حالىق گازەتىنىڭ 1 - ايدىڭ 24 - كۇنى بەيجيڭنەن بەرگەن حابارى. ءتىلشىنىڭ جۇڭگو حالىق بانكەسىنەن ۇعىسۋىنشا، حالىق بانكەسى ناق اقشا تاپسىرىپ الۋدان باس تارتقان 16 ورىنعا جانە قاتىستى جاۋاپتى ادامعا زاڭ بويىنشا ەكونوميكالىق جازا بەردى، ايىپ سوماسى 500 يۋاننان 500 مىڭ يۋانعا دەيىن بولادى. جازالانعان 16 ورىن نەگىزىنەن باقشا كورىنىس رايونى، الەۋمەتتىك قىزمەت وتەۋ قۇرىلىمى، اۆتوتۇراق، قامسىزداندىرۋ سەرىكتىگى قاتارلىلار. ۇعىسۋعا قاراعاندا، 2020 ـ جىلى 10 ـ ايدان بەرى، حالىق بانكەسى تۇتىنۋعا قىزمەت وتەۋدى، اينالىم ورتاسىن ىركىلىسسىزدەندىرۋدى، حالىق تۇرمىسىن قامتاماسىزداندىرۋدى نىسانا باعدار ەتىپ، حالىق اقشاسىنىڭ ناق اقشا كىرىس - شىعىسىنا جەتەكشىلىك ەتۋ قۇلاقتاندىرۋىن جاريالاپ، ارناعا ءتۇسىرۋ، جەتەكتەۋدى كۇشەيتتىء ٵرى حالىق اقشاسىنىڭ ناق اقشاسىن تاپسىرىپ الۋدان باس تارتۋ ارەكەتىن شوعىرلى جونگە سالۋ ىشكەرىلەي ورىستەتىلەدى.
حالىق بانكەسىنىڭ قاتىستى تاراۋلارىنىڭ جاۋاپتىسى بىلاي دەدى: جازالانۋشى ورىندار زاڭدىق ساناسى تاياز، نەمەسە قىزمەت وتەۋ تانىمى ءالسىز نەمەسە ساۋدا ماقساتى نەگىزىندە قىزمەت وتەگەن «ناق اقشانى الۋدان باس تارتقان» بەلگى تاقتاسىن جاپسىرىپ، «جولىقپاۋ» ، «جوعارىنىڭ تالابى» سياقتىلاردى سىلتاۋ ەتىپ، كەزەكشىدە ادام بار بولىپ ناق اقشا الا الاتىن شارت - جاعدايى بار بولسادا، ناق اقشانى تاپسىرىپ الۋدان باس تارتقاندار. كەلەسى ساتىدا حالىق بانكەسى ۇزدىكسىز ىشكەرىلەي جونگە سالادى، ناق اقشا تاپسىرىپ الۋدان باس تارتقان ارەكەتتەردى تەكسەرىپ انىقتاپ، تۇتىنۋشىلاردىڭ زاڭدى ۇقىق - مۇددەسىن شىنايى قورعايدى.
http://kazakh.people.com.cn/15836208.html
