حالىق گازەتىنىڭ ءتىلشىسى جاڭ ياڭ 1 – ايدىڭ 26 – كۇنى بەيجيڭنەن حابارلايدى. ءتىلشىنىڭ ورتالىق كوميتەت ءتارتىپ تەكسەرۋ كوميتەتى، مەملەكەتتىك باقىلاۋ كوميتەتىنەن ۇعىسۋىنشا، 2020 – جىلى 12 – ايدىڭ 31 – كۇنىنە دەيىن، 2020 – جىلى بۇكىل ەلىمىزدە ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاسالعان ماسەلەلەردەن جيىنى 136203 ماسەلە تەكسەرىلىپ، ءبىرجاقتىلى ەتىلگەن، 197761 ادام ءبىرجاقتىلى ەتىلگەن، 119224 ادامعا پارتيا ءتارتىبى جازاسى، اكىمشىلىك ىستەرى جازاسى بەرىلگەن. مۇندا، 2020 – جىلى 12 – ايدا بۇكىل ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاسالعان ماسەلەلەردەن 18505 ماسەلە بار بولىپ، 26922 ادام ءبىرجاقتىلى ەتىلگەن، 18901 ادامعا پارتيا ءتارتىبى جازاسى، اكىمشىلىك ىستەرى جازاسى بەرىلگەن.
ساناققا قاراعاندا، 2020 – جىلى بۇكىل ەلىمىز بويىنشا تەكسەرىلىپ، ءبىرجاقتىلى ەتىلگەن 136203 ماسەلەنىڭ ىشىندە، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن بۇيرىق بار بولسا دا اتقارماۋ، تيىم سالىنسا دا توقتاماۋ، نەمەسە پوزيتسيا ءبىلدىرۋى كوپ، ايعايى كۇشتى بولعانىمەن، ارەكەتى از، تياناقتاندىرۋى ناشار بولعان، ءىس جۇزىندىك جاعدايدان قول ۇزگەن، جۇرتشىلىقتان الشاقتاعان، اۋىر زارداپ تۋدىرعان 3203 ماسەلە بار؛ مىندەتىن، جاۋاپكەرشىلىگىن ارقالاپ، ەكونوميكا مەن قوعام دامۋىنا قىزمەت وتەۋ جانە ەكولوگيالىق ورتانى قورعاۋ جاقتارىندا كۇش شىعارماعان، شارا قولدانباعان، الباتى شارا قولدانعان، جالعان شارا قولدانعان، جوعارى ساپالى دامۋعا اۋىر دارەجەدە كەسىرىن تيگىزگەن ماسەلەلەردەن 60184 ماسەلە بار؛ جۇرتشىلىقپەن بايلانىس جاساۋ، ولارعا قىزمەت وتەۋ بارىسىندا ەنجارلىق ىستەگەن، الدارقاتقان، وكتەمدىك ەتكەن، قىزمەت ونىمدىلىگى تومەن بولعان، جۇرتشىلىقتىڭ مۇددەسىنە زيان جەتكىزىپ، جۇرتشىلىقتىڭ اڭىسى كۇشتى بولعان ماسەلەلەردەن 3369 ماسەلە بار؛ تاۋداي قۇجات، تاۋسىلماس جيىندى قايتادان ورالتىپ، ماقالا ستيلى، ءماجىلىس ستيلى شىنايى بولماعان، دۇرىس بولماعان، باقىلاۋ، تەكسەرۋ، باعالاۋ قىزمەتى شەكتەن تىس ءجيى جۇرگىزگەن، قىزمەتتەن ەستەلىك قالدىرۋعا شەكتەن تىس ءمان بەرگەن، نەگىزگى ساتىداعىلارعا زور اۋىرتپالىق سالعان ماسەلەلەردەن 654 ماسەلە بار؛ باسقا دا فورماشىلدىق، تورەشىلدىك ماسەلەلەرىنەن 11301 ماسەلە بار.
راقاتقۇمارلىققا سالىنۋ، ىسىراپشىلدىق ماسەلەلەرىندە، بەلگىلەمەگە قايشى تۇردە قىمبات باعالى ايگىلى ءونىم تۇرىندەگى تارتۋ – تارالعىلاردى العان نەمەسە ۇسىنعان ماسەلەلەردەن 742 ماسەلە بار، بەلگىلەمەگە قايشى تۇردە اقشالاي نەمەسە زاتتاي تارتۋ – تارالعى ۇسىنعان نەمەسە العان ماسەلەلەردەن 15746 ماسەلە بار؛ بەلگىلەمەگە قايشى تۇردە ۇكىمەت قاراجاتىمەن ءىشىپ – جەگەن ماسەلەدەن 7381 ماسەلە بار، بەلگىلەمەگە قايشى تۇردە باسقاراتىن، قىزمەت وتەيتىن وبيەكتىلەردىڭ قوناعاسى ۇيىمداستىرۋىن قابىلداعان ماسەلەلەردەن 3615 ماسەلە بار؛ بەلگىلەمەگە قايشى تۇردە توي – تومالاق، ءولىم – ءجىتىم سالتىن وتكىزگەن ماسەلەلەردەن 3500 ماسەلە بار؛ بەلگىلەمەگە قايشى تۇردە قوسىمشا قاراجات نەمەسە يگىلىك بۇيىمدارىن تاراتقان ماسەلەلەردەن 14351 ماسەلە بار؛ ۇكىمەت قاراجاتىمەن ساياحاتتاۋ، سونداي – اق، باسقاراتىن، قىزمەت وتەيتىن وبيەكتىلەردىڭ ساياحاتتاتۋ قاتارلى قيمىلداردى ورنالاستىرۋىن قابىلداۋ ماسەلەلەرىنەن 2886 ماسەلە بار؛ باسقا دا راقاتقۇمارلىق، ىسىراپشىلدىق ماسەلەلەرىنەن 9271 ماسەلە بار.
http://kazakh.people.com.cn/306611/15836300.html
