حالىق گازەتىنىڭ 1 - ايدىڭ 25 - كۇنى بەيجيڭنەن بەرگەن حابارى. جۋىردا، ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى مادەنيەت جانە ساياحات مينيسترلىگى پارتگرۋپپاسىنىڭ بۇرىنعى ورىنباسار شۋجيى، ورىنباسار مينيسترى لي جينزاۋدىڭ تارتىپكە، زاڭعا اۋىر دارەجەدە قايشىلىق جاساۋ ماسەلەسى جونىندە دەلو تۇرعىزىپ تەكسەرۋ جۇرگىزدى.
تەكسەرۋ ارقىلى لي جينزاۋدىڭ مۇرات - سەنىمىنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، ۇيىمنىڭ تەكسەرۋىنە قارسى تۇرىپ، الداپ - ارباپ، ۇيىمدى الداپ - ارباۋ، قۇراپيىلىققا سەنۋ ارەكەتىمەن شۇعىلدانعان؛ ورتالىقتىڭ سەگىز تارماقتى بەلگىلەمەسىنىڭ رۋحىن ەسكەرمەي، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىلارعا ءجيى بارعان، بەلگىلەمەگە قايشىلىق جاساپ تارتۋ - تارالعى العان؛ كادرلاردى تاڭداپ ءوسىرۋ، مىندەتكە تاعايىنداۋ قىزمەتىندە باسقالارعا پايدا جەتكىزىپ، مال - مۇلىك الىپ، ۇيىم حات ارقىلى سۇراستىرعاندا ماسەلەسىن قاز - قالپىندا تۇسىندىرمەگەن؛ تۋىس - تۋعاندارىنىڭ تيجارات قيمىلىنا پايدا جەتكىزىپ، وتباسى سالتىن بۇزعان، تۇرمىستىق جاقتان ءىرىپ ـ ءشىرىپ، وتباسىنداعىلارمەن استاسىپ اقشا جيناپ، بايلىق توپتاعان؛ جالپىلىق ۇقىقتى جەكە مۇددەنى كوزدەيتىن قۇرالعا اينالدىرىپ، قىزمەت قولايلىلىعىنان پايدالانىپ كاسىپورىن تيجاراتى، قۇرىلىس كوتەرىپ الۋ سياقتى جاقتاردا باسقالارعا پايدا جەتكىزگەنءارى زاڭسىز مال - مۇلىك قابىلداعان.
لي جينزاۋ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، مىندەتتە اۋىر دارەجەدە زاڭعا قايشىلىق جاساۋ قىلىمىسىن قالىپتاستىرعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تىزگىنىن تارتپاعان، سيپاتى اۋىر، ىقپالى ناشار بولىپ، قاتاڭ ءبىرجاقتىلى ەتىلۋى كەرەك. «جۇڭگو كوممۋنيستىك پارتياسىنىڭ ءتارتىپ ەرەجەسى» «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك جازا زاڭى» قاتارلى قاتىستى بەلگىلەمەلەرگە نەگىزدەلىپ، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى جانە ج ك پ ورتالىق كوميتەتىنىڭ بەكىتۋىمەن لي جينزاۋعا پارتيادان ايداۋ شاراسىن كورۋدى ۇيعاردى؛ مەملەكەتتىك باقىلاۋ – تەكسەرۋ كوميتەتى وعان قىزمەتتەن ايداۋ جازاسىن بەرەدى؛ ونىڭ پارتيا 19 ـ قۇرىلتايى ۋاكىلى تولىمدىلىعى توقتاتىلدى؛ تارتىپكە، زاڭعا قايشى تابىسى تاركىلەندى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ، وعان ساياتىن مال - مۇلىكتى بىرگە وتكىزىپ بەردى.
http://kazakh.people.com.cn/15836224.html
