1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

قاننىڭ مايلاسۋى بار - جوقتىعىنا تۇجىرىم جاساعاندا بۇل مازمۇنداردى ءبىلۋ كەرەك

日期:2020年07月31日
来源:人民网
【字体:

قازىر قاننىڭ مايلاسۋى حالىقتىڭ دەنساۋلىعىنا حاۋىپ توندىرەتىن ءتورت ءىرى حاۋىپتى فاكتوردىڭ (جوعارى قان قىسىم، قانداعى قانىتتىڭ ارتۋى، قاننىڭ مايلاسۋى، اسقىن نەسەپ قىشقىلى) ءبىرى بولىپ وتىر، اسىرەسە، جاستار جاعىندا بارعان سايىن كوبەيۋدە. بۇگىن، حۋبەي ولكەلىك 3 ـ حالىق شيپاحاناسى نەرۆ ىشكى اۋرۋلار ءبولىمى 2 ـ رايونىنىڭ تەتە اعا شيپاگەرى فاڭ يوۋلين كوپشىلىككە قاننىڭ مايلاسۋى جاعىنداعى بىلىمدەردى ايتىپ بەردى.

قاننىڭ مايلاسۋ سەبەپتەرى مەن اۋرۋ بەلگىلەرى قايسىلار؟

قاننىڭ مايلاسۋى سوزىلمالى اۋرۋدىڭ ءبىرى، تۇرمىس تاسىلىنە تىعىز قاتىستى ءبىر ءتۇرلى اۋرۋ. جۇڭگو تۇرعىندارىنىڭ قورەكتىك جانە دەنساۋلىق احۋالىن تەكسەرۋگە قاراعاندا، جۇڭگو تۇرعىندارىنىڭ اس - سۋ قۇرىلىمى ۇيلەسىمسىز ەكەن، مال ەتىن، سونداي – اق مايلى تاعامداردى كوپ تۇتىنادى، استىق تەكتەس ازىقتىقتاردى تىم از تۇتىنادى. ۇيلەسىمسىز اس - سۋ قۇرىلىمنىڭ سەبەبىنەن جۇڭگولىقتاردىڭ قابىلدايتىن ماي مولشەرى مەن حولەستەرين وتە كوپ بولىپ، قاننىڭ مايلاسۋى كورنەكتى بولادى.

قاننىڭ مايلاسۋىندا، ادەتتە ەرەكشە تيپتىك جانە كلينيكالىق بەلگىلەر بولمايدى، كوپ ساندىسى قانداعى ماي قۇرامىن تەكسەرۋ بارىسىندا بايقالادى قاننىڭ مايلاسۋى ارتەريانىڭ ماي قوسىندىلارى قاباتتالا قاتايۋىمەن تىعىز قاتىستى بولادى، كوبىندە ارتەريانىڭ ماي قوسىندىلارى قاباتتالا قاتايعاننان كەيىن، نىسانا مۇشە زاقىمدالادى، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋى، قانتتى نەسەپ اۋرۋى، جوعارى قان قىسىم قاتارلى اۋرۋلار پايدا بولعاننان كەيىن بارىپ، سونىمەن بىرگە قاننىڭ مايلاسقاندىعى بايقالادى.

قاننىڭ مايلاسۋىنىڭ قانداي زيانى بار؟

قاننىڭ مايلاسۋى دەنساۋلىققا زياندى، ويتكەنى قانداعى مايدىڭ قالپسىز بولۋى جۇرەك – مي قان تامىر اۋرۋىن تۋدىراتىن ماڭىزدى قاتەرلى فاكتور. قانداعى مايدىڭ قويۋلىعى جوعارىلاعاننان نەمەسە وزگەرگەننەن كەيىن قان تامىرعا جابىسىپ، ارتەريانىڭ ماي قوسىندىلارى قاباتتالا قاتايىپ، قان تامىر تەڭبىلى پايدا بولىپ، قان تامىر تارايادى دا ، كوپتەگەن نىسانا مۇشەلەردە قان جەتىسپەۋ ءتىپتى قۇرىسۋ پايدا بولىپ، كوپتەگەن جۇرەك – مي قان تامىر اۋرۋى پايدا بولىپ، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋىنىڭ پايدا بولۋ مولشەرى مەن مي قان تامىر اۋرۋىنىڭ پايدا بولۋ مولشەرى جوعارىلاپ، اۋرۋ سەبەبىنەن قايتىس بولۋ مولشەرى ارتادى.

