مەملەكەت مەرەكەسى دەمالىسى مەن ورتاڭعى كۇز مەرەكەسى تاياپ قالدى، ايكۇلشە سياقتى ءداستۇرلى مەرەكەلىك ازىق ـ تۇلىكتەر، ساياحات، اس – سۋ سياقتى تۇتىنۋ تۇرلەرى «قوس مەرەكەدەگى» تۇتىنۋدىڭ قىزعىن تۇيىنىنە اينالادى. بۇل جونىندە شانشي ولكەلىك تۇتىنۋشىلار قوعامى قالىڭ تۇتىنۋشىلارعا مىنانى ەسكەرتتى، زات ساتىپ الۋ مەن قىزمەت وتەۋدە ورىندى تۇتىنىپ، جاسىل، ۇنەمدى تۇتىنۋ ءتاسىلىن دارىپتەۋ كەرەك، ءتۇرلى تۇتىنۋ تۇزاعىنا تۇسۋدەن ساقتانۋ كەرەك.
تۇتىنۋشىلار قوعامى مىنانى ەسكەرتەدى: تۇتىنۋشىلار ايكۇلشە ساتىپ العاندا، ساۋدا ەرەن بازارى مەن بازاردى دۇرىس تاڭداۋ، كۋالىكسىز ازىق - تۇلىك جايماسىنان، جىلجىمالى ساۋداگەرلەردەن بەتالدى ساتىپ الماۋ كەرەك، زاۆود اتى، مەكەن - جايى، وندىرىلگەن ۋاقىتى جانە كەلۋ قاينارى بەلگىسىز ايكۇلشە ساتىپ الۋدان ساقتانۋ كەرەك. توراپتان ايكۇلشە ساتىپ العاندا، جۇيەلى توراپ بەكەتىن نەمەسە ايگىلى ماركالى زاۆودتىڭ رەسمي توراپ بەكەتىن تاڭداۋ، تابيعي، قوسپاسىز « ءۇي ايكۇلشەسىن» كوزسىزدىكپەن قولپاشتاماۋ كەرەك.
سىرتقا شىعىپ ساياحاتتاۋدى ويلاستىرعاندا، تۇتىنۋشىلار، ءسوز جوق، سەنىمدى، كەپىلدىككە يە جۇيەلى ساياحات مەكەمەسىن تاڭداۋى، رەسمي توراپ ساياحات تەكشەسىن تاڭداۋى كەرەك، «بالىق اۋلايتىن توراپ بەكەتىنىڭ» الدام قالتاسىنا تۇسۋدەن ساقتانۋ كەرەك؛ رەسمي ساپار توقتامىنا قول قويۋعا كوڭىل ءبولۋ كەرەك، ساياحات كورىنىس رايونى، جاتىن ورنى، ساياحات جولى، سونداي – اق باسقا دا ماڭىزدى ىستەر توقتامدا تولىق جازىلعان بولۋى، تارماقتارى ەگجەي - تەگجەيلى جازىلعان بولۋى، ۇقىق پەن جاۋاپكەرشىلىك ايقىن بولۋى كەرەك؛ ىندەتتەن ساقتانۋ جانە ونى تىزگىندەۋ كەزىندە، تۇتىنۋشىلار ساياحات ورىندارىنداعى كەيبىر ساياحات جاقتارىنداعى ساياساتتىق بەلگىلەمەلەر مەن ساياحات تۇتىنۋ ينفورماتسيالارىن الدىن الا تەكسەرىپ، ابايلاپ بارۋى، حاۋىپسىزدىككە شىنايى كەپىلدىك ەتۋى كەرەك؛ ساۋداگەرلەردىڭ ءار ءتۇرلى ساياحات ۇگىتىنە سەنە سالماۋ، تومەن باعاداعى ساياحات ۇيىرمەلەرىنەن اۋلاق بولىپ، ساياحات ۇيىرمەلەرىنىڭ زات ساتىپ الۋ ۇيىرمەسىنە اينالۋىنان ساقتانۋ كەرەك.
سونىمەن بىرگە تۇتىنۋشىلار سىرتتا تاماقتانعاندا، كۋالىگى تولىق، سەنىمدىلىگى جاقسى اسۋ – سۋ قىزمەتىن وتەيتىن اسحانالاردان تاماق بۇيىرتۋى، تاماق بۇيىرتۋ الدىندا تاماق تالونىنىڭ باعاسىن تەكسەرۋگە كوڭىل ءبولۋ كەرەك، باعاسى اشىق جازىلعان - جازىلماعانىن بايقاۋى نەمەسە باعا مەن اقى الۋ ولشەمىن الدىن الا سۇراستىرۋى كەرەك، «باعانى تومەن ايتىپ، ارتىنان جوعارى الۋ» سياقتى تۇتىنۋ تۇزاعىنان ساقتانۋ كەرەك. تۇتىنۋشىلار تاماقتانعاندا تازالىققا ءمان بەرىپ قالماستان، تاماقتاناتىن ادام سانىنا نەگىزدەلىپ ۇيلەسىمدى تاماقتانۋ، «تاماقتى تۇگەتىپ جەۋدى» دارىپتەپ، اسىپ قالعان تاماقتى الىپ كەتۋى كەرەك.
شانشي ولكەلىك تۇتىنۋشىلار قوعامى مىنانى ەسكەرتەدى: «قوس مەرەكە» كەزىندە تۇتىنۋشىلار تۇتىنۋعا قاتىستى بەلەت - كۋالىكتەر مەن قاتىستى كۋالىكتەردى ساقتاپ قالىپ، زاڭدى ۇقىق - مۇددەسى زيانعا ۇشىراعاندا، ءوزىنىڭ زاڭدى ۇقىق - مۇددەسىن قورعاۋ ءۇشىن قاتىستى تاراۋلار مەن تۇتىنۋشىلار قوعامى ۇيىمدارىنا دەر كەزىندە ارىز بەرۋى كەرەك.
http://kazakh.people.com.cn/306614/15824553.html
