1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

ءبارىمىز «قورەكتىك تاعام» جاعىندا كۇش شىعارايىق

日期:2020年09月18日
来源:人民网
【字体:

  وسپىرىمدەر ساۋ دەنەلى بولسا، مەملەكەت قۋاتتى بولادى، ۇرپاقتاردىڭ قورەكتىگىنىڭ اقاۋسىزدىق ورەسى مەملەكەتتىڭ بولاشاعىن بەلگىلەيدى. كوپتەگەن مەملەكەتتەر وقۋشىلاردىڭ قورەكتىگىن جاقسارتۋدى تەڭدىكتى نىعايتۋ، قوعامدىق پارىقتى ازايتۋداعى ماڭىزدى شارا رەتىندە قاراپ كەلەدى ءارى بىرتىندەپ مەملەكەتتىڭ ساياساتتىق جۇيەسىنە ەنگىزۋدە. ەلىمىز 2011 – جىلدان باستاپ، اۋىل – قىستاقتارداعى مىندەتتى وقۋ – اعارتۋ كەزەڭىندەگى وقۋشىلاردىڭ قورەكتىگىن جاقسارتۋ جوسپارىن اتقاردى، 10 نەشە جىلدان بەرى، اۋىل – قىستاقتارداعى 40 ميلليوننان استام بالا قورەكتىك تاعامنان يگىلىكتەندى، مۇنداي ناتيجە ادامدى قۋانتادى.

  زەرتتەۋ ناتيجەلەرىنە قاراعاندا، وقۋ جاسىنداعى كەزەڭمەن سالىستىرعاندا، وقۋعا ءتۇسۋ الدىنداعى كەزەڭدەگى، وتە – موتە، 3 جاستان بۇرىنعى كەزەڭدەگى قورەكتىك جاعدايى ۇلكەن ميدىڭ جانە زەيىن – زەردەنىڭ جەتىلۋىنە، ءتىپتى پسيحولوگيالىق اقاۋسىزدىققا اناعۇرلىم زور ىقپال جاساپ، ءبىر ادامنىڭ جەتىلۋىندە اناعۇرلىم شەشۋشى رول اتقارادى. قازىر اۋىل – قىستاقتارداعى جارىم جاستان ءۇش جاسقا دەيىنگى نارەستەلەر مەن سابيلەردىڭ ءبىر ءبولىمى مەملەكەتتىك دەنساۋلىق ساقتاۋ – سالاماتتىق كوميتەتى، جۇڭگو بالالار مەن وسپىرىمدەر قور قوعامى قاتارلى تاراۋلار مەن قۇرىلىمداردىڭ «كەدەي وڭىرلەردەگى بالالاردىڭ قورەكتىگىن جاقسارتۋ نىسانى»، «وقۋ جاسىنا تولماعان بالالاردىڭ قورەكتىگىن جاقسارتۋ نىسانى» قاتارلى نىساندار ارقىلى بەلگىلى دەڭگەيدە قورەكتىكتى جاقسارتۋ جاعىندا قولداۋعا يە بولدى. الايدا، جالپى جاقتان الىپ ايتقاندا، بۇل جوسپارلار نەگىزىنەن كەدەي وڭىرلەردە ورىستەتىلىپ وتىر، اۋىل – قىستاقتاعى وقۋ جاسىنا تولماعان بالالاردى ءالى تولىق قامتىپ بولعان جوق. قازىرگى تاڭدا، اۋىل – قىستاقتاردا اتا – اناسىنان ءبولىنىپ قالعان، وقۋ جاسىنا تولماعان بالالار ءالى دە مول، ولاردى امالسىزدان اتا – اجەلەرى باعىپ وتىر، وتباسىنىڭ ەكونوميكالىق جاعدايى جار بەرگەنىمەن، قارتتاردىڭ ءال – دارمەنى شەكتى، تاماقتىڭ قورەكتىك قۇرامىنا ءمان بەرۋ جاعىنداعى بىلىمدەرى كەمشىل بولعاندىقتان، عىلىمي ازىقتاندىرۋدى ورىنداي المايدى.

  دەنساۋلىق ساقتاۋ – سالاماتتىق جاعىنداعى كاسىپتىك ماماندار ۇزاقتان بەرى ۇندەۋ تاستاپ كەلەدى: بالالار باقشالارى، وقۋعا ءتۇسۋ الدىنداعى كلاس قاتارلى جولداردان پايدالانىپ، «اۋىل – قىستاقتارداعى مىندەتتى وقۋ – اعارتۋ كەزەڭىندەگى وقۋشىلاردىڭ قورەكتىگىن جاقسارتۋ جوسپارى» قامتيتىن بالالاردىڭ جاس شاماسىن 3 جاسقا دەيىن تومەندەتكەن ءجون. الايدا، ەكونوميكا مەن قوعام دامۋى ورەسىنىڭ بىركەلكى بولماۋى، جەرگىلىكتى قازىنا مەن اتا – انالاردىڭ ەكونوميكالىق قۋاتى قاتارلى سەبەپتەرمەن، بۇل قىزمەت ءالى دە كوپتەگەن قيىن ماسەلەلەرگە ءدوپ كەلىپ وتىر. مىسالى، بالالار باقشاسىن اشۋشى نەگىزگى تۇلعالاردىڭ الۋان ءتۇرلى بولۋى، بالالار باقشالارىنىڭ كوشپەلىلىگى جانە بالالار باقشاسىنا كىرۋدىڭ ۇقساماعان ىقتيمالدىعىنىڭ ءبىرشاما زور بولۋى قاتارلىلارعا بايلانىستى باسقارۋ قيىنعا سوعىپ وتىر.

  اۋىل – قىستاقتارداعى، وتە – موتە، كەدەي وڭىرلەردەگى بالالاردىڭ ەرتە مەزگىلدەگى قورەكتىگى قاتارلى جاقتارىنا شارا قولدانۋ كەزەك كۇتتىرمەيتىن مىندەت. بۇل قىزمەت قانشالىق قيىن، قانشالىق كۇردەلى بولسا دا، مىقتى، شىنايى يگەرۋ قاجەت.

http://kazakh.people.com.cn/306614/15824623.html