ەگەر ارتەريا ماي قوسىندىلارى قاباتتالا قاتايسا ، داق پايدا بولادى، تكان مۇشەلەرىنە قان مەن وتتەگى جەتىسپەۋ جاعدايى پايدا بولىپ، ءبىرسىپىرا اۋرۋلاردى كەلتىرىپ شىعارادى. ماسەلەن، ۇنەمى كەزىگەتىن مي قۇرىسۋ، جوعارى قان قىسىم، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋى، جۇرەك بۇلشىق ەتىنىڭ ولەتتەنۋى، سىرتقى ارتەريانىڭ قاتايىپ تارايۋى قاتارلىلار، بۇل اۋرۋلاردىڭ بارلىعى ارتەريانىڭ ماي قوسىندىلارى قاباتتالا قاتايمەن قاتىستى.

قاننىڭ مايلاسۋىنا تۇجىرىم جاساۋدىڭ ولشەمى قايسىلار؟

بۇل كۇندەلىكتى تۇرمىستا كوپشىلىكتىڭ ۋاعىندا تەكسەرىلىپ تۇرۋىن قاجەت ەتەدى، قاننىڭ مايلاسۋىنا دياگنوز قويۋ ءبىرشاما قاراپايىم، تەك تاڭەرتەڭ اش قارىندا شيپاحاناعا بارىپ قان الدىرىپ قانداعى مايدىڭ قۇرامىن تەكسەرتسەڭىز عانا بولعانى. تەكسەرۋ ولشەمى مىنالاردى قامتيدى: جوعارى حولەستەريندى قان اۋرۋى: قان سارسۋىنداعى حولەستەريننىڭ جالپى مولشەرى ارتادى، لتيرىنە 5.72 ميلليمولدان اسادى، ال تريگليتسەريد مولشەرى قالىپتى، ياعني تريگليتسەريد ليترىنە 70 ميلليمولدان تومەن بولادى؛ قانداعى تريگليتسەريدتىڭ ارتۋى: قان سارسۋىنداعى تريگليتسەريننىڭ مولشەرى ارتادى. لتيرىنە 1.70 ميلليمولدان اسادى، ال جالپى حولەستەرين قۇرامى قالىپتى بولادى؛ ارالاسپا سيپاتتى قاننىڭ مايلاسۋى: قان سارسۋىنداعى جالپى حولەستەرين مەن تريگليتسەريننىڭ مولشەرى دە جوعارىلايدى، ياعني جالپى حولەستەرين لتيرىنە 5.72 ميلليمولدان، تريگليتسەرين ليترىنە 1.70 ميلليمولدان اسادى ؛ جوعارى تىعىزدىقتاعى ماي بەلوگى قان اۋرۋى : قان سارسۋىنداعى جوعارى تىعىزدىقتاعى حولەستەريننىڭ مولشەرى تومەندەيدى، ليترىنە 0.9 ميلليمولدان تومەن بولادى.

قان مايلاسۋ اۋرۋىنا شالدىققاندار كۇندەلىكتى تۇرمىستا قالاي ىستەۋ كەرەك؟

قانى مايلاسقان ناۋقاستار جونىنەن العاندا، كۇندەلىكتى تۇرمىستا ۇيلەسىمدى ازىقتانۋى، لايىقتى ارەكەت جاساپ، «تاماقتى تەجەپ، ارەكەتتى جاقسارتۋى» كەرەك . تۇقىمىندا مۇنداي اۋرۋ تاريحى جوق نەمەسە جوعارى قان قىسىم اۋرۋى قوسانجارلاعان ناۋقاستار جونىنەن العاندا، تەك ازىقتىقتى تەجەۋ ارقىلى ماي قۇرامى جوعارى ادەتتەگى ناۋقاستاردىڭ قان سارسۋىنداعى تريگليتسەريد، جالپى حولەستەريندى تومەندەتۋگە بولادى.

بۇدان سىرت، قانى مايلاسقان ناۋقاستار ەت، جۇمىرتقا، ازىقتىق مايى جانە ءتاتتى تاعامداردىڭ مولشەرىن، ءتۇرىن تەجەۋمەن بىرگە، كۇندەلىكتى تۇرمىستا قالپتى ارەكەت جاساپ، مايلى تاعامداردى، ءتاتتى تاعامداردى، مالدىڭ ىشەك – قارنىن، وكپە – باۋىرىن جەمەۋ كەرەك. جوعارى قان قىسىم، قانتتى نەسەپ اۋرۋى، مي سوققىسى، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋى نەمەسە كۇرە تامىردىڭ قاتايۋى (مويىن ارتەرياسى، كوكىرەك ارتەرياسى، بۇيرەك ارتەرياسى، اياق ارتەرياسى قاتارلىلار ) سياقتى اۋرۋلار قوسانجارلاعان ناۋقاستار دارىگەردىڭ جەتەكشىلىگىندە دارىمەن ەمدەۋدى ەرتەرەك باستاۋ كەرەك.