تيانشان تورى – شينجياڭ گازەتىنىڭ حابارى (ٴتىلشى سۋ لۋپيڭ حابارلايدى) 9 – ايدىڭ 13 ـ كۇنى كەشتە اۆتونوميالى رايوندىق حالىق ۇكىمەتىنىڭ اقپارات كەڭسەسى ىندەتتەن ساقتانۋ - تىزگىندەۋ جونىندە اقپار جاريالاۋ ٴماجىلىسىن اشتى. ماجىلىستە اۆتونوميالى رايوندىق اۋرۋدان ساقتانۋ جانە ونى تىزگىندەۋ ورتالىعىنىڭ ورىنباسار مەڭگەرۋشىسى، اۋرۋدى تىزگىندەۋ كاسىبىنىڭ تەتە اعا زەرتتەۋشىسى چىن تاۋ تىلشىلەردىڭ سۇراۋىنا جاۋاپ بەردى.
كۇز، قىس ماۋسىمدارىندا تىنىس جولى جۇقپالى اۋرۋلارىنان ساقتانۋ ٴۇشىن تومەندەگى بىرنەشە جاقتى ويداعىداي ىستەۋ كەرەك:
ٴبىرىنشى، كوللەكتيۆ ورىندارداعى قىزمەتكەرلەردىڭ دەنساۋلىعىن باقىلاۋ ـ تەكسەرۋدى كۇشەيتىپ، كۇز، قىس ماۋسىمدارىندا ۇنەمى كەزىگەتىن اۋرۋ بەلگىلەرىن باقىلاۋ ـ تەكسەرۋدى، ساقتاندىرۋدى ويداعىداي ىستەپ، ەرتە بايقاۋ، ەرتە مالىمدەۋ، ەرتە ٴبىر جاقتى ەتۋ كەرەك.
ەكىنشى، ورىننىڭ اۋا الماسۋىن جانە تازالاۋ، زارارسىزداندىرۋ قىزمەتىن ويداعىداي ىستەپ، ۋاقتىلى اۋاسىن الماستىرىپ، قوقىر – قوقسىقتى ”كۇندەگىسىن كۇندە توگۋ“ كەرەك.
ٴۇشىنشى، ازىق - تۇلىك پەن اۋىز سۋ تازالىعىنا كەپىلدىك ەتۋدى ويداعىداي ىستەپ، الەۋمەتتىك وڭىرلەر مەن جوعارى جيىلىكتە جاناساتىن زاتتاردىڭ بەتىن زارارسىزداندىرۋ جيىلىگىن كۇشەيتىپ، ازىق - تۇلىك ماتەريالدارىن، اسىرەسە سۋىق تىزبەكتى ازىق - تۇلىكتەردى ساتىپ الۋ، ساقتاۋ، مانەرلەۋ سياقتى بۋىنداردىڭ حاۋىپسىزدىگىن باسقارۋدى ويداعىداي ىستەپ، ازىق - تۇلىك قاينارىندىق جۇقپالى اۋرۋلاردىڭ تۋىلۋىنان ساقتانۋ كەرەك.
ٴتورتىنشى، جۇقپالى اۋرۋلار جونىندەگى ۇگىت ـ تاربيەنى ويداعىداي ىستەپ، مەكتەپ شيپاگەرلەرى، دەنساۋلىق ساقتاۋ وقىتۋشىلارى، سالاماتتىق تاربيەشىلەرى، ارتقى شەپ جانە اس ـ سۋعا قاتىستى قىزمەتكەرلەردى بەلگىلى مەرزىمدە تاربيەلەۋ، جەتەكشىلىك ەتۋدى ورىستەتۋ كەرەك.
بەسىنشى، جۇقپالى تۇماۋ ۆاكسيناسىن ەگۋ قىزمەتىن ويداعىداي ىستەۋ. بيىل جازدا ەلىمىزدىڭ وڭتۇستىگىندەگى ٴىشىنارا ولكەلەردە جاز ماۋسىمىنداعى جۇقپالى تۇماۋدىڭ تارالۋ ورلەۋى جارىققا شىقتى، بيىل قىس پەن كەلەر جىلى كوكتەمدە جاڭا تيپتى ايدارشا ۆيرۋس وكپە قابىنۋ ىندەتى مەن جۇقپالى تۇماۋ سياقتى تىنىس جولى جۇقپالى اۋرۋلارىنىڭ قاباتتاسىپ تارالۋ قاتەرى بايقالۋى مۇمكىن. جۇقپالى تۇماۋ − ۆاكسينا ارقىلى الدىن الۋعا بولاتىن اۋرۋ. 2022 نۇسقاداعى «جۇڭگو جۇقپالى تۇماۋ ۆاكسيناسىن الدىن الىپ ەگۋ تەحنيكالىق باعدارناماسىندا» تومەندەگى ٴتۇيىندى جانە حاۋىپ – قاتەرى جوعارى ادامداردىڭ دەر كەزىندە ەكتىرۋى الدىمەن تانىستىرىلعان: ەمدەۋ قىزمەتكەرلەرى، بۇلار كلينيكالىق قۇتقارۋ - ەمدەۋ قىزمەتكەرلەرى، الەۋمەتتىك دەنساۋلىق ساقتاۋ قىزمەتكەرلەرى، دەنساۋلىق ساقتاۋ، كارەنتيندەۋ قىزمەتكەرلەرى قاتارلىلاردى قامتيدى؛ كولەمدى قيمىلدارعا قاتىناسۋشىلار مەن قامتاماسىزداندىرۋشىلار؛ قارتتاردى كۇتىمدەۋ قۇرىلىمى، ۇزاق ۋاقىتتىق كۇتىمدەۋ قۇرىلىمى، يگىلىك ورنى قاتارلى ادامدار توپتالعان ورىندارداعى ٴالسىز ادامدار توبى جانە قىزمەتكەرلەر؛ ٴتۇيىندى ورىندارداعى ادامدار، مىسالى، بالا باقشا قۇرىلىمى، ورتا، باستاۋىش مەكتەپ وقىتۋشىلارى جانە وقۋشىلارى قاتارلىلار؛ جۇقپالى تۇماۋ حاۋىپ - قاتەرى جوعارى باسقا دا ادامدار، بۇلار 60 جاس جانە ودان اسقان ۇيدە وتىرعان قارتتاردى، 6 ايدان 5 جاس ارالىعىنداعى بالالاردى، سوزىلمالى اۋرۋعا شالدىققان ناۋقاستاردى، 6 ايدان تومەن نارەستەلەردىڭ وتباسى مۇشەلەرى مەن كۇتىمدەۋشىلەرىن، سونداي - اق جۇكتى ايەلدەردى قامتيدى. جۇقپالى تۇماۋ سىندى كۇز، قىس ماۋسىمدارىنداعى باستى جۇقپالى اۋرۋدىڭ الدىن الۋدى ويداعىداي ىستەگەندە، بيىل قىس پەن كەلەر جىلى كوكتەمدە بايقالۋى مۇمكىن بولعان جۇقپالى تۇماۋ سياقتى تىنىس جولى جۇقپالى اۋرۋلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋگە جاسايتىن كەدەرگىسىن مۇمكىندىگىنشە ازايتۋعا بولادى.
اۋدارعان: قادىر ماقان
