دەنساۋلىق — ەڭ جاقسى «قىستىق دەمالىس تارتۋى»

　　دەنساۋلىق — ەڭ جاقسى «قىستىق دەمالىس تارتۋى». اتا – انالار بالالاردى جاتتىعۋعا جەتەلەۋ بارىسىندا عىلىميلىعىنا، قىزىقتىلىعىنا ءمان بەرۋى، كوڭىلدىلىك بارىسىندا ۇيرەتۋى، بىرگە ارەكەتتەنۋى كەرەك

　　جۋىردا، نيڭشيانىڭ يىنچۋان قالاسىنداعى سۇيكىمدى بالانىڭ قوناق بولمەدە دوڭگەلەكتى كونكيمەن سىرعاناۋعا جاتتىعىپ جاتقان كەسكىنىن كورگەن كوپتەگەن توراپتاستاردىڭ ەزۋىنە كۇلكى ءۇيىرىلدى. اتا – اناسىنىڭ سەرىك بولۋىندا، شاشىن تۇيگەن، ۇيقى كيىمىن كيگەن ءبۇلدىرشىن قىز ارقاسىنا قويعان قاعاز ستاكاندى تۇسىرمەۋگە تىرىسىپ، اياق قاپپەن ماپ – مايدا توسەنىش ۇستىندە سىرعاناعان ارەكەتتى اسا زور ىجداعاتپەن ىستەپ جاتىر.

　　بۇل رەتكى قىستىق دەمالىستا بالالاردىڭ ارەكەتتەنۋ ادەتىن ساقتاۋعا كوپتەگەن وتباسىلار اناعۇرلىم ءمان بەرە باستادى. كوپتەگەن اتا – انالار مەن بالالار كۇندەلىكتى تۇرمىستا پايدالاناتىن زاتتاردى ءونىمدى پايدالانىپ، ءتۇرلى – تۇستەگى وتباسىلىق ارەكەتتەردى جاراتۋعا مي جۇمساپ، دەنە ساپاسىن جاقسارتۋمەن بىرگە، ارەكەتتىڭ ءلاززاتىنا شومدى. وتە – موتە، تۇراقتاندىرۋعا تاتيتىنى، اتا – انالار بالالاردى شىنىعۋعا جەتەلەۋدەن سىرت، شىنىعۋدىڭ عىلىمي بولۋىنا، قىزىقتى بولۋىنا بارعان سايىن ءمان بەرىپ، كوڭىل اشۋ بارىسىندا ۇيرەتىپ، بىرگە ارەكەتتەندى.

　　سونىمەن بىرگە، ينتەرنەتتە دە دەنە شىنىقتىرۋ ساباقتارى دا كوپتەپ ورىستەتىلىپ، جاستار مەن وسپىرىمدەرگە باعىتتالعان شىنىعۋ ساباقتارى دا مولايدى. بالالار ۇيدەن اتتاپ شىقپاي – اق، ينتەرنەت ارقىلى دەنە شىنىقتىرۋعا قاتىستى مول بىلىمدەرگە يە بولدى، اتا – انالار دا بالالاردىڭ ءىس جۇزىندىك جاعدايىنا ۇشتاستىرا وتىرىپ، ۇيلەسىمدى شىنىعۋ ءتاسىلىن تاڭدادى. مۇنان سىرت، ينتەرنەتتەگى دەنە شىنىقتىرۋعا قاتىستى ءتۇرلى ويىن قولدانبالارى دا مولايدى، مۇنداي قولدانبالاردىڭ تارتىمدىلىعى مەن ىقپالداستىق ەرەكشەلىگى كۇشتى بولىپ، بالالاردىڭ دەنە شىنىقتىرۋعا دەگەن قىزعىندىلىعىن ارتتىرۋعا ءتيىمدى بولدى.

　　ماماندار بىلاي دەپ قارادى، جۇرت بالالاردىڭ ومىرتقاسىنىڭ اقاۋسىزدىعى مەن كورۋ قۋاتىنىڭ اقاۋسىزدىعىنا ايرىقشا ءمان بەرەتىن بولدى. وتىرۋدىڭ دۇرىس بولماۋى، ۇزاق ۋاقىت بويى تومەن قاراپ كىتاپ وقۋ قاتارلى ادەتتەردىڭ بارلىعى ومىرتقانىڭ اقاۋسىزدىعى مەن كورۋ قۋاتىنىڭ اقاۋسىزدىعىنا اسەر ەتەدى. وسى سەبەپتى، قىستىق دەمالىس مەزگىلىندە، جاستار مەن وسپىرىمدەر ۇيىقتار الدىندا كوز گيمناستيكاسى جانە ومىرتقا گيمناستيكاسى قاتارلىلاردى ىستەۋى، كوزدىڭ شارشاۋىن باسەڭدەتىپ، سىمباتىنىڭ جاقسى بولماۋ قاتارلى ماسەلەلەردەن ساقتانۋى كەرەك.

　　دەنساۋلىق — ەڭ جاقسى «قىستىق دەمالىس تارتۋى». بۇل جولعى قىستىق دەمالىس اتا – انالار مەن بالالار اراسىندا اناعۇرلىم مول بىرگە بولۋ ورايىن سيلايدى، ارەكەتتەنۋ سىندى «وتباسىلىق تاپسىرمانى» بىرگە ويداعىداي ىستەۋ بۇكىل وتباسىنىڭ سپورتقا دەگەن قۇشتارلىعىن ارتتىرىپ، سپورت ادەتىن قالىپتاستىرۋعا پايدالى بولىپ قالماستان، اتا – انالار مەن بالالاردىڭ قارىم – قاتىناسىن جاقسارتىپ، اقاۋسىز، كوڭىلدى قىستىق دەمالىستان بىرگە ءلاززاتتانۋىنا دا پايدالى.

http://kazakh.people.com.cn/15836718.html