1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

جوعارى قان قىسىمى بار ناۋقاستار ىندەتتەن ساقتانۋ مەزگىلىندە وسى ءۇش ماسەلەنى بىلۋلەرى كەرەك

日期:2020年08月03日
来源:人民网
【字体:

ىندەتكە قارسى تۇرۋ مەزگىلىندە، جوعارى قان قىسىمى بار ناۋقاستار نەلەرگە كوڭىل ءبولۋ كەرەك؟ گۋاڭجوۋ مەديتسينا داشۋەسىنە قاراستى 2 ـ شيپاحانانىڭ جۇرەك قان تامىر ىشكى اۋرۋلار ءبولىمىنىڭ ورىنباسار مەڭگەرۋشىسى چۇي ۋىنچاۋ پروفەسسور كوپشىلىك كوڭىل ءبولىپ وتىرعان مىناداي ءۇش ماسەلە جونىندە ءبىر ـ بىرلەپ تۇسىنىك جاسادى.

ءبىرىنشى سۇراق: جوعارى قان قىسىمى بار ناۋقاستار جاڭا تيپتى ايدارشا ۆيرۋس وكپە قابىنۋىنا وڭاي شالدىعا ما؟

چۇي ۋىنچاۋ مىنانى اتاپ كورسەتتى: ىندەتتىڭ العاشقى مەزگىلىندە ادامدار قارتتار جاستار مەن بالالارعا قاراعاندا وڭاي جۇعىمدالادى دەپ قارادى. الايدا، ىندەتتەن ساقتانۋ - تىزگىندەۋدىڭ ىلگەرىلەۋىنە بايلانىستى، قازىر جاڭا تيپتى ايدارشا ۆيرۋس وكپە قابىنۋىنا جالپى بەتتىك وڭاي شالدىعادى دەپ ەسەپتەيدى، كوپشىلىك جەتەكشىلىك بويىنشا ويداعىداي قورعانۋى كەرەك.

ەكىنشى سۇراق: ۇيدە اۋاشالانعاندا، جوعارى قان قىسىم اۋرۋىنا شالدىققاندار قان قىسىمىن قالاي تەجەۋى كەرەك؟

بارلىق جوعارى قان قىسىمى بار ناۋقاستار جونىنەن العاندا، چۇي ۋىنچاۋدىڭ پىكىرىنشە، الدىمەن نەگىزدىك ساقتانۋ – تىزگىندەۋ شارالارىن جاقسى ىستەپ، جۇعىمدالعان ناۋقاستاردى اۋاشالاۋ جانە ەمدەۋ، وڭاي جۇعىمدالاتىن ادامداردى قورعاپ، كۇندەلىكتى قورعانۋدى ويداعىداي ىستەۋ كەرەك.

ىندەتتەن ساقتانۋ - تىزگىندەۋ كەزىندە، ۇيدە اۋاشالانعان جوعارى قان قىسىمى بار ناۋقاستار قان قىسىمىن كۇندەلىكتى ولشەپ، ۋاعىندا ءدارى ءىشۋى كەرەك. ءبىر ءبولىم ناۋقاستاردا ەمدەلۋ قولايسىز بولۋ، ءدارى - دارمەك تاپشى بولۋ سياقتى جاعدايلار بولۋى مۇمكىن، مۇنى توراپتا ەمدەۋ تاسىلىمەن كومەكتەسىپ شەشۋگە بولادى. سونىمەن بىرگە، ىندەتتەن ارتىق الاڭداماي، مازاسىزدىقتان ارىلىپ ، قان قىسىمىنىڭ تولقۋىن ازايتۋ كەرەك.

ۇيدەگى كەزدە، ەگەر قان قىسىمىندا ۇلكەن تولقۋ پايدا بولسا ءارى قاتىستى اۋرۋ بەلگىلەرى بايقالسا، ءونىمدى قورعانۋ جاعدايىندا الەۋمەتتىك اۋماق شيپاحاناسىنا، ءتىپتى 2 - دارەجەدەن جوعارى شيپاحاناعا بارىپ ەمدەلۋىنە بولادى.

ۇيدە اۋاشالانعان ناۋقاستار اس - سۋعا كوڭىل ءبولۋ كەرەك. تۇزدىڭ ءسىمىرىلۋىن تەجەۋگە كوڭىل ءبولۋ، ساپالى بەلوكتى ازىقتىقتاردى لايىقتى تاڭداپ تۇتىنۋ، كوكونىستەردى كوبىرەك تۇتىنۋ، ۆيتاميندەردى تولىقتاۋ كەرەك.

ءۇشىنشى سۇراق: ىندەت جاعدايىنا قاراتا، جوعارى قان قىسىم اۋرۋىنا شالدىققاندار ACEI/ARB ىستەتۋىن توقتاتۋى كەرەك پە؟

جۋىردا، جوعارى قان قىسىمى بار ناۋقاستار ءۇنحات شەڭبەرىندە تاراعان مىنانداي ينفورماتسياعا نازار اۋداردى، وندا A C E I نەمەسە ARBدى ءىشۋ ايدارشا ۆيرۋسىمەن جۇعىمدالۋ قاتەرىن ارتتىرۋى مۇمكىن دەلىنگەن، ولاي بولسا ءدارىنى توقتاتۋ نەمەسە ءدارىنى تەڭشەۋ قاجەت پە، جوق پا دەپ الاڭدادى.

چۇي ۋىنچاۋدىڭ تۇسىندىرۋىنشە: كلينيكادا ۇنەمى قولدانىلاتىن قان قىسىمىن تومەندەتەتىن دارىلەر نەسەپ ايدايتىن دارىلەر، كالتسي جەتىسپەيتىن دارىلەر، bيمپرەستەۋىش، ACEI/ARBنى قامتيدى. كەزەكتە كوپ ساندى جۇرەك قان تامىر ماماندارى ACEI/ARBدان پايدالانۋ جۇعىمدالۋ قاتەرىن ارتتىرادى دەۋدىڭ نەگىزى جەتكىلىكسىز دەپ قارادى. سوندىقتان، ىندەتتەن ساقتانۋ تىزگىندەۋ كەزىندە، ول ACEI نەمەسە ARB تەكتەس دارىلەردى تۇتىنىپ جاتقان جوعارى قان قىسىمى بار ناۋقاستاردىڭ ءدارىنى بەتالدى توقتاتپاۋىن ۇسىنىس ەتتى.

قىس پەن كوكتەمنىڭ الماسۋى جوعارى قان قىسىم اۋرۋى مەن جۇرەك – قان تامىر اۋرۋى وڭاي تۋىلاتىن مەزگىل. ءوز بەتىمەن ءدارى توقتاتسا نەمەسە قان قىسىمىن تومەندەتەتىن دارىلەردى ۇيلەسىمدى اۋىستىرماسا، ونىڭ ۇستىنە قان قىسىمىن دەر كەزىندە باقىلاماسا، حاۋىپ - قاتەر وڭاي ارتادى. ەگەر ءدارىنى تەڭشەۋ قاجەت بولسا، ءسوزسىز شيپاگەردىڭ جەتەكشىلىگىندە تەڭشەۋ كەرەك. (جالپىلىق اقپارات قۇرالدارىنىڭ ءتىلشىسى ۋىڭ شۋشيان، ەرىكتى ءتىلشى شۇي يۇڭ-ي)