2019 – جىلعى مەملەكەتتىك ءدارى – دارمەكتى حاۋىپسىز پايدالانۋ ايىن باستاۋ سالتى جانە ءتورتىنشى كەزەكتى جۇڭگو ءدارى – دارمەك حاۋىپسىزدىگى فورۋمى 10 – ايدىڭ 17 – كۇنى وتكىزىلدى، بۇل رەتكى قيمىلدى مەملەكەتتىك ءدارى – دارمەكتەردى باقىلاۋ – باسقارۋ مەكەمەسى ۇيىمداستىرعان، جۇڭگو ءدارى – دارمەك عىلىمي قوعامى، حالىق تورابى – حالىق سالاماتتىعى تورابى وتكىزدى. ماجىلىستە «جۇڭگونىڭ وتباسىنداعىلاردىڭ ءدارى – دارمەكتەن پايدالانۋ قولدانباسى» جانە ءدار – دارمەكتەن پايدالانۋ جاعىنداعى 2019 – جىلعى ون ءتۇرلى ەسكەرتۋ جاريالاندى، جۇڭگو ءدارى – دارمەك عىلىمي قوعامىنىڭ مامانى ءىشىنارا وتباسىندا ءدارى – دارمەكتەرىن پايدالانۋداعى جاڭساقتىقتاردى تانىستىردى.
ءىشىنارا اتا – انالار بىلاي دەپ قارايدى: بالالار قىزىپ اۋىرسا، كيىمدى قالىڭ كيگىزىپ، تەر شىعارۋ كەرەك. الايدا، مۇنداي جاعدايدى پارىقتاي ءبىلۋ كەرەك، بالا قىزىپ اۋىرعاندا، قول – اياقتاعى قان اينالىسى ناشارلاپ، ماڭدايى قىزۋ، قول – اياعى مۇزداۋ قاتارلى اۋرۋ بەلگىلەرى بايقالادى، مۇنداي كەزدە، بالالارعا ۇيلەسىمدى تۇردە قالىڭىراق كيىم كيگىزۋ ءارى جىلى كورپە جابۋ كەرەك؛ الايدا، دەنە تەمپەراتۋراسى 38 سەلسي گرادۋستان جوعارى بولسا، وندا كوزسىزدىكپەن ونان دا قالىڭ كيىندىرۋ ارقىلى تەر شىعارعا بولمايدى. بالالاردىڭ دەنە تەمپەراتۋراسىن تەڭشەۋ مەحانيزمى ناشارلاۋ، تەر شىعارۋ بەزى جەتىلمەگەندىكتەن، قالىڭ كيىنگەن سايىن دەنە تەمپەراتۋراسى ونان ارى جوعارىلاپ، تىنىس الۋى قيىنداۋى، قاتتى قىزۋ سەبەپتى شوشىنۋى، اۋەلى ەسىنەن تانۋ قاتارلى حاۋىپتى جاعدايلارعا ۇشىرۋاى مۇمكىن. ادەتتە ۇنەمى قولدانىلاتىن قىزۋ قايتارۋ دارىلەرىنەن برۋفەن جانە پاراسەتامول دارىلەرى بار، دارىلەردى ارالاس قولدانۋعا بولمايدى، كۇنىنە 4 رەتتەن كوپ ىشپەۋى كەرەك.
سۇيەكتىڭ بوساۋى — ۇنەمى كەزدەسەتىن ناۋقاس، كوپتەگەن ادامدار كالتسي تولىقتاۋ ارقىلى سۇيەكتىڭ بوساۋىنان ارىلۋعا بولادى دەپ قارايدى. شىنتۋايتىندا، سۇيەكتىڭ بوساۋى ناۋقاسىن تۇراقتاندىرعان سوڭ، سۇيەك قۇرامىنىڭ اينالىس كورسەتكىشتەرىن تەكسەرىپ كورۋ كەرەك، مىسالى، قانداعى كالتسي قۇرامى، نەسەپتەگى كالتسي قۇرامى، قانداعى فوسفور قۇرامى قاتارلىلار، وسى تەكسەرۋلەر ارقىلى ناۋقاستىڭ سەبەبىن تابۋعا بولادى. تۇرلىشە تيپتەگى سۇيەكتىڭ بوساۋى ناۋقاسىن ەمدەۋدىڭ تاسىلدەرى دە تۇرلىشە بولادى. كالتسي قۇرامى جەتىسپەۋدەن تۋىنداعان سۇيەكتىڭ بوساۋىنا كالتسي تولىقتاۋدىڭ بەلگىلى ونىمدىلىگى بولادى. ال، تۋما سۇيەك بوستىعىن شيپاگەردىڭ جەتەكشىلىگىندە ەمدەگەن ءجون، كالتسيدى بەتالدى تولىقتاۋدىڭ ەشقانداي رولى بولمايدى.
