىن باعالاۋ قىزمەتىن ورىستەتەدى.

  اتاپ ايتقاندا، تەكسەرۋ تەبىنىن ارتتىرىپ، ەرتە بايقاۋ، ەرتە ارالاسۋ كەرەك. ساقتىقتا قورلىق جوق، جابىعۋ اۋرۋى ەندى عانا بوي كورسەتكەن كەزدە دەر كەزىندە ءبىر جايلى ەتىلسە، ەمدەۋ ەڭ ساپالى بولادى. ويتپەگەندە كوپتەگەن ادامدار ٶزىنىڭ جابىعۋ اۋرۋىنا دۋشار بولعانىن دا بىلمەي قالادى، وندا ەمدەۋ ءتىپتى دە قيىنعا تۇسەدى.

  ەندەشە، قانداي ادامدار جابىعۋ اۋرۋىنا وڭاي شالدىعادى؟ جوعارىداعى تىلگە تيەك ەتىلگەن ءتۇيىندى توپتار دەگەنىمىز جاستار مەن ورەندەر، جۇكتى ايەلدەر، قارتتار، جوعارى قىسىمدى كاسىپتەگىلەر. بۇل ادامداردىڭ ورتاق ەرەكشەلىگى قىسىم كۇشتى بولادى.

  جاستار مەن ورەندەردىڭ وقۋ جاعىنداعى قىسىمى بار، ونىڭ ۇستىنە جاسى كىشى بولعاندىقتان، جان دۇنيەسى كىشكەنتاي ىستەرگە دە تۇزە المايدى، كوڭىل كۇيى وڭاي ناشارلايدى؛ جۇكتى ايەلدەر مەن بوسانعان ايەلدەردىڭ انالىق گورمونىنىڭ دەڭگەيىندە وزگەرىس زور بولادى، بالانى باعۋ قىسىمى بار، بالا تۋۋ وڭاي، بالا باعۋ قيىن، اسىرەسە، قازىر بالا تاربيەلەۋ ماسەلەسى ەرەكشە اۋىر بولىپ وتىر، ويلاساڭ بولدى باس اۋىرادى؛ قارتتاردا جالعىزسىراۋ قىسىمى بار، ولار قوعامنان بىرتىندەپ الىستاپ بارادى، ەلدەن اۋاشالانىپ بارادى، جۇباتۋ كەم بولعاندىقتان، قارتتاردىڭ جابىرقاۋى دا سوعان ىلەسە ارتىپ كەلەدى؛ جوعارى قىسىمدى كاسىپتەگىلەر، ولار ءدال قاربالاس قىزمەتتىڭ باسىمدىلىعىنان مۇرىندارىنا سۋ جەتپەي جۇرەدى، جۋىردا، «سىرتتان تاماق تاسۋشىنىڭ جۇيەنىڭ ىشىندە قامالىپ قالۋى» دەگەن ماقالا قىزۋ تالقىعا اينالدى، ول جوعارى ونىمدىلىككە تالپىنعان قىزمەتتىڭ ادامدارعا اكەلگەن وراسان زور پسيحولوگيالىق قىسىمىن بەينەلەدى.

  ناقتىلاي ەسەپتەگەندە وسى ءتورت توپتاعى ادامدار از دەگەندە جۇڭگو حالقىنىڭ تەڭ جارىمىن يەلەيدى. ويتكەنى جابىعۋ اۋرۋىنىڭ جاسىرىن ىقپال جاسايتىن ادامدار شوعىرىنىڭ كولەمى وسىنشاما ۇلكەن، سوندىقتان اۋرۋعا شالدىعۋ مولشەرى وتە تومەن بولعان كۇننىڭ وزىندە دە، ناقتىلى اۋرۋ ادام سانى وتە كورنەكتى بولادى. وسى كەزدە مەملەكەتتىك دەنساۋلىق ساقتاۋ، دەنساۋلىق ساقتاۋ كوميتەتى شىعارعان اتالمىش جوباعا قايتا كوز جىبەرسەك، ءدال ۋاعىندا شىعارىلعاندىعىن بايقايمىز. جابىعۋ اۋرۋىنىڭ دەنساۋلىق تەكسەرۋ نىسانىنا تەزىرەك ەنۋىن شىن جۇرەكتەن ءۇمىت ەتەمىز، قانشا تەز بولسا سونشا جاقسى!

http://kazakh.people.com.cn/306614/15824555.html