1. اعىمداعى ورىن:
  2. باس بەت
  3. دەنساۋلىق
  4. زاڭ - ەرەجە

جازدا بالانىڭ ءىشى وتسە قالاي كۇتىمدەۋ كەرەك؟ بالالار شيپاگەرىنىڭ 5 ءتۇرلى ەسكەرتۋى ەسىڭىزدە بولسىن

日期:2020年07月30日
来源:人民网
【字体:

جاز ماۋسىمى كەلگەندە كوپتەگەن بالالاردا ءىش ءوتۋ قۇبىلىسى پايدا بولادى، مۇنداي جاعدايدا كوبىندە اتا - انالار اسىعىپ - ۇسىگىپ، دەرەۋ شيپاحاناعا اپارادى. بەيجيڭ جۇڭگوشا شيپاگەرلىك داشۋەسى شىعىس شيپاحاناسى بالالار ءبولىمىنىڭ شيپاگەرى حۋو زىجيان بىلاي دەدى: بالانىڭ «كوكباۋىر جەتىسپەيتىن» فيزيولوگيالىق ەرەكشەلىگى بولعاندىقتان، ونىڭ ۇستىنە – ءىشىپ - جەم، كليمات قاتارلى سىرتقى فاكتورلاردىڭ ىقپالىنا ۇشىرايتىندىقتان، بالانىڭ ءىشى وڭاي وتەدى. مىسالى، كەيبىر بالالار سۋىق سۋسىنداردى ىشكەننەن كەيىن نەمەسە سۋىق تيگىزىپ العاننان كەيىن ءىشى وتەدى، كەيبىر تازالىعى ناشار تاعامداردى جەۋدەن دە بولادى. ولاي بولسا، بالانىڭ ءىشى وتكەندە قانداي اۋرۋ بەلگىلەرى بولادى؟ اتا - انالار كۇتىمدەۋ بارىسىندا نەلەرگە كوڭىل بولۋلەرى كەرەك؟ مامانداردىڭ كەڭەسىنە قۇلاق تۇرەلىك.

حۋو زىجيان بىلاي دەپ ەسكەرتتى: ەگەر بالادا مىناداي اۋرۋ بەلگىلەرى بايقالسا، وندا بالانىڭ ءىشى ءوتتى دەپ ەسەپتەۋ كەرەك. ۇلكەن دارەت سانى ادەتتەگىدەن كوبەيسە، ءبىر كۇندە 2 - 3 رەت، ءتىپتى ودان دا كوپ بولسا، ۇلكەن دارەتى سۇيىق نەمەسە قويمالجىڭ ءتارىزدى بولسا.

جاز ماۋسىمىندا بالانىڭ ءىشى وڭاي وتەدى، اسىرەسە نارەستەلەردىڭ سۋىق تيۋدەن، سۋىق نارسە جەۋدەن نەمەسە ىشىنە جەل قارىسۋدان ۇنەمى ءىشى ءوتىپ قالادى، حۋو زىجيان بىلاي دەيدى: ادەتتە ۇلكەن دارەتتە كوبىرشىك شىعىپ، ءيىسى ونشا ساسىق بولماسا، ءىشى اۋىرىپ جايسىزدانۋ سياقتى بەلگىلەر بولعان جاعدايدا، قۇرساققا سۋ تورسىق قويعاندا جاقسىراق بولادى. كەيبىر بالالار تاماعىن تەجەمەگەندىكتەن، مايلى نارسەنى ارتىق جەۋدەن، وڭاي قورتىلمايتىن ازىقتىقتى جەۋدەن دە ءىش ٶتۋ جاعدايى بولادى، ادەتتە ۇلكەن دارەتى ساسىق بولادى، ءىشى كەپكەندەي بولادى، كەيبىر جاعدايدا قۇسۋ، تاماققا تابەتى تارتپاۋ قۇبىلىسى بولادى، بۇنداي ازىقتىقتان پايدا بولاتىن ءىش ٶتۋ ادەتتە دارەتكە وتىرعاننان كەيىن ازداپ باسەڭدەيدى. مۇنان سىرت، جازدا كۇن ىستىق بولعاندىقتان، جەمەكتىكتەردە باكتەريا وڭاي پايدا بولادى، ەگەر بالا توڭازىتقىشتا تولىق ىسىتىلماعان ءتۇن اسقان قۋىرماشتاردى جەسە، تولىق تازالانباعان نەمەسە كوپ تۇرىپ قالعان جەمىستەردى جەسە ءىشى وڭاي وتەدى. اتا – انالار ناقتاپ بايقاسا ۇلكەن دارەتتە قان جىپشەسى بولادى، سۇيىقتىق بايقالادى، بالانىڭ ءىشى اۋىراتىندىقتان، دارەتكە وتىرعاندا جىلايدى، كەيدە قىزۋى ورلەۋى دە مۇمكىن، ەگەر مۇنداي جاعداي تۋىلسا، اتا - انالار بالانى دەر كەزىندە شيپاحاناعا اپارىپ ەمدەتۋى كەرەك، قان ارالاسقان دارەتىن الىپ شيپاحاناعا اپارىپ حيميالىق ساراپتاۋ جاساتۋى كەرەك.

حۋو زىجياننىڭ ەسكەرتۋىنشە، بالالاردىڭ ءىشىنىڭ ءوتۋىنىڭ سەبەبى كوپ، ەگەر بالالاردىڭ ءىشى وتسە، اتا - انالار مىنا بىرنەشە جاقتارعا كوڭىل ءبولۋى كەرەك:

1. اتا - انالار بالانىڭ رۋحاني كۇيىن باقىلاۋعا كوڭىل ءبولۋى كەرەك، ەگەر بالا ۇنەمى ۇيىقتاي بەرسە، ويناعاندى ۇناتپاسا، سۋ ىشكەننەن كەيىن قۇسسا، كىشى دارەتى كورنەكتى ازايسا، دەر كەزىندە شيپاحاناعا اپارىپ بالانىڭ دەنەسىندە سۋسىزدانۋ، جۇرەك بۇلشىق ەتى زاقىمدالۋ قاتارلى قوسانجار اۋرۋلاردىڭ تۋىلۋىنان ساقتانۋ كەرەك.

2. دارەتتەن تەكسەرۋ ۇلگىسىن قالدىرعان كەزدە كوڭىل بولۋگە ءتيىستى نارسە دارەت قاعازىنىڭ ۇستىندەگى دارەتتى الۋعا بولمايدى، ونىڭ ۇستىنە ۇلكەن دارەتكە كىشى دارەت ارالاسسا بولمايدى، ايتپەگەندە تەكسەرۋ ناتيجەسىنە اسەر ەتەدى؛ اتا – انالار تازا دوربا نەمەسە تازا قالبىر ارقىلى ۇلكەن دارەتتىڭ ۇلگىسىن شيپاحاناعا اپارۋىنا بولادى، ەستە بولار جايت ءبىر ساعات ىشىندە تەكسەرۋگە جەتكىزىلۋى كەرەك.

3. اتا – انالارعا ەسكەرتەر جايت، بالاعا دياگنوز قويۋدان بۇرىن انتيبيوتيك ءدارى ىشكىزبەۋ كەرەك، بالانىڭ ءىشىنىڭ ٶتۋىنىڭ سەبەبى الۋان ءتۇرلى بولادى، سەبەبىن تاۋىپ بارىپ ەمدەۋ قاجەت.

4. بالانىڭ ءىشى وتكەندە ۇنەمى جۇرەگى اينۋ، قۇسقىسى كەلۋ، تاماققا تابەتى تارتپاۋ جاعدايى بولادى، ءدارى ىشكىزۋ ءتىپتى دە وڭاي ەمەس، جۇڭگوشا شيپاگەرلىكتىڭ دەنە سىرتىنان ەمدەۋ ادىسىندە ۋكول قويىپ، ءدارى ءىشۋدىڭ قاجەتى جوق، بالانىڭ ءىشى وتكەنىن ەمدەۋگە كومەكتەسەدى، ۇنەمى قولدانىلاتىن بالالاردى ۋقالاۋ، بۋىن قۋىستارىنا جاپسىرما شاپتاۋ سياقتى ەمدەۋ ادىستەرى ءار ءتۇرلى سەبەپتەردەن پايدا بولعان ءىش وتۋگە پايدالى.

5. ساقتانۋ جانە كۇتۋ: جازدا ازىقتىقتاردى جاقسى ساقتاماسا وڭاي بۇزىلادى، توڭازىتقىشتا ساقتالعان كۇنىڭ وزىندە دە، ول ازىق - تۇلىكتىڭ «ساقتىق ساندىعى» ەمەس، توڭازىتقىش ءتىپتى باكتەريانىڭ «ءوربيتىن بازاسى» بولۋى مۇمكىن، توڭازىتقىشتان الىنعان ازىقتىقتاردى بالاعا بەرگەندە ءتىپتى دە كوڭىل ءبولۋ كەرەك. ونان قالسا، «جاز بەن كوكتەم دەنەنى قۋاتتاندىراتىن مەزگىل» دەيىن كۇتىنۋ نازارياسى بار، سوندىقتان جاز ماۋسىمىندا بالاعا سۋىق تاماقتاردى كوپ جەگىزبەۋ كەرەك، سونىمەن بىرگە اۋا تەڭشەگىشتىڭ تەمپەراتۋراسى تىم تومەن بولماۋىنا دا كوڭىل ءبولۋ، قۇرساق ءبولىمىن جىلى ۇستاۋعا كوڭىل ءبولۋ كەرەك. ادەتتە بالانىڭ قولىن ءجيى جۋۋ، قولىنىڭ تازالىعىنا كوڭىل ءبولۋ كەرەك.

حۋو زىجيان بىلاي دەدى: بالالاردىڭ ءىشى وتكەن سوڭ اسقازان - ىشەگىنىڭ اس قورىتۋ قىزمەتى السىرەيدى، اس قورىتۋ فەرمەنتىنىڭ ءبولىنۋى ازايادى، ازىقتانعاندا شاما بار قاتىقسىز، جۇمساق، وڭاي قورىتىلاتىن تاعامدارى جەۋ كەرەك، ازىراق بەلوك قۇرامى مول جەمەكتىكتەردى قوسۋعا بولادى، مىسالى، قارا كەسەك ەت، جۇمىرتقا سياقتىلار، بۇدان سىرت، ءىش وتكەن كەزدە سۇيىقتىقتى تولىقتاۋعا كوڭىل ءبولۋ كەرەك، «سۇيىقتىق تولىقتايتىن تۇز» (口服补液盐) دەگەندى ىشۋگە بولادى، ەگەر ۇيدە قازىرشە مۇنداي دارىلەر بولماسا، قاراپايىم جولمەن سۇيىقتىق تولىقتايتىن تۇزدى جاساۋعا بولادى، مىسالى، ءتاتتى تۇز سۋى: اق شەكەردەن 10 گرام (بالا تاماق جەيتىن كىشكەنە قاسىقپەن 2 قاسىق مولشەرىندە) تۇزدان 1.75 گرام (سىرا قاقپاعىمەن جارىم قاقپاق مولشەرىندە)، 500 ميلليليتر جىلى قايناعان سۋعا قوسىپ ىشسە بولدى؛ نەمەسە كۇرىش سورپاسىنا تۇز قوسۋ: كۇرىش سورپاسىنان 500 ميلليليتر، ۇنتاق تۇزدان 1.75 گرام (سىرا قاقپاعىمەن جارىم قاقپاق مولشەرىندە)، رەت سانىن بالانىڭ جاعدايىنا قاراي بەلگحلەۋ كەرەك. ەگەر اۋرۋ بەلگىسى اۋىرلاسسا، دەر كەزىندە شيپاحاناعا اپارىپ ەمدەتۋ كەرەك